Génesis 37:8 - Bible in Tzeltal Bachajón

⁸ Hich joc'obot yu'un te sbanquiltac: ¿Yu'un bal ya x'ochat ta ajwalil cu'uncotic? ¿Yu'un bal jcuentahinwanej ya xc'ohat ta jtojolcotic? la yutic. Hich bayel xan la sp'ajic yu'un te swayich soc te sc'ope.

Bible in Tzeltal de Oxchuc y Tenejapa

⁸ La yalic te sbanquiltaque: —¿Yu'un bal sc'oplal ya cajwalinticat ya awal? ¿Yu'un bal sc'oplal ya xmandalajat ta jtojoltic? —la yutic. Bayal to xan la yil-o'tantayic yu'un ta swenta swaich soc ta swenta te sc'ope.

Génesis 37:8 Referans Kwoze

Hechos 7:35

Ha nix te Moisés te ma ba la sc'anic te me'iltatiletic, te hich la yalbeyic: ¿Mach'a la ya'bat awa'tel ta jcuentahinwanej soc ta juez? te xchihique, ha nix te ticonot bahel yu'un Dios ta scuenta te ch'ul a'bat te chicnaj ta jpeht ch'ix, scuenta yu'un ha ya x'och ta jcuentahinwanej soc jcoltaywanej yu'unic.

1 Samuel 10:27

Pero ay mach'atic te chopol yo'tanic, te hich la yalic: ¿Bin ut'il ya xhu' ya scoltayotic te winic ini? xchihic. Mayuc sc'oblal c'oht ta yo'tanic soc ma ba la yich'beyic tal smahtan. Pero mayuc bin la yal yu'un te Saúl.

Hebreos 10:29

¿Ma bal c'axemuc to xan hich castigo ya yich' a te mach'a ya sts'o'ts'o'tec' te Snich'an Dios, soc te chopol sc'oblal ya ya'iy te sch'ich'el te chapbil-c'op te yich'oj ch'ultesel a, soc te ya scontrac'optay te Espíritu yu'un yutsil-o'tanil?

San Lucas 20:17

Te Jesús la yilticlambe sitic, hich la yalbe: ¿Bin scuentahil hiche te hich ts'ihbabil? Te ton te ch'ayot hilel yu'un te jpas-nahetic, ha yich'o-ip xuhc c'oht, te xchihe.

San Lucas 19:14

Pero p'ajot yu'un te mach'atic cuentahimbilic yu'un, ta spat nax la sticonic bahel winiquetic te c'oht yalic: Ma jc'ancotic te ya x'och ta ajwalil cu'uncotic, xchihic c'ohel.

Salmos 118:22

Te ton te ch'ayot hilel yu'un te jpas-nahetic ha yich'o-ip xuhc na c'oht.

1 Samuel 17:28

Te Eliab te sbanquil David, c'alal la ya'iy te hich yac yalbebel te winiquetic, ilin yu'un ta stojol David, hich la yal: ¿Bin tal apas? ¿Mach'a la awihquitaybe hilel te cha'oxcoht tuminchijetic ta jochol taquin q'uinal? Quilbeyejat atalel te muc' yac acuy aba soc te ma lecuc awo'tan, ha nax talemat ta yilel te guerra, xchi.

Éxodo 2:14

La sjac': ¿Mach'a la ya'bat awa'tel ta ajwalil soc ta juez ta jtojolcotic? ¿Yu'un bal yac anop te yac amilon hich te bin ut'il la amil te egipcio-winic? xchi. Ha yu'un te Moisés xiw yo'tan yu'un, hich la yal: Chicnajemix te bin la jpas, xchi.

Génesis 49:26

Te bendicionetic yu'un atat c'ax hich muc' a te bin ut'il te bendicionetic yu'un te antiguo me'iltatiletic cu'un, c'ax hich a te bin ut'il te bayel bintic ya yac' te tsehltsehltic te ma xlaj; ac'a c'ohtuc ta sjol te José, ta sti'ba te mach'a parte ac'bil ta yohlil te yermanotac.

Génesis 37:4

C'alal la yilic te sbanquiltac te c'ax hich c'ux ta o'tanil yu'un stat a te José te bin ut'il c'uxultaybilic stuquelic, la sp'ajic soc ma ba lec yo'tanic la sjuquic ta c'op.

Génesis 27:41

Te Esaú la sp'aj te Jacob yu'un te bendición a'bot yu'un te state, hich la yal ta yo'tan: Nopol sta yorahil mel-o'tan yu'un te ya xcham te jtate, tey ya jmil a te quihts'in Jacob, xchi.

Génesis 37:9

La ya'iy yan wayich te José, la smelbe ya'iyic te sbanquiltac, hich la yal: Ay yan jwayich. La jquil te la snijan sbahic ta jtojol te c'ahc'al, u, soc bulucheb eq'uetic, xchi.

Génesis 42:10

Ma hichuc, cajwal. Te a'batotcotic awu'un ha nax talemotcotic ta smanel we'elil.

Génesis 44:18

Ha yu'un te Judá nohpoj tal ta stojol, hich la yalbe: Ay, cajwal, awocoluc, ac'a sc'oponat ta achiquin te a'bat awu'un, ma me xawilintay te awa'bate, como te ha'ate pajal c'ohemat soc faraón.

Génesis 50:18

Soc tal te sbanquiltac, c'oht squejan sbahic ta stojol, hich la yalbeyic: Li' ayotcotiqui, a'batotcotic awu'un, xchihic.

Deuteronomio 33:16

soc te c'ax lequil mahtaniletic yu'un te q'uinal soc spisil bintic ya yac', soc te yutsil yo'tan te mach'a nahinem ta jpeht ch'ix; ac'a taluc ta sjol te José, soc ta sti'ba te mach'a príncipe ta yohlil te yermanotaque.

1 Samuel 18:8

Mero ilin yu'un te Saúl, ma lecuc la ya'iy te bin la yich' halele, hich la yal: Te David ya ya'beyic ta scuenta smilel bayel ta lajunmil (10,000) ta tuhl, yan te ho'one bayel ta mil (1,000) ta tuhl. Ha xanix te ma x'och ta ajwalil, xchi.