Génesis 34:19 - Bible in Tzeltal Bachajón

¹⁹ Te querem ora la spas, como bayel smulanej te yantsil-nich'an Jacob. C'ax hich ich'bil ta cuenta a te querem te bin ut'il yantic ay ta sna te state.

Bible in Tzeltal de Oxchuc y Tenejapa

¹⁹ Te querem ora la xch'uun, melel toyol yo'tan yu'un te ya yic' sba soc te yantsil-nich'an Jacob. Ich'bil ta muc' stuquel, c'ax jich te bit'il mach'a jayeb ay ta sna te state,

Génesis 34:19 Referans Kwoze

1 Crónicas 4:9

Te Jabes, ha muc' xan sc'oblal c'oht yu'un te yermanotac. Te snan la ya'be sbihilin Jabes, yu'un la yal: Como c'ax jwocol ta yalatayel, xchi.

Hechos 17:12

Hich ay tsobol mach'atic la sch'uhunic, soc griega-antsetic te ich'bilic ta muc' soc bayel winiquetic.

Hechos 13:50

Pero te judíohetic la stijbeyic yo'tan te antsetic te lec yo'tanic ta stojol Dios soc te ich'bilic ta muc', soc nix te principaletic yu'un te pueblo; hich hahch yuts'inic te Pablo soc Bernabé, la stenic loq'uel ta sq'uinalic.

Isaías 62:4

Ma ba hich ya yalbatix xan abihil: Ihquitaybil, te xchihe, soc ma ba hich ya yalbeyiquix xan sc'oblal aq'uinal: Jihnem, ma xchihuquic; ha ya x'a'botat abihil: Hefzi-bá, xchi, soc: Beula, xchi sbihil te aq'uinale; como mulambilat yu'un te Jehová, soc ha smamalal te aq'uinal ya xc'oht.

Isaías 5:13

Ha yu'un ya x'ic'otic bahel ta chuquel te pueblo cu'un ta scaj te mayuc snopojibal yu'unique. Te winiquetic yu'un te ay sc'oblalic ya xlajic ta wi'nal, soc te tsobolic yu'un, ya ya'iyic bayel taquinti'il.

Cantares 8:6

Ac'awon hichuc sello ta awo'tan, hich te bin ut'il marca ta ac'ab; como hich ay yip te sc'uxul-o'tanil te bin ut'il te lajele, soc tulan te xut'xut'-o'tanil hich te bin ut'il te stsobojibal mach'atic chamenic. Te sc'ahc'ale ha muc'ul c'ahc', ha yat c'ahc' te bayel yip.

2 Reyes 5:1

Te Naamán te jtsobaw yu'un soldadohetic yu'un te ajwalil ta Siria muc' sc'oblal ta stojol te yajwal, como ha ta scuenta te a'bot ya'iyic tsalaw yu'un Jehová te siriahetique. C'ax bayel yip yo'tan ta winiquil, pero ay sc'a'el-chamel.

1 Samuel 22:14

Te Ahimelec la sjac'be sc'op te ajwalil: Ta spisil te a'batetic awu'un, ¿mach'a a te hich jun yo'tan ta atojol te bin ut'il te David, te ha nix snihal te ajwalil, te yich'oj ya'tel ta stojol soc te ich'bil ta cuenta ta ana?

Números 22:15

Te Balac la scha'ticon xan yantic príncipaletic te bayelic xan soc muc' xan sc'oblalic.

Génesis 41:20

Te yahuben soc xiweltic sba wacaxetic la sbic'ticlanic te huqueb juhp'en wacaxetic te nahil loq'uic tal.

Génesis 29:20

Ha yu'un te Jacob huqueb ha'bil la yac' sba ta a'batinel ta scuenta Raquel. Cheb oxeb nax c'ahc'al c'oht la ya'iy ta scaj te c'ux ta yo'tan.

Génesis 34:18

Lec la ya'iyic te Hamor soc Siquem te snich'an Hamor te bin halbotic.

Génesis 34:20

Ha yu'un te Hamor soc te Siquem talic ta yochibal te pueblo, la sc'oponic te slumalic, hich la yalbeyic: