Génesis 41:41 - Bible in Tzeltal Bachajón

⁴¹ Te faraón hich la yalbe xan te José: Ya ca'bat acuentahin spahmal te sq'uinal Egipto, xchi.

Bible in Tzeltal de Oxchuc y Tenejapa

⁴¹ Yan te ja'ate ya me awentainbon spamal sq'uinal Egipto —xi'.

Génesis 41:41 Referans Kwoze

San Mateo 28:18

Nohpoj tal te Jesús, hich la yalbe: A'botonix quich' tulan ca'tel ta ch'ulchan soc ta bahlumilal.

Daniel 6:3

Te Daniel lec xan ya'tel te bin ut'il te schebal ajwaliletic soc te gobernadoretic como yich'oj espíritu te c'ax lec xan a, hich te ajwalil la snop te ya ya'be scuentahin spisil ban c'alal scuentahinej.

Génesis 42:6

Te José ha jcuentahinwanej yu'un te q'uinal, ha te mach'a ya xchombe trigo swohlol bahlumilal. C'ohtic te sbanquiltac José, la squejan sbahic ta lum ta stojol.

Proverbios 22:29

¿Ay bal awiloj te mach'a lec te ya'tele? Ya me xc'oht ta stojol ajwaliletic, ma ha'uc ya x'a'tej ta stojol te mach'atic peq'uelique.

Proverbios 17:2

Te a'bat te ay sp'ijil yo'tan ya me scuentahin te nich'anil te q'uexlaltic sba, soc pajal ya yich' soc te sbanquiltac te bin ya x'a'bot yich'ic hilel yu'un te state.

Ester 10:3

Te judio Mardoqueo, ha schebal c'oht yu'un te ajwalil Asuero, ha muc' sc'oblal ta yohlil te judiohetic, soc ich'bil ta cuenta yu'un bayel te yermanotac, como la slehbe yutsil te pueblo yu'un soc la yac' lahmajuc q'uinal ta stojol spisil te sts'umbal.

Génesis 41:44

Soc te faraón hich la yalbe te José: Ho'on faraón, mayuc mach'a ya shach yoc sc'ab ta spahmal sq'uinal Egipto teme ma ha'ucat yac awal, xchi.

Génesis 39:22

Hich te jcuentahinwanej yu'un te cárcel la ya'be scuentahin José spisil te jchuqueletic te ayic ta chuquel soque. Spisil bin ay ta pasel tey a, ha la spas te José.

Génesis 39:5

Te c'alal och ta scuenta José spisil sna soc spisil sbiluc, te Jehová la ya'be bendición te sna te egipcio-winic ta scuenta te José; c'oht bendición yu'un Jehová ta stojol spisil bintic ay yu'un ta sna soc ta sq'uinal.

Hechos 7:10

la scoltay ta spisil swocol, la ya'be sp'ijil yo'tan soc la yac' te lec yo'tan yu'un te faraón ajwalil yu'un Egipto, te la yotses ta gobernadoril yu'un Egipto soc ta scuentahinel spisil sna.

Salmos 105:21

Ha la ya'be scuentahin te sna, ha ajwalil c'oht yu'un spisil bintic ay yu'un,

Eclesiastés 4:14

aunque loq'uem ta cárcel te querem te och ta ajwalil, o te pobre ayin ta banti cuentahimbil yu'un te ajwalile.

Génesis 45:8

Ha yu'un ma ha'uquex la awac'onic tal li'i, ha te Dios te la yac'on tal, la yac'on ta stat faraón, la yac' te ajwalilon c'ohon yu'un spisil sna soc la ya'bon jcuentahin spisil te sq'uinal Egipto.

Daniel 2:48

Te ajwalil la stohytesbe ya'tel te Daniel, la ya'be bayel mahtaniletic, la ya'be ya'tel ta gobernador yu'un spisil te jsehp q'uinal Babilonia soc jtsobaw yu'un spisil te p'ijil winiquetic yu'un Babilonia.