Génesis 31:1 - Bible in Tzeltal Bachajón

¹ La ya'iy te Jacob bin yac yalbelic te snich'nab Labán, te hich yacalic ta yalel: Te Jacob la spojbe spisil bin ay yu'un te jtatic, la sta spisil sc'ulejal ta scuenta te bin ay yu'un te jtatique, te xchihique.

Bible in Tzeltal de Oxchuc y Tenejapa

¹ La yaiy stojol Jacob te bila yacalic ta yalel te snich'nab Labán: —La me spojbotic te bila ay yu'un jtatic te Jacob, melel yu'un jtatic spisil te jich yipal sc'ulejal staoj te Jacob —xiic la yaiy.

Génesis 31:1 Referans Kwoze

Eclesiastés 4:4

Soc la jquil te spisil a'tel soc spisil te bin lec ya yich' pasel, tey ya xhahch tal a te sbic'tal yo'tan ta stojol te spat-xuhque. Ha nix hich tojol nax soc ha snutsel te iq'ue.

1 Pedro 1:24

Como hich ya yal: Spisil ch'ich'-baq'uet hich ay te bin ut'il ac, soc spisil te yutsilal te ants-winic hich ay te bin ut'il snich ha'mal; ya xtaquij te ac soc ya xluhbaj te nichim,

Tito 3:3

Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

1 Timoteo 6:4

ha stoyoj sba soc mayuc bin ya sna', ha nax ay ta yo'tan shachel c'op soc tentamba-c'op te ya yac' hahchuc bic'tal-o'tanil, tsaltamba-c'op, bohlc'op, te chopol ya yil yan,

San Mateo 4:8

Yan buelta cha'ic'ot xan bahel yu'un te pucuj ta toyol wits, la ya'be yil spisil ta chahp nacionetic ayic ta bahlumilal soc te yutsilalic,

Ezequiel 16:44

Ilawil, spisil te mach'atic ya yalic tsahbil c'opetic, hich ya yalbat ac'oblal ta tsahbil c'op ini: Te bin ut'il ay te nanil, hich ay te yantsil-al, xchihic.

Jeremías 9:23

Hich ya yal te Jehová: Te mach'a ay sp'ijil ma me stoybe sba ya'iy q'uinal yu'un te sp'ijile, soc te mach'a ay yip ma me stoybe sba ya'iy q'uinal yu'un te yipe, te mach'a ay sc'ulejal ma me stoybe sba ya'iy q'uinal yu'un te sc'ulejale.

Isaías 5:14

Ha yu'un muc'ub te yutil te yawil mach'atic chamenic soc ma p'isbiluc la sjam ye; tey ya xcohic bahel a te mach'atic yu'un Jerusalén te ay sc'oblalic soc te tsobolic yu'un, te mach'atic xjuyetic soc te mach'atic tse'el yo'tanic yu'un.

Proverbios 27:4

Te ilimba ya x'uts'inwan, te sc'ahc'al-o'tanil ya xjinawan, pero ¿mach'a ya xcuhch yu'un te ti'ti'o'tantayele?

Proverbios 14:30

Te lamal-o'tanil ya ya'be scuxlejal te baq'uet, yan te bic'tal-o'tanil ya yac' joch'obuc te baquetic.

Salmos 57:4

Ayon ta yohlil chojetic, ta yohlil winiquetic te ya xehtayic c'ahc'; te sbaquel yehic pajal soc lanzahetic soc ya'tejibalul t'ihmalte'etic, te yaq'uic pajal soc espada te ay ye.

Salmos 17:14

ta scuenta ac'ab, Jehová, ac'awon ta libre ta sc'abic, ha te winiquetic scuenta bahlumilal te ha nax yu'unic te bintic ay ta cuxlejal ini, te nojel sch'uhtic ta bintic ay awu'une. Bayel bintic ay yu'un te snich'nabic, soc ya to spas sobra yu'un te smamataque.

Job 31:31

teme ma hichuc yalojic te a'batetic cu'un: ¿Mach'a a te ma ba nojem sch'uht yu'un te sti'bal? te xchihique,

Ester 5:11

la yalbe ya'iyic sc'oblal te yutsil sc'ulejal, te bayel ta tuhl te snich'nab, soc spisil te bin ut'il tohytesbot sc'oblal yu'un te ajwalil, soc bin ut'il c'ax hich ac'ot ta ich'el ta muc' a yu'un te príncipaletic soc te a'batetic yu'un te ajwalil.

Génesis 45:13

A'beyahic sna' te jtat spisil te cutsilal ta Egipto soc spisil te bin awilojic. ¡Bahanic ta ora, ic'ahic tal li'i te jtate! xchi.

Génesis 30:43

Hich bayel p'ohl sc'ulejal te Jacob, ay tsobol tuminchijetic, criadahetic soc a'batetic, camellohetic soc burrohetic yu'un.

Génesis 31:2

Soc la yil te Jacob te yanijemix sit yelaw te Labán, te ma hichuquix yo'tan ta stojol te bin ut'il ay ta nahil to.

Génesis 31:43

Te Labán hich la yalbe te Jacob: Te ach'ixetic, ho'on cantsil-nich'nab, soc te queremetic, ho'on jquerem-nich'nab, soc te tuminchijetic, ho'on jtuminchij, soc spisil te bintic chican yac awile, ho'on cu'un. Pero ¿bin ya cut te cantsil-nich'nab soc te yalatac ayinemiquix yu'une?