Génesis 33:10 - Bible in Tzeltal Bachajón

¹⁰ La yal te Jacob: Ma'uc, awocoluc, teme lecon ta asit ich'bon te amahtan cu'un, como te c'alal la jquilbat asit sjel ta ha la jquilbe sit a te Diose, te lequix awo'tan la awic'on ta atojol.

Bible in Tzeltal de Oxchuc y Tenejapa

¹⁰ Ja'uc me to, la yal te Jacob: —Wocoluc, ich'bon amajt'anin, teme c'uxon ta awo'tane. Yu'un la quilbey sit Dios la caiy a te bit'il la quilbat asite, soc bin nax co'tan yu'un te bit'il lec awo'tan cu'une.

Génesis 33:10 Referans Kwoze

Job 33:26

Ya sc'opon Dios, hich ya xc'uxultayot yu'un; mero tse'el yo'tan a ya yilbe sit te Diose, Dios me ya scha'lecubtes xan te winique.

Apocalipsis 22:4

ya me yilbeyic sit yelaw, soc ay ta sti'bahic te sbihile.

Jeremías 31:2

Hich yaloj te Jehová: Te pueblo te ma ba tahot yu'un te espada la sta yutsil-o'tanil ta jochol taquin q'uinal, c'alal la sle cux-o'tanil te Israel.

Génesis 32:30

Te Jacob la ya'be sbihilin Peniel te lugar, como la yal: La jquilbe sit yelaw te Diose, pero cuxul hilon, xchi.

Salmos 41:11

Hich me ya jna' te lec awo'tan cu'un: ha te ma ba ya stse'layon te jcontrahe.

2 Samuel 14:32

La sjac' te Absalón: La jticonat ta iq'uel tal li'i yu'un ya jticonat bahel yu'un hich yac awalbe te ajwalil: ¿Bin yu'un te talon ta Gesur? Ha lec te teyuc ayon a. Co'tanuc ya quilbe sit te ajwalil; teme ay jmule, milawon, xchi.

2 Samuel 14:28

Halaj cheb ha'bil ta Jerusalén te Absalón, ma ba la yilbe sit te ajwalil.

2 Samuel 14:24

Pero la yal te ajwalil: Ac'a bahtuc ta sna, ma me xyilbon jsit, xchi. Hich baht ta sna te Absalón, ma ba la yilbe sit te ajwalil.

2 Samuel 3:13

Hich la yal te David: Lec ay, ya jchap jc'optic, pero ay bin ya jc'ambat: Ma me xtal awilon ha to teme la awic'bon tal te Mical snich'an Saúl, xchi.

1 Samuel 20:3

Te David la scha'hal xan ta jamal: Te atat sna'oj te lec awo'tan cu'un, hich wan ya yal: Ma me x'a'bot sna' ini te Jonatán scuenta yu'un ma ba ya smel yo'tan a, xchi. ¡Yiloj Jehová, soc cuxulat! jihm xanix ta ocal quiloj jba soc te lajele, xchi.

Rut 2:10

Ha yu'un te Rut la snijan cohel sba ta lum, soc hich la yalbe: ¿Bin ut'il ay a te ay yutsil awo'tan ta jtojol, te yac ac'uxultayon te ho'on jyanlumon? xchi.

Génesis 50:4

C'alal laj yo'tanic ta yoq'uetayel, te José hich la yalbe te mach'atic ayic ta sna faraón: Teme lecon ta awo'tan, awocoluc c'opombonic te faraón, hich me xawalbeyic:

Génesis 47:29

C'alal nopol ya xchamix a te Israel la sticon ta iq'uel te José te snich'an, hich la yalbe: Teme lecon ta awo'tan, awocoluc ac'a tal ac'ab ta ye'tal ca', ya me ana'bon yo'bolil jba soc junuc me awo'tan ta jtojol. Awocoluc, ma xamucon ta Egipto.

Génesis 19:19

Lec c'oht sc'oblal ta atojolic te a'bat awu'unic soc muc' te sc'uxul awo'tanic te bin ut'il cuxul a la awic'onic loq'uel tal; pero ma xhu' ya xbohon ta ahnel ta witsiltic, ya wan stahon te bin chopol, hich ya xlajon.

San Mateo 18:10

Tsahtaya me abahic te ma ba yac ap'ajic jtuhluc ha'i alaletic ini; como ya calbeyex, te ch'ul a'batetic yu'unic ta ch'ulchan spisil ora yac yilbelic sit te Jtat ay ta ch'ulchan;

Génesis 43:3

Hich la sjac' te Judá: Jamal la yalbotcotic te winic: Ma xhu' yac awilbonic xan jsit teme ma ba la awiq'uic tal awihts'inic, xchi.

Génesis 33:9

La sjac' te Esaú: Quihts'in, ay tsobol cu'un. Hiluc awu'un te bin ay awu'un, xchi.

Génesis 33:11

Awocoluc, tsacbon te amahtan te la jquich'bat tal, yu'un lec yo'tan Dios ta jtojol, spisil ini ho'on cu'un, xchi. Te Jacob la yac' fuersa ta c'op, hich la stsac te Esaú.