Génesis 32:2 - Bible in Tzeltal Bachajón

² Hich la yal te Jacob c'alal la yil: Ha campamento yu'un Dios ini, xchi yu'un, la ya'be sbihilin Mahanaim te lugar.

Bible in Tzeltal de Oxchuc y Tenejapa

² C'alal te Jacob la yil te ch'ul abatetic, jich la yal: “Ja' soldadoetic yu'un Dios”, xi' yu'un. Jich yu'un Mahanaim sbiil c'ot yu'un ta bay taote.

Génesis 32:2 Referans Kwoze

2 Samuel 2:8

Pero te Abner snich'an Ner, te jtsobaw yu'un te soldadohetic yu'un Saúl, yic'ojix bahel ta Mahanaim a te Is-boset snich'an Saúl,

Josué 21:38

Ta banti te jchahp yu'un Gad, a'botic Ramot yu'un Galaad soc te aquiltic yu'un scuenta ahnibal pueblo yu'un te jmilawe; soc nix te Mahanaim,

Josué 5:14

La sjac': Ma'uc, ha talemon scuenta jtsobaw yu'un te soldadohetic yu'un Jehová, xchi. Ha yu'un te Josué la spahcan sba ta lum, la sch'uhuntay soc hich la yalbe: ¿Bin yac awalbe te a'bat awu'un, Cajwal? xchi.

San Lucas 2:13

Ora nax chicnaj xan tsobol ch'ul a'batetic talemic ta ch'ulchan te yac yalbelic bayel yutsil te Diose, hich yac yalbelic:

Salmos 148:2

Halbeyahic yutsil sc'oblal Jehová apisilic ch'ul a'batex yu'un, halbeyahic yutsil sc'oblal Jehová apisilic te ayex ta ch'ulchan.

Salmos 34:7

Te ch'ul a'bat yu'un Jehová ay ta sjoyobal te mach'atic ya yich'ic ta muc', soc ha ya scoltay.

1 Reyes 2:8

Soc ha nix hich sjoquinejat te Simei snich'an Gera, sts'umbal Benjamín, te talem ta Bahurim, te la sbohlc'optaybon jc'oblal ta tulan te c'alal yacon ta bahel ta Mahanaim a. Pero ha nix co tal stahon ta Jordán, soc ho'on la jcalbe ta jamal ta stojol Jehová: Ma ba ya jmilat ta espada, xchihon.

2 Samuel 17:24

Te David c'oht ta Mahanaim, yan te Absalón sohl bahel ta Jordán soc spisil te winiquetic yu'un Israel.

Daniel 10:20

Ha yu'un hich la yalbon: ¿Ya bal ana' bin yu'un te talon ta atojol? Ya sc'an te ya suhtonix bahel ta ya'beyel guerra te príncipal yu'un Persia. C'alal ya xlaj co'tan soc ta guerra, ya xtal te príncipal yu'un Grecia.

Cantares 6:13

¡Suhtan tal, suhtan tal, sulamita; suhtan tal, suhtan tal, scuenta yu'un ya quilatcotic! ¿Bin yu'un yac awilic te sulamita? Ya jc'ancotic te yac awa'iy ahc'ot hich te bin ut'il ta campamentohetic.

Salmos 103:21

¡Halbeyahic yutsil sc'oblal Jehová, apisilic te a'batex yu'un, ha'ex te a'batex yu'un te yac apasic te bin ya sc'an yo'tan!

2 Reyes 6:17

Hich la yal ta sc'oponel Dios te Eliseo: Awocoluc, Jehová, jambeya sit scuenta yu'un ya yil, xchi. Hich te Jehová la sjambe sit te a'bat, hich la yil te wits nojel ta jmoheletic ta cawuhetic soc carretahetic yu'un c'ahc' ta sjoyobal te Eliseo.

1 Reyes 4:14

Ahinadab snich'an Ido, ta Mahanaim;

2 Samuel 2:12

Te Abner snich'an Ner, loc' hahchel ta Mahanaim, baht ta Gabaón soc te winiquetic yu'un Is-boset snich'an Saúl.

1 Crónicas 12:22

Jujun c'ahc'al yaquic ta talel yantic ta stojol David, ha to c'alal bayel c'ohtic, hich te bin ut'il soldadohetic yu'un Dios c'ohtic.

Salmos 24:10

¿Mach'a a te Ajwalil te ay yutsilal? ¡Ha te Jehová te scuentahinej spisil, ha me te Ajwalil te ay yutsilale! Selah