Génesis 4:10 - Bible in Tzeltal Bachajón

¹⁰ Te Dios hich la yalbe: ¿Bin la apas? Ha ya yalat tal c'alal ta lum te sch'ich'el te awihts'ine.

Bible in Tzeltal de Oxchuc y Tenejapa

¹⁰ Te Diose jich la yalbey: —¿Bi yu'un jich la apas? Ja' la yalat te xch'ich'el awijts'in te la amalbey ta lumq'uinale.

Génesis 4:10 Referans Kwoze

Hebreos 12:24

ta stojol Jesús, te Jc'asesej-c'op yu'un te yach'il chapbil-c'op, soc ta stojol te ch'ich' te tsihtsimbil, te c'ax lec xan bin ya yal a te bin ut'il bin ya yal te sch'ich'el Abel.

Hebreos 11:4

Ta scuenta sch'uhunel yo'tan te Abel c'ax hich yutsil a te milbil mahtanil la yac' te bin ut'il la yac' te Caín. Hich halbot sc'oblal te toj yo'tan, te bin ut'il Dios la yal te lec yo'tan yu'un te smahtan la yaq'ue. Aunque chamenix te Abel, ya to xc'opoj ta scuenta te sch'uhunel yo'tan.

Isaías 5:7

Te ts'usubil yu'un te Jehová te scuentahinej spisil, ha te sna Israel, soc te winiquetic yu'un Judá ha te ts'umbil q'uinal te mulambil yu'une. Ha la smahliy bin toj ta pasel, pero ay ta malel ch'ich'; la smahliy stojil chahpanel, pero la ya'iy aw yu'un wocol.

Salmos 72:14

Ya me scoltaylan ta wocol soc ta uts'inel, como bayel sc'oblal ta yo'tan te scuxlejalique.

Santiago 5:4

A'iya me awa'iyic, yaquic ta aw ta scontrahimbelex te j'a'teletic te la stsobeyex sit te ats'unub awawalic, te ta scuenta lo'loyel ma ba la atojique. Te yawic te mach'atic la stsobic te sit ats'unub awawalic c'ohtix ta stojol te Cajwaltic te scuentahinej spisil.

Salmos 9:12

Te Mach'a ya sc'ambe stojol malbil ch'ich' ya sna'ticlan; ma ba ya xch'ay ta yo'tan te yaw te mach'atic pich'il yo'tanique.

Números 35:33

Ma me xabohlobtesbeyic sc'oblal te q'uinal te banti ya xnahinex; como te ch'ich' ini ya sbohlobtesbe sc'oblal te q'uinale; ma xhu' ya yich' lecubtesbeyel sc'oblal te q'uinal yu'un te ch'ich' malbil tey a, ha nax ta scuenta te sch'ich'el te mach'a la smal te ch'ich'e.

Job 16:18

¡Lumq'uinal, ma me xamucbon te jch'ich'ele, soc ma me ayuc banti ya scux yo'tan te caw!

Génesis 9:5

como ya me xc'opojon yu'un ach'ich'el te ya yich' malel, ya ca'be stoj spisil chambahlam soc spisil winic; ya ca'be stoj ta jujutuhl te ya smalbe sch'ich'el te spat-xuhque.

Salmos 50:21

Hich la apas, pero mayuc bin la jcal yu'un; la acuy te hichon te bin ut'il ha'at. Pero ya me jtijat ta c'op, ya calbat amul ta asit.

Éxodo 3:7

Patil hich la yal te Jehová: Melel la jquilbeyix swocol te pueblo cu'un te ay ta Egipto, soc la jca'iybeyix yawic yu'un te jsujawetic yu'unic ta a'tel. Ya jna'be yo'bolil sbahic yu'un te swocolique.

Job 24:12

C'alal ta yutil pueblo ya x'ahcanajic te mach'atic chameliquix, soc ya x'awonic te mach'atic ehchenajic scuenta lajel, pero ma x'a'iybotic sc'opic yu'un te Diose.

2 Reyes 9:26

Wojey la jquilbe te sch'ich'el Nabot soc sch'ich'el te snich'nab, soc li' ta q'uinal ini ya me ca'bat atoj, xchi te Jehová. Ha yu'un tsaca, ch'oja bahel ta sq'uinal Nabot, hich te bin ut'il yaloj te Jehová, xchi.

Josué 7:19

Ha yu'un te Josué la yalbe te Acán: Jnich'an, halbeya yutsilal Jehová te Dios yu'un Israel, halbon ca'iy te bin apasoj, ma xamucbon ta awo'tan, la yut.

Génesis 18:20

Ha yu'un te Jehová la yalbe te Abraham: Te bin ut'il yac ta behbe tohyel c'opetic ta stojol te Sodoma soc Gomorra, soc te c'ax bayel te smulique,

Génesis 3:13

Ha yu'un te Jehová Dios la sjohc'obe te antse: ¿Bin a te la apas? la yut. La yal te antse: Ha la slo'loyon te chane, hich la jlo', xchi.

Hechos 5:9

Halbot yu'un te Pedro: ¿Bin yu'un te la achapic te yac atsajic te Espíritu yu'un te Cajwaltique? Ilawil, chicanix ta talel yoquic ta ti'nahil te mach'atic la smucbatix te amamalale, ha nix hich ya me sq'uechat bahel, xchi sc'oblal.

Hechos 5:3

La yal te Pedro: Ananías, ¿bin yu'un noj ta awo'tan te Satanás yu'un yac alotiy te Ch'ul Espíritu, te la awich' j'ohlil te stojol te q'uinale?

Deuteronomio 21:1

Tey ta q'uinal te ya ya'bat awu'untay te Jehová te Dios awu'un, teme ay tahot ta yohl q'uinal mach'a lajem, teme ma chicanuc mach'a milot yu'une,

1 Samuel 13:11

Hich la yal te Samuel: ¿Bin la apas? xchi. La sjac' te Saúl: Te c'alal la jquil te yacalic ta ahnel loq'uel te winiquetic soc te ma ba talat ta yorahil te awaloj, soc te stsobojix sbahic ta Micmas te filisteohetic,

2 Crónicas 28:9

Ay jtuhl jalwanej yu'un Jehová tey a, ha te Oded sbihil, loc' ta stahel te soldadohetic te c'alal yacalic ta ochel bahel ta Samaria a, hich la yalbe: Te Jehová te Dios yu'un te ame'atatic la ya'beyex ta ac'abic te Judá ta scaj te ilin ta stojolic. Te ha'ex la amilic ta scuenta hich smuc'ul awilimbahic te c'ohtix c'alal ta ch'ulchan.

Salmos 9:13

C'uxultayawon, Jehová; ilbon te jwocol yu'un te mach'atic ya sp'ajonic, ha'at, te yac aloq'ueson ta puertahetic yu'un lajel