Génesis 34:2 - Bible in Tzeltal Bachajón

² C'alal ilot yu'un te Siquem snich'an Hamor te heveo-winic, te jtsobaw yu'un te q'uinal tey a, way soc te Dina, hich la sbohlobtesbe sc'oblal.

Bible in Tzeltal de Oxchuc y Tenejapa

² Te Hamor te heveo-winic te jtsobwanej ta slumal, ay snich'an Siquem sbiil te la yil te ach'ixe. La stsac, way soc, jich la yuts'in.

Génesis 34:2 Referans Kwoze

Job 31:9

Teme la jcac' slo'loybon co'tan jtuhl ants, o teme ay la jpac'muc'ultay ta sti'il sna te jpat-xuhc,

San Mateo 5:28

Pero ho'on ya calbeyex, mach'ayuc a te ya yil ants te ya xbic'taj yo'tan yu'un, la yantsinix ta yo'tan abi.

Proverbios 13:20

Te mach'a ya sjoquin te mach'atic p'ij yo'tanic, ha nix hich p'ij ya xc'oht, yan te mach'a ya sjoquin te mach'atic ma sna'ic q'uinal, ya me sta swocol.

Job 31:1

La jchap jc'op soc te jsit, ¿bin ut'il c'an cac' jsit ta stojol jtuhl ach'ix?

Jueces 14:1

Co bahel te Sansón ta Timnat, tey la yil jtuhl filistea ach'ix.

2 Samuel 11:2

Ta jun c'ahc'al ta tibiltic hahch ta swayib te David, behen ta yamaq'uil sba sna ajwalil, la yil cohel jtuhl ants yac ta atimal; mero t'ujbil ants.

Deuteronomio 22:29

te winic te way soc te ach'ix ya me ya'be lajuneb yoxwinic (50) ta sehp plata te stat te ach'ix, ha yihnam ya xc'oht, como la spehc'ambe sc'oblal te ach'ixe; ma xhu' ya yihquitay te jayeb c'ahc'al cuxule.

Deuteronomio 22:24

ya me aloq'uesic bahel schebalic ta sti'il te pueblo, ya me amilic ta ch'ojel ta ton; te ach'ix, yu'un ma ba awon ta sc'anel coltayel te bin ut'il ay ta yutil pueblo; te winic, yu'un la sbohlobtesbe sc'oblal te yihnam spat-xuhc. Hich me yac aloq'ues te bin chopol ta awohlile.

Deuteronomio 21:14

Teme patil ma ba yac amulan, ya me awac' ta libre; ma xachon ta taq'uin soc ma hichuc ya xc'oht awu'un te bin ut'il moso, como la apehc'ambe sc'oblal.

Génesis 33:19

La sman jsehp q'uinal te banti la stehc'an te snahilpac', ha chombot yu'un te snich'nab Hamor te stat Siquem, ho'winic (100) ta sehp plata la stoj.

Génesis 20:2

Te Abraham la yal tey a te ha yihts'in te Sara. Ha yu'un te Abimelec ajwalil yu'un Gerar la sticon ta iq'uel te Sara.

Génesis 10:17

heveo, araceo, sineo,

Génesis 6:2

te yal-snich'nab Dios la yilic te buen t'ujbilic te yantsil-nich'nab ants-winiquetic, hich la yic' yihnaminic te banti la smulanique.

Génesis 34:3

Pero jun sch'uhlel la ya'iy sba soc te Dina te yantsil-nich'an Jacob, bayel la smulan te ach'ix, soc la yutsil c'opon.

Génesis 34:30

Ha yu'un te Jacob hich la yalbe te Simeón soc Leví: Ha'ex ta acuentahic te ay jwocol yu'un te la awaq'uic te ihlaybil c'ohon ta stojol te cananeohetic soc te ferezeohetic te nahinemic li' ta q'uinal ini. Te bin ut'il mayuc tsobol winiquetic cu'un, ya me stsob tal sbahic yu'un ya scontrahinonic, ya me slajinonic soc spisil mach'atic ay cu'un ta jna, xchi.

Jueces 9:28

Hich la yal te Gaal snich'an Ebed: ¿Mach'a a te Abimelec, soc mach'a a te Siquem, yu'un ya cac' jbahtic ta a'batinel yu'une? ¿Ma bal ha'uc snich'an Jerobaal, soc ma bal ha'uc smohlol ta a'tel te Zebul? Ac'a abahic ta a'batinel yu'un te winiquetic yu'un Hamor te stat Siquem. ¿Bin yu'un ya cac' jbahtic ta a'batinel yu'un te Abimelec?

Génesis 34:27

Te snich'nab Jacob c'axic ta yohlil te mach'atic lajemic, la spojbeyic bahel te biluquetic yu'un te pueblo, ta scaj te la sbohlobtesbeyic sc'oblal te yihts'inique.

Josué 9:7

Te winiquetic yu'un Israel la sjac'beyic te heveohetic: Repente nahinemex ta cohlilcotic; ¿bin ut'il ya xhu' ya jchap jc'optic? xchihic.

2 Samuel 11:4

Te David la sticon bahel a'batetic ta yiq'uel tal. Hich tal ta stojol, way soc. (Slecubtesejix sba a yu'un te bohloben sc'oblal yu'un te schamel scuenta jujun u.) Patil suht bahel ta sna.

2 Samuel 13:14

Te Amnón ma ba la yich' ta cuenta. Te bin ut'il c'ax hich ay yip a, la stsac ta tulan, way soc.