Génesis 33:4 - Bible in Tzeltal Bachajón

⁴ Pero te Esaú ahnimal baht sta tal soc la smech', la smey tal ta snuc' soc la yuhts'uy; oc' schebalic.

Bible in Tzeltal de Oxchuc y Tenejapa

⁴ Ja'uc me to, te Esaú animal ba sta tel, la smey sbaic, la sbujts'iy sbaic. Xchebalic jajch'ic ta oq'uel.

Génesis 33:4 Referans Kwoze

Salmos 34:4

La jle te Jehová, la ya'iybon jc'op, la yac'on ta libre yu'un spisil te jxiwele.

San Lucas 15:20

Hich hahch ta behel, baht ta banti ay te state. C'alal namal to ay a, ilot yu'un te state, sts'ujet ta yo'tan la ya'iy te snich'an, ahnimal baht sta tal, la smech' soc la yuhts'uy.

Génesis 32:28

La yal te winic: Ma ba Jacob ya xhil abihil, Israel ya xc'ohtix, yu'un la atsac aba soc Dios soc winiquetic, la awa'iy tsalaw, xchi.

Hechos 20:37

Bayel oq'uic soc spisilic la smech'ic te Pablo soc la yuhts'uyic.

Proverbios 16:7

Te c'alal lec yo'tan Jehová yu'un te behetic yu'un te winic, ya yac' te ya xlahmaj yo'tanic te scontratac ta stojol.

Génesis 46:29

Te José la yac' ta chahpanel te scarreta, baht sta ta Gosén te Israel te state. C'alal la yil te stat la spet smey, bayel halaj ta oq'uel.

Génesis 45:2

Ha yu'un tulan oc'; la ya'iyic te egipciohetic, soc la ya'iyic te mach'atic ayic ta sna faraón.

Job 2:12

C'alal namal to ayic a, la shach sitic, ma ba la sna'beyic sba te Job, hich hahchic ta tulan oq'uel. Jujutuhl la sch'i'ic snahtil-c'u'ic, soc yoxebalic la sbuhquiyic mohel ts'u'lum ta sjolic.

Nehemías 1:11

Ya calbat wocol, Jehová, te yacuc awa'iybe sc'op te a'bat awu'un soc te sc'op te a'batetic awu'un, te mach'atic ya sc'an ya yich'ic ta muc' te abihile. Ac'a te lecuc ya xc'oht te a'bat awu'un, te lecuc ya xc'oht ta stojol te winic ini, xchihon. Ta hich ora ho'on jc'asesej-copahon yu'un te ajwalil.

Génesis 43:30

Ha yu'un te José ahnimal loc' bahel, yu'un yan baht q'uinal la ya'iy yu'un te la yil te yihts'ine, baht sle banti oc'. Och bahel ta banti ya xway, tey oc' a.

Proverbios 21:1

Te yo'tan te ajwalil hich ay te bin ut'il be-ha' ta sc'ab Jehová, ha ya stojobtes bahel chican bin ya sc'an yo'tan stuquel.

Génesis 43:34

Te José la spucticlambe te we'elil ay ta smesa; pero te bin a'bot te Benjamín ha ho'eb buelta c'axem a te bin ut'il a'bot te yantique. Hich we' uch'ic, tse'el yo'tanic soc.

Génesis 29:11

Te Jacob la yuhts'uy te Raquel, tulan hahch ta oq'uel.

Génesis 29:13

Te Labán c'alal la ya'iybe sc'oblal Jacob te yal te yihts'ine, ahnimal baht sta tal, la smech', la yuhts'uy, soc la yic' bahel ta sna. Hich te Jacob la yalbe ya'iy spisil.

Génesis 32:11

Coltayawon loq'uel ta sc'ab te jbanquil Esaú, yu'un ya jxi' te ya xtal smilon soc te alaletic soc te snanique.

2 Samuel 14:33

Hich baht te Joab ta stojol te ajwalil, la ya'be sna'. Te ajwalil la sticon ta iq'uel te Absalón; hich tal, la snijan sba ta lum ta stojol te ajwalil. Te ajwalil la yuhts'uy te Absalón.

1 Samuel 20:41

Te c'alal bahtix a te quereme, loc' tal te David ta sts'ehl te ton, oxeb buelta la spahcan sba c'alal ta lum ta stojol; la yuhts'uy sbahic soc la yoq'uetay sbahic, ha tulan xan oc' a te David.