Génesis 41:16 - Bible in Tzeltal Bachajón

¹⁶ Te José hich la sjac'be sc'op te faraón: Te ho'one mayuc bin ya jna'; pero Dios me ya ya'be sna' scuentahil te faraón, xchi.

Bible in Tzeltal de Oxchuc y Tenejapa

¹⁶ Te José la yalbey te faraón: —Te jo'one ma'yuc bila ya jna'. Dios me ya yac'bey sna' stojol swaich te faraón —xi'.

Génesis 41:16 Referans Kwoze

2 Corintios 3:5

Ma yu'unuc ya calcotic te jtuquel-o'tancotic ya xhu' cu'uncotic; ha nix Dios ya yac' te ay bin ya xhu' cu'uncotic spasel.

Génesis 40:8

Hich la yalic: Yu'un la jca'iycotic wayich, pero mayuc mach'a ya sna'be scuentahil, xchihic. Te José la yalbe: ¿Ma bal ha'uc yu'un Dios te ya yac' ta na'beyel scuentahil? Halbonic ca'iy te awayichic, xchi.

Daniel 2:47

Te ajwalil hich la yalbe te Daniel: Melel te Dios awu'unic ha Dios yu'un yantic diosetic, ha Ajwalil yu'un ajwaliletic soc te mach'a ya yac' ta na'el bintic wocol ta na'el, como hu' awu'un te la awac' ta na'el te bintic wocol ta na'el ini, xchi.

Hechos 3:12

C'alal hich la yil te Pedro, hich hahch yalbe te ants-winiquetique: Winiquetic yu'un Israel, ¿bin yu'un xcham awo'tanic yu'un ini? ¿Bin yu'un te ho'otcotic yac awilotcotic, te yac acuyic te ta scuenta cu'elcotic o ta scuenta lec co'tancotic ta stojol Dios te la jcac'cotic behenuc te winique?

Números 12:6

Hich halbotic yu'un te Jehová: A'iya awa'iyic te jc'ope: Teme ay jalwanej yu'un Jehová ta awohlilic, ya cac' jba ta ilel yu'un ta snahalsit, ya jc'opon ta swayich.

1 Corintios 15:10

Pero ta scuenta yutsil yo'tan Dios hich ayon te bin ut'il ayone; soc ma tojoluc te yutsil yo'tan ta jtojol, c'ax hich a'tejemon a te bin ut'il a'tejem spisil te yantic jpuc-c'opetique; pero ma ho'ucon, ha nix te yutsil yo'tan Dios ta jtojol.

Hechos 3:7

Hich la stsac ta swa'el-c'ab, la snit hahchel; ora la yich' yip te yoc soc te snuc' yoc;

San Lucas 19:42

hich la yal: ¡Te ayuc bin ut'il la ana' ta c'ahc'alel ini bin ut'il ya xlahmaj q'uinal awu'un! Pero yo'tic macbil ta asit, ma ba yac awil.

Daniel 4:2

Ya jc'an ya calbeyex sc'oblal te señahiletic soc jchahp a'teliletic la spasbon te Dios te mero toyol ay.

2 Reyes 6:27

La sjac' te ajwalil: Teme ma ba ya scoltayat te Jehová, ¿bin ya cut ya jcoltayat ho'on? ¿Ya bal xhu' ya ca'bat te bin ya xloc' ta sq'uiyojibal trigo o ta spits'ojibal ts'usub? xchi.

Génesis 37:14

Hich halbot bahel yu'un te stat: Bahan, ilawil teme lec ay te abanquiltac soc teme lec ay te tuminchijetique; ya me xtal awalbon ca'iy, xchi. Hich la sticon hahchel ta spamlej Hebrón, c'oht ta Siquem te José.

Génesis 41:17

Hich te faraón la yalbe te José: Ta jwayich sjel te teq'uelon ta ti' muc'ul-ha' la jquil,

Génesis 41:25

Te José la yalbe te faraón: Junax sc'oblal te swayich te faraón. Dios la ya'be sna' te faraón bin ya xc'oht ta pasel ta patil.

Génesis 41:28

Hich te bin ut'il la jcalbe te faraón: Dios la ya'be sna' te faraón te bin ya xbaht spas.

Deuteronomio 29:29

Te bintic muquen ay, ha ay ta scuenta stuquel te Jehová te Dios cu'untic; yan te bintic ac'ot ta na'el, ha cu'untic soc cal-jnich'antic spisil ora, scuenta yu'un ya jpastic spisil te bintic ya yal te mandariletic ini.

Zacarías 4:6

Ha yu'un hich la yalbon: Ha te sc'op Jehová ini ta stojol Zorobabel, te hich ya yal: Ma ta scuentahuc soldadohetic soc ma ta scuentahuc yipic, ha ta scuenta te espíritu cu'un, xchi te Jehová te scuentahinej spisil.