Génesis 39:1 - Bible in Tzeltal Bachajón

¹ Ic'ot bahel ta Egipto te José. Te Potifar te egipcio-winic te ay ya'tel ta stojol faraón, te capitán yu'un te soldadohetic te ya scanantayic ajwalil, la smambe te ismaeletic te yic'ojic bahel tey a.

Bible in Tzeltal de Oxchuc y Tenejapa

¹ Te José c'ot ta Egipto te bit'il la yiq'uic bael te ismaeletique. Tey manot yu'un jtul egipcio-winic te Potifar sbiile, te ay yat'el ta stojol te faraón, ay ta comandante yu'un te jcanantaywanejetique.

Génesis 39:1 Referans Kwoze

Salmos 105:17

La snahiltes bahel jtuhl winic ta stojolic, ha te José te la yich' chonel bahel ta mosohil.

Génesis 37:28

C'alal yacalic ta c'axel tey a te jchombajel madianetic, la sloq'uesic ta ch'en te José, la schombeyic bahel te ismaeletic, jtahb (20) ta sehp plata stojol. La yiq'uic bahel ta Egipto te José.

Génesis 37:36

Te madianetic c'oht schonic te José ta Egipto ta sc'ab Potifar te ay ya'tel ta stojol faraón, ha capitán yu'un te soldadohetic te ya scanantayic ajwalil.

Génesis 37:25

Patil la shuhcan sbahic ta we'el. La yilic yacalic ta talel ismaeletic hahchemic tal ta Galaad, te scamellohic scuchojic bin sumet yic', bálsamo-te', soc mirra, te yac yich'belic bahel ta Egipto.

Hechos 7:9

Te tatiletic, ta scuenta sbic'tal yo'tanic, la schonic bahel ta Egipto te José; pero ha joquimbil yu'un Dios,

Génesis 45:4

Ha yu'un te José la yalbe te sbanquiltac: Nohpojanic tal ta jtojol, xchi. Hich nohpojic tal ta stojol; hich halbotic yu'un: Ho'on te José te awihts'inonic te la achononic tal ta Egipto.

Génesis 40:3

La yotses ta cárcel ta sna te capitán yu'un soldadohetic te ya scanantayic ajwalil, ta cárcel te banti ay te José.