Génesis 32:20 - Bible in Tzeltal Bachajón

²⁰ Soc ya me awalbeyic: Yac ta talel ta jpatcotic te awa'bat Jacob, xchihex me, xchi. Yu'un la snop ta yo'tan: Ya jlecubtesbe yo'tan ta scuenta te mahtanil te ya xnahilij bahel cu'un, patil ya quilbe sit yelaw; ya wan yic'on ta stojol a, xchi.

Bible in Tzeltal de Oxchuc y Tenejapa

²⁰ soc albeyaic: “Patil yac ta talel te awabat Jacob”, utaic me —xi'. Yu'un la yal ta yo'tan: “Ya jlecubtesbey yo'tan soc a te majt'aniletic te ya jneeltesbey baele. Jich me ya quil a teme lecubenix yo'tan cu'une”, xi'.

Génesis 32:20 Referans Kwoze

Proverbios 21:14

Te mahtanil ya yich' aq'uel ta muquen ya slahmajtes ilimba, te mahtanil te muquen ay, ya slahmajtes tulan ilimba.

2 Timoteo 2:25

Soc yutsil yo'tan ya stojobtes mach'atic ya scontrahinic, yu'un ayuc bin ut'il ya sutesbot yo'tanic yu'un Dios yu'un hich ya xhu' ya sna'beyic scuentahil te smelelil c'op,

Jonás 3:9

Ya wan suht sc'op te Diose, ya wan sch'ay te sc'ahc'al yilimba, hich ma ba ya xlajotic, xchi.

Proverbios 16:14

Ya yal bahel lajel te yilimba ajwalil, te mach'a ay sp'ijil yo'tan ya slahmajtes.

Proverbios 15:18

Te c'ahc'al winic ya shach c'op, yan te mach'a ma ba ya x'ilin ta ora ya slahmajtes c'op.

Proverbios 6:35

mayuc bin ya yich' yu'un ya xlecub yo'tan yu'un, ma ba ya spasbe perdón aunque ya xp'ohl te smahtane.

1 Reyes 20:31

Ha yu'un te a'batetic yu'un hich la yalbeyic: Ca'iybeyejtic sc'oblal te ajwaliletic yu'un Israel te ay sc'uxul yo'tanic. Ha yu'un ya me jchuctic ch'ixal pac' ta jch'uhtic soc lazo ta jnuc'tic, ya xbohotic ta stojol te ajwalil yu'un Israel, teme repente ya yac' xcuxajat, xchihic.

1 Samuel 6:5

Pasahic sloc'ombahil te siht'el awu'unic soc te ch'ohetic yac sjimbelic te q'uinale, soc halbeyahic yutsilal te Dios yu'un Israel; ya wan sloq'ues sc'ab ta atojolic, ta stojol te diosetic awu'unic soc ta stojol te aq'uinalique.

Génesis 43:11

Ha yu'un hich la sjac' te Israel te static: Teme hich ya sc'an pasele, pasahic hiche. Ich'ahic bahel ta acostalic te bin lec ya xloc' ta q'uinal, a'beyahic smahtanin te winic jtebuc bálsamo-te', jtebuc chab, te bintic sumet yic', mirra, nuez soc almendra.

Génesis 32:19

Soc ha nix hich la spas bahel ta mandar te scha'tsohb, te yoxtsohb, soc spisil mach'atic te patil ya xbahtic yu'un te tsohbotsohb, hich la yalbe: Ha nix hich xawalbeyic te Esaú te c'alal ya xc'oht atahic.

Génesis 32:21

Hich te mahtanil nahilij bahel yu'un, yan te Jacob tey way ta campamento ta ahc'abal.

Proverbios 18:16

Te mahtanil ya sjam te sbe te winique soc ya x'ic'ot ochel yu'un ta stojol te mach'a ay sc'oblale.