Génesis 4:9 - Bible in Tzeltal Bachajón

⁹ Te Jehová la sjoc'obe te Caín: ¿Banti ay te awihts'in Abel? xchi. La sjac' te Caín: Ma xquil, ¿yu'un bal ho'on jcanantaywanejon yu'un te quihts'ine? xchi.

Bible in Tzeltal de Oxchuc y Tenejapa

⁹ Dios la sjojc'obey te Caín: —¿Banti ay te awijts'in Abel? —la yut. La sjac' te Caine: —Ma xquil, ¿yu'un bal jo'on jcanantayej te quijts'ine? —xi'.

Génesis 4:9 Referans Kwoze

Proverbios 28:13

Te mach'a ya smuc smul, ma xp'ohl te bintic ay yu'un, yan te mach'a ya yal ta jamal smul soc ya yihquitay spasel, ya me sta c'uxultayel.

San Juan 8:44

Te ha'exe, ha yu'unex te atatic, ha te pucuje, soc yac apasbeyic te bin ya sc'an yo'tan te atatique. Stalel jmilaw c'alal shahchibal, mayuc bin ora melel te sc'ope, como stalel mayuc smelelil c'op yu'un. C'alal ya ya'iy lot, ha nix sc'op ya yal, como mero jlot stuquel soc ha tatil yu'un lot.

Salmos 9:12

Te Mach'a ya sc'ambe stojol malbil ch'ich' ya sna'ticlan; ma ba ya xch'ay ta yo'tan te yaw te mach'atic pich'il yo'tanique.

Génesis 37:32

La yich'ic bahel ta stojol static te smuc'ul-c'u' te bayel sch'ahlel, hich la yalbeyic: La jtahcotic ini. Ilawil teme ha sc'u' te anich'an o ma ha'uc, xchihic.

Génesis 4:10

Te Dios hich la yalbe: ¿Bin la apas? Ha ya yalat tal c'alal ta lum te sch'ich'el te awihts'ine.

Génesis 37:26

Te Judá la yalbe te yermanotac: ¿Bin ya xloc' cu'untic a teme ya jmiltic te quihts'intic soc te ya jmuc ta co'tantic te lajixe?

Salmos 9:13

C'uxultayawon, Jehová; ilbon te jwocol yu'un te mach'atic ya sp'ajonic, ha'at, te yac aloq'ueson ta puertahetic yu'un lajel