Génesis 32:5 - Bible in Tzeltal Bachajón

⁵ Ayix wacaxetic, burrohetic, tuminchijetic soc a'bat ants-winiquetic cu'un. La jticon tal te c'op ini ta stojol te cajwal scuenta yu'un ayuc yutsil awo'tan ta jtojol, xchihex me.

Bible in Tzeltal de Oxchuc y Tenejapa

⁵ Ayix swacax, sburro, xchij, soc ayix manbil winiquetic soc antsetic yu'un. Jich yu'un la sticunbat ta alel, yu'un ja' ya sc'an te ayuc yutsil awo'tan ta stojol”, xaex me ya xc'oex —xi' te Jacobe.

Génesis 32:5 Referans Kwoze

Génesis 33:8

Hich la sjoc'oy te Esaú: ¿Bin anopoj yac apas yu'un te jchahpalchahp te la jtahticlan ta be? xchi. La sjac' te Jacob: Ha te lecucon ta sit cajwal ya xc'ohon, xchi.

Génesis 33:15

La yal te Esaú: Ya ca'bat hilel ajoquin j'ohliluc te winiquetic te sjoquinejonic talel, xchi. Hich la yal te Jacob: Teyuc a, teme lecucon ta asit, cajwal, xchi.

Job 6:22

¿Ho'on bal la jcal: Ich'bonic tal, tojbonic jcoltayel ta ac'ulejalic;

2 Samuel 16:4

Ha yu'un te ajwalil hich la yalbe te Siba: Lec ay hiche. Yo'tic ha'at awu'unix spisil te bintic ay yu'un te Mefi-boset, xchi. La snijan sba te Siba, hich la yal: Te lecucon ta asit, ajwalil cu'un, xchi.

1 Samuel 1:18

Lecuc me ya xc'oht ta asit te a'bat awu'un, xchi te Ana. Hich suht bahel, we', soc tey mayuquix bin ora la smel yo'tan a.

Rut 2:2

Te Rut te moab-ants la yalbe te Noemí: Awocoluc, ac'awon bahel yu'un ya jtam cebada te hilem yu'un mach'ayuc a te lecon ta sit, xchi. Bahan hiche, cantsil-al, xchi te Noemí.

Génesis 47:25

Hich la sjaq'uic te ants-winiquetic: Ha'at la awac' cuxajucotic. Lecucotic me ta sit cajwaltic, a'batotcotiquix yu'un faraón ya xc'ohotcotic, xchihic.

Génesis 33:11

Awocoluc, tsacbon te amahtan te la jquich'bat tal, yu'un lec yo'tan Dios ta jtojol, spisil ini ho'on cu'un, xchi. Te Jacob la yac' fuersa ta c'op, hich la stsac te Esaú.

Génesis 31:16

Spisil te c'ulejalil Dios la spojbe te jtatcotic, ha cu'uncotic soc yu'un te cal-jnich'antic. Ha yu'un pasa spisil te bin la yalbat te Diose, xchihic.

Génesis 30:43

Hich bayel p'ohl sc'ulejal te Jacob, ay tsobol tuminchijetic, criadahetic soc a'batetic, camellohetic soc burrohetic yu'un.

San Lucas 12:45

Yan te a'bat te hich ya yal ta yo'tan: Ma xtal ta ora te cajwal, teme xchihe, hich ya xhahch smajticlan te a'batetic soc te criadahetic, soc ya xhahch ta we'el uch'el soc ta yacubel,

Génesis 31:3

Ha yu'un hich halbot yu'un Jehová te Jacob: Suhtan bahel ta slumal atat soc ta banti ay te awermanotac; ya joquinat bahel, xchi.