Génesis 32:26 - Bible in Tzeltal Bachajón

²⁶ Hich la yal te winique: Coltayawon bahel, yu'un yaquix ta sacubel tal te q'uinale, xchi. La sjac' te Jacob: Ma ba ya jcoltayat bahel teme ma ba yac awa'bon bendición, xchi.

Bible in Tzeltal de Oxchuc y Tenejapa

²⁶ Jich la yal te winique: —Coltayawon bael, yu'un yaquix ta sacubel tel te q'uinale —xi'. Ja'uc me to, la yal te Jacob: —Ma jcoltayat bael ja' to teme ya awac'bon bendición —la yut.

Génesis 32:26 Referans Kwoze

Oseas 12:4

La stsac sba soc jtuhl ch'ul a'bat, soc la stsal; oc' soc la sc'an te ya xna'bot yo'bolil sba yu'une. Dios la sta ta Bet-el, tey c'opoj soc a;

Salmos 67:1

Dios ac'a sc'uxultayotic soc ac'a ya'botic bendición, ac'a tihluc sts'anabul yelaw ta jtojoltic, Selah

1 Crónicas 4:10

Te Jabes la sc'opon te Dios yu'un Israel, hich la yal: A'bon bendición soc muc'ubtesbon jq'uinal; coltayawon soc ac'awon ta libre yu'un te bin chopol, scuenta yu'un ma xc'ax jwocol a, xchi. Hich a'bot yu'un Dios te bin la sc'ane.

Cantares 3:4

Lajel to quihquitaybelic a, la jta te mach'a c'ux ta co'tan. La jtsac, ma ba la jcoltay ha to c'alal la jcotses ta sna jnan, ta stsalul sna te mach'a la yayinteson.

Romanos 8:37

Ta spisil ini, ho'otic jc'axel ya ca'iytic tsalaw ta scuenta te Mach'a c'ux la ya'iyotic ta yo'tane

Éxodo 32:10

Ha yu'un ihquitayawon yu'un ya cac' tihluc hahchel quilimba ta stojolic, ya jlajinlan. Yan te ha'ate muc'ul nación ya xc'ohat cu'un, xchi.

Hebreos 5:7

Te c'alal ay ta bahlumilal ta scuxlejal a te Cristo, tulan awon soc oc' ta sc'oponel te Mach'a ya xhu' ya x'ac'to ta libre yu'un lajel, soc a'iybot sc'op ta scaj te peq'uel la yac' sba.

1 Corintios 15:58

Ha yu'un, quermanotac te c'uxex ta co'tan, ayuc me yip awo'tanic soc junuc me awo'tanic, spisil ora behbehuc me ta muc'ubel awu'unic te ya'tel te Cajwaltic, como ana'ojic te ma tojoluc ya xc'oht te awa'telic yu'un te Cajwaltique.

Isaías 64:7

Mayuc mach'a te ya sc'oponat ta abihil, o te ya spas tulan te ya sc'ambat coltayel; como la anac' asit ta jtojolcotic, soc la awac' te sayubotcotic yu'un te yip te jmulcotique.

Isaías 45:11

Hich ya yal te Jehová, te Ch'ul Dios yu'un Israel, te Jchahpanwanej yu'une: ¿Ya bal ajoc'obonic sc'oblal te jnich'nabe, o ya bal apason ta mandar yu'un te ya'tel te jc'abe?

Cantares 7:5

Te ajol, ha scoronahinejat hich te bin ut'il wits Carmelo; chi'in-yaxal hilera yilel te stsotsel ajol; te ajwalil chucul c'ohem yu'un stehnil ajol.

Deuteronomio 9:14

Ma me xacomon te ya jlajinlan soc te ya jtup'be sbihilic ta ye'tal ch'ulchan. Yan te ha'ate ya cac' te muc'ul nación ya xc'ohat te c'ax hich yip soc te c'ax hich yipalic a te bin ut'il te pueblo ini, xchi.

Génesis 32:25

C'alal la yil te winic te ma ba hu' yu'un ya stsal te Jacob, la smajbe scub, hich pitc'uj te sts'acawul scub te Jacob te c'alal yac stsacbel sba soc a te winique.

Génesis 32:27

¿Bin abihil? xchi te winique. Jacob, xchi.