Génesis 31:10 - Bible in Tzeltal Bachajón

¹⁰ Ta yorahil a te yac st'umbel sbahic te tuminchijetic, la jtoy jsit soc ta jwayich la jquil te puro jisaltic yihc'al, pintohetic soc yantic yilel sch'ahlel tat tuminchijetic yac scuchbel te yantsilelique.

Bible in Tzeltal de Oxchuc y Tenejapa

¹⁰ “Te c'alal la sta yorail te bit'il ya xcuch sbaic te chambalametic, la jtoy jsit soc la quil ta jwaich te ay tsobol tat chambalametic te ya xcuch sbaic soc te yantsilel, bayal pintoetic, soc ts'ibaltic, soc ts'ijt'iltic.

Génesis 31:10 Referans Kwoze

1 Reyes 3:5

Ay jun ahc'abal ta Gabaón te chicnaj Jehová ta stojol Salomón ta swayich, hich halbot yu'un: C'ambon te bin yac ac'an, ho'on ya ca'bat, xchi sc'oblal.

Deuteronomio 13:1

Teme ay ya xchicnaj ta awohlil jtuhl jalwanej o hal-wayichil, te ya ya'bat awil jchahp señahil o te bin mayuc ilbil,

Números 12:6

Hich halbotic yu'un te Jehová: A'iya awa'iyic te jc'ope: Teme ay jalwanej yu'un Jehová ta awohlilic, ya cac' jba ta ilel yu'un ta snahalsit, ya jc'opon ta swayich.

Génesis 31:24

Ta ahc'abal c'oponot yu'un Dios ta swayich te Labán te arameo-winic, hich halbot yu'un: Tsahtaya me aba, ma me ayuc bin chopol yac awalbe te Jacob, xchi sc'oblal.

Génesis 30:39

Hich ya xhahch yal te tuminchijetic ta stojol te cho'bil sc'ab te'etique. Hich tohc yalic te jisaltic yihc'al, pintohetic, soc ts'ihtiltic sch'ahlel.

Génesis 28:12

Ta swayich la yil ay mohibal te' ipajem hahchel ta lum, c'ohem sni'il c'alal ta ch'ulchan. Yacalic ta mohel ta cohel ch'ul a'batetic yu'un Dios tey a.

Génesis 20:6

Hich halbot ta swayich yu'un te Diose: Ya jna' te jun awo'tan la apas ini. Ha yu'un la jcomat ta slehel mulil ta jtojol, ha scuentahil te ma ba la jca'bat apic.

Génesis 31:9

Hich pojbot yu'un Dios te chambahlametic yu'un atatic, la ya'bon te ho'one.

Génesis 31:11

Ta jwayich la sc'oponon te ch'ul a'bat yu'un Dios: Jacob, xchi. Hich la jac'be sc'op: Li' ayoni, xchihon.

Génesis 31:12

La yalbon: Toya asit, ya me awil te puro jisaltic yihc'al, pintohetic soc yantic yilel sch'ahlel te tat chambahlametic te yac scuchbel te yantsilelic, yu'un quilojix spisil te bin la spasbat te Labán.

Génesis 37:5

La ya'iy wayich te José, la smelbe ya'iyic te sbanquiltac; c'ax hich la sp'ajic yu'un a.