Génesis 41:42 - Bible in Tzeltal Bachajón

⁴² Ha yu'un la sloq'ues te sch'ocow ay ta sc'ab, la ya'be ta sc'ab te José, la ya'be slap t'ujbil c'u'ul pasbil ta lino, la ya'be yuhan t'ujbil uhalil pasbil ta oro;

Bible in Tzeltal de Oxchuc y Tenejapa

⁴² Jich la sloq'ues xch'ocow ay ta sc'ab te yich'ojbey selloil te yat'ele, la yac'bey ta sc'ab José. Soc la yac'bey slap buen t'ujbil c'u'il pasbil ta lino, la yac'bey yuan buen t'ujbil ualil pasbil ta oro.

Génesis 41:42 Referans Kwoze

Daniel 5:29

Hich te Belsasar la yal mandar te ya x'a'bot slap chi'in-yaxal c'u'ul te Daniel, te ya x'a'bot yuhan cadena pasbil ta oro soc te ya yich' puhquel ta halel te ha yoxtuhlul ajwalil ya xc'oht te ban c'alal scuentahinej te ajwalile.

Daniel 5:7

Tulan awon te ajwalil te ya me yiq'uic tal te jpas-señahetic, caldeohetic soc te jna'ojeletique; te ajwalil hich la yalbe te p'ijil winiquetic yu'un Babilonia: Te mach'a ya yil te bin ts'ihbabil ini soc ya ya'bon jna' te bin sc'oblale, ya x'a'bot slap chi'in-yaxal c'u'ul, ya x'a'bot yuhan cadena pasbil ta oro, soc ha yoxebal ajwalil ya xc'oht ta ban c'alal jcuentahinej, xchi.

Ester 3:10

Hich te ajwalil la sloq'ues ta sc'ab te sch'ocow, la ya'be te Amán snich'an Hamedata, sts'umbal Agag, te scontra te judiohetic,

Daniel 5:16

Pero ca'iyej te ya xhu' awu'un yalbeyel sc'oblal soc schahpanel bintic chuhcul ta chahpanel. Teme ya xhu' yac awil te bin ts'ihbabil li'i soc te yac awalbon te sc'oblale, ya x'a'botat alap chi'in-yaxal c'u'ul, ya x'a'botat awuhan cadena pasbil ta oro, soc ha yoxebal ajwalil ya xc'ohat ta ban c'alal jcuentahinej, xchi.

Ester 8:2

Te ajwalil la sloq'ues te sch'ocow te la yich'be hilel te Amán, la ya'be te Mardoqueo. Te Ester la ya'be scuentahin te bintic ay yu'un te Amán.

Ester 8:15

Te Mardoqueo loc' bahel ta stojol te ajwalil, slapoj yax soc sac sc'u' scuenta ajwalil, soc muc'ul corona pasbil ta oro soc chi'in-yaxal smehyil-pac' pasbil ta lino fino. Te pueblo Susa awonic yu'un yutsil q'uinal;

Ester 8:10

La sts'ihbay ta scuenta sbihil te ajwalil Asuero, la ya'be yich' sellohil ta sch'ocow te ajwalil, la sticonlan bahel te cartahetic ta scuenta winiquetic te mohemic ta cawu te mero ya xbehenic, te ha nix cawuhetic yu'un te ajwalil.

Ezequiel 27:7

Te apac'al pasbil ta ch'albil lequil lino yu'un Egipto, yu'un ya xtuhun awu'un ta bandera; te awaxib-pac' yax soc chi'in-yax yu'un te ti'ti'mar yu'un Elisa.

Cantares 1:10

Buen t'ujbil te acho ta yohlil ach'ahlel, soc te anuc' ta yohlil te uhaliletic.

Proverbios 31:24

Ya spasticlan paq'uetic soc ya schonticlan, soc ya schombe schuhquil sch'uhtic te jchombajeletique.

Proverbios 31:22

Ya spas sehnil swayib, ha sc'u'inej lino fino soc chi'in-yaxal pac'.

Ester 8:8

Ts'ihbayahic hiche ta stojol te judiohetic ta scuenta sbihil te ajwalil te bin lec yac awa'iyic, soc a'beyahic sellohin ta sch'ocow te ajwalil, xchi. (Como te mandaril te ts'ihbabil ta scuenta sbihil ajwalil soc te yich'oj sellohil ta sch'ocow te ajwalil, ma xhu' ta lajimbeyel sc'oblal.)

Ester 3:12

Ha yu'un ta yoxlajunebal (13) c'ahc'al ta shachel u la yich'ic iq'uel te secretariohetic yu'un te ajwalil, la yich' sts'ihbayel spisil te bintic la yal ta mandar te Amán, la sticonlambe ta stojol te gobernadoretic ta jujusehp q'uinal soc te príncipaletic yu'un jujun pueblo, ta jujusehp q'uinal chican bin yilel te sts'ihbajelic soc ta jujun pueblo ha chican te sc'opique. La yich' ts'ihbayel ta scuenta sbihil te ajwalil Asuero soc la yich' te sello yu'un sch'ocow.

San Lucas 15:22

Pero te stat hich la yalbe te a'batetic yu'une: Ich'ahic tal buen lequil c'u'ul, a'beyahic slap; soc a'beyahic ch'ocowil ta yal sc'ab soc a'beyahic slap step.

Proverbios 1:9

como yutsil sch'ahlel ajol ya xc'oht soc uhalil ta anuc'.

Ester 10:3

Te judio Mardoqueo, ha schebal c'oht yu'un te ajwalil Asuero, ha muc' sc'oblal ta yohlil te judiohetic, soc ich'bil ta cuenta yu'un bayel te yermanotac, como la slehbe yutsil te pueblo yu'un soc la yac' lahmajuc q'uinal ta stojol spisil te sts'umbal.

Génesis 38:18

¿Bin a te ya ca'bat hilel? xchi te Judá. Ha te sello soc te bin awuhanej, soc anahbate' te ay ta ac'ab, xchi te antse. Hich te Judá la ya'be hilel te bintic c'ambot, la sjoquin ta wayel, hich hahch yal yu'un.

Génesis 41:43

la yac' mohuc ta schebal carreta yu'un, soc ay mach'atic nahilijic bahel yu'un te la yalic ta aw: ¡Quejana abahic! xchihic. Hich te José la scuentahin spahmal te sq'uinal Egipto.

1 Samuel 18:4

Te Jonatán la schol te smuc'ul-c'u' slapoj, la ya'be te David, soc te yan sc'u' spac', te espada yu'un, st'ihmalte' soc schuhquil sch'uht.

Salmos 73:6

Ha yu'un ha yuhanejic te toybahil; ha sc'u'inejic te uts'inwanej.

Cantares 4:9

La awu'untaybon te co'tan, ha'at quihts'inat, jlecolat; la awu'untaybon co'tan te junax buelta la awilon, ta jlihc nax awu ta anuc'.

Jeremías 52:33

Hich te Joaquín la sloq'ues hilel sc'u' spac' te slapoj c'alal ay ta cárcel, soc te jayeb xan c'ahc'al cuxul, we' ta smesa te ajwalile.

Isaías 3:23

te espejohetic soc lequil paq'uetic, te spohtsil sjolic soc te schuhquilique.