Génesis 36:8 - Bible in Tzeltal Bachajón

⁸ Hich c'oht nahinuc ta witsiltic yu'un Seir te Esaú, te Edom yan sbihile.

Bible in Tzeltal de Oxchuc y Tenejapa

⁸ Jich c'o nainuc ta witstiquil Seir te Esaú te Edom yan sbiile.

Génesis 36:8 Referans Kwoze

Génesis 32:3

Te Jacob nahil la sticon bahel jal c'opetic ta stojol te sbanquil Esaú ta sq'uinal te Seir, ta sq'uinal Edom.

Malaquías 1:3

soc la jp'aj te Esaú; la jc'atp'un ta jochol q'uinal te witsiltic yu'un, soc la jquihquitay hilel te bintic a'bot yich' hilel ta stojol te ts'i'etic ta jochol taquin q'uinal.

2 Crónicas 20:23

Como te amonetic soc te moabetic hahch ya'beyic guerra te mach'atic talemic ta wits Seir yu'un ya smilic soc ya slajinic. Te c'alal laj smilbelic a te mach'atic talemic ta wits Seir, talel c'axel hahch smil sbahic.

2 Crónicas 20:10

Ha yu'un yo'tic li' ay te amonetic, moabetic soc te mach'atic talemic ta witsiltic Seir, ha te sq'uinalic ta banti ma ba la awac' c'axuc bahel te Israel te c'alal loq'uic tal ta sq'uinal Egipto, hich yan be banti bahtic, ma ba la slajinic.

1 Crónicas 4:42

Soc ay ho'winic scha'bahc' (500) ta tuhl winiquetic yu'un te sts'umbal Simeón te bahtic ta wits Seir. Ha capitanetic yu'unic te Pelatías, Nearías, Refaías soc Uziel te snich'nab Isi.

Josué 24:4

Te Isaac la jca'be te Jacob soc Esaú. Te Esaú la jca'be yich' te witsiltic yu'un Seir, yan te Jacob soc te snich'nab cohic bahel ta Egipto stuquelic.

Deuteronomio 2:5

Ma me xawa'beyic guerra, yu'un ma ba ya ca'beyex te sq'uinalic, ni jxuht'uc ta banti ya xc'oht stahn awoc; como la jca'be yich' Esaú te witsiltic yu'un Seir.

Génesis 36:1

Hich ay sbihilic te sts'umbal Esaú, te Edom yan sbihile.

Génesis 14:6

soc te horeohetic ta wits Seir, c'alal ta spamlej Parán te nopol yiloj sba soc te jochol taquin q'uinal.

Génesis 36:9

Hich ay te sts'umbal Esaú te stat te edometic te ayic ta witsiltic yu'un Seir.

Deuteronomio 2:4

Halbeya te pueblo: Te c'alal ya xc'axex ta sq'uinal te awermanotac, ha te snich'nab Esaú te nahinemic ta Seir, ya me xi'ex, pero tsahtaya me abahic te ha'exe.

Deuteronomio 2:22

hich te bin ut'il te Jehová la spasbe te snich'nab Esaú te nahinemic ta Seir, ha te la slajinic te horeohetic ta stojolic; ha'ic la stenic loq'uel soc hilic ta nahinel tey a c'alal ora.

Jeremías 40:11

Ha nix hich spisil te judiohetic te ayic ta Moab, Amón, Edom soc te yantic nacionetic, c'alal la ya'iyic te ay mach'atic ihquitayotic hilel ta Judá yu'un te ajwalil yu'un Babilonia soc te la yac' te ya xcuentahinotic yu'un te Gedalías,

Génesis 25:30

ha yu'un la yalbe te Jacob: Awocoluc, a'bon jwe' te paybil tsajal we'elil, yu'un ya xchamonix ta wi'nal, xchi. (Ha scuentahil te Edom sbihil c'oht.)

Génesis 32:4

Hich la yalbe bahel: Hich xawalbe te cajwal Esaú: Hich ya yal te awa'bat Jacob: La joquin ta nahinel te Labán, tey halajon a ha to suhton tal ta ora ini.

Génesis 36:43

Magdiel soc Iram. Ha'ic te jtsobawetic yu'un Edom ta jujun lugar te banti nahinic ta q'uinal te yich'ojique. Te Edom ha nix te Esaú te yan sbihil, ha stat te edometique.

1 Samuel 14:47

Te c'alal ochemix ta ajwalil yu'un Israel a te Saúl, la ya'be guerra spisil te scontra ta sjoyobal: ha te Moab, te snich'nab Amón, Edom, te ajwaliletic yu'un Soba soc te filisteohetique. Ta bayuc ya xbaht, ha ya ya'iy tsalaw.

Abdías 1:1

Te snahalsit Abdías. Hich yaloj te Jehová te Ajwalil sc'oblal Edom. Ca'iybeyejtic te sc'op Jehová, ticombil jal-c'op ta stojol te nacionetic, hich ya yal: ¡Hahchucotic! ya ca'betic guerra te pueblo ini, xchi.

Abdías 1:3

Ha la slo'loyat te stoybahil awo'tan, ha'at te nahinemat ta jamajtic tontiquil, te nahinemat ta toyol, te hich yac awal ta awo'tan: ¿Mach'a ya sjinon cohel ta lum? xchihat.