Génesis 4:17 - Bible in Tzeltal Bachajón

¹⁷ Te Caín la sjoquin ta wayel te yihnam, hich hahch yal, Enoc sbihil. Soc la spas muc'ul pueblo, la ya'be sbihilin Enoc, ha te sbihil te snich'ane.

Bible in Tzeltal de Oxchuc y Tenejapa

¹⁷ Te Caín la sjoin ta wayel te yiname, jich la yic' yal, Enoc sbiil c'ot. Soc la spas muc'ul lum te Caín, Enoc sbiil c'ot yu'un te lume, ja' la yac'bey sbiilin te sbiil snich'ane.

Génesis 4:17 Referans Kwoze

Salmos 49:11

Te smuquenalic ha snahic sbahtel q'uinal, ha snahic ya xhil ta cajalcaj ts'umbalil, aunque la sbihilin sq'uinalic te sbihilique.

Daniel 4:30

hich la yal: ¿Ma bal ha'uc ini te muc'ul Babilonia te la jpas ta scuenta bayel quip banti ya xnahin ajwalil, soc scuenta yich'el ta muc' te cutsilale? xchi.

2 Samuel 18:18

Te c'alal cuxul to a te Absalón, la stehc'an bahlal ton ta Spamlej yu'un Ajwalil, como hich la yal ta yo'tan: Mayuc jnich'an te ya yich'bon hilel sna'ojibal te jbihile, xchi. La ya'be sbihilin te sbihil nix te bahlal ton, ha Bahlal ton yu'un Absalón c'oht te sbihil c'alal ora.

Génesis 11:4

Patil la yalic: Conic, jpastic muc'ul pueblo soc muc'ul toyol ts'ahc te ya xc'oht c'alal ta ch'ulchan; hich muc' ya xc'oht jc'oblaltic soc hich ma ba ya xpuhcotic bahel ta sba te bahlumilal, xchihic.

Génesis 5:22

Ta patil te ayin te Matusalén, te Enoc behen soc Dios ho'lajunwinic (300) ha'bil, soc ayin yan queremetic soc ach'ixetic yu'un.

Génesis 5:18

Ay cheb sbalunwinic (162) ya'bilal a te Jared ayin snich'an, Enoc sbihil.

Génesis 4:16

Hich loc' ta stojol Dios te Caín, baht ta nahinel ta sq'uinal Nod te ay ta stojol banti ya xloc' tal c'ahc'al yu'un Edén.

Génesis 4:18

Ayin snich'an te Enoc, ha te Irad; ayin snich'an te Irad, ha te Mehujael; ayin snich'an te Mehujael, ha te Metusael; ayin snich'an te Metusael, ha te Lamec.

Salmos 49:12

Pero te ants-winic ma sbahteluc q'uinal cuxul, aunque jc'ulej; ¡pajal ay soc chambahlametic te ya xchamique!