Génesis 3:19 - Bible in Tzeltal Bachajón

¹⁹ Ta scuenta achic' yac ata awe'el, ha to c'alal ya xc'atp'ujat ta lum, como tey chicnajemat talel a; ta ts'ubil lum pasbilat, ta ts'ubil lum ya suhtat, xchi te Diose.

Bible in Tzeltal de Oxchuc y Tenejapa

¹⁹ Buen chic' ya x'ac'botat te bit'il ya ata awe'ele, ja' to te c'alal ya sujt'at ta lumq'uinal, melel ta ts'ubil lum pastajat, ja' nix jich ts'ubil lum ya sujt'at —xi' te Diose.

Génesis 3:19 Referans Kwoze

Eclesiastés 12:7

o te ya suht xan bahel ta lumq'uinal te ts'ubilum, hich te bin ut'il ay ta nahil to, soc te ch'uhlelal ya suht xan bahel ta stojol Dios te ha nix a'bibil yu'une.

Job 34:15

spisil bintic cuxajtic pajal ya xlajic, soc te ants-winic ya scha'sutp'ij xan ta ts'u'lum.

Salmos 104:29

Teme yac anac' asit awelaw ta stojolic, ya xiwic; teme yac apojbe te ic' yu'unic, ya xchamic, ya sutp'ijic ta ts'ubilum.

Génesis 2:7

Dios la spas te winic ta ts'ubil lum, la shuhxibe sni' ta ic' yu'un cuxlejal, hich cuxaj.

Salmos 90:3

Yac awac' suhtuc ta ts'ubil lum te ants-winiquetic, hich yac awal: Sutp'ijanic ta ts'ubil lum, yal-snich'nabex ants-winiquetic, xchihat.

Efesios 4:28

Te mach'a ya sna' elec', ma me xya'iyix elec', ac'a a'tejuc, ac'a spas ta sc'ab te bin lec ta pasel, scuenta yu'un hich ya sta a te bin ya ya'be te mach'a mayuc bin ay yu'une.

Eclesiastés 3:20

Spisil ya xbahtic ta junax awilal; spisil pasbil ta ts'ubilum, soc spisil ya suht xan ta ts'ubilum.

Génesis 18:27

La sjac' xan te Abraham: Hahchemonix ta c'op soc te Cajwal, aunque ts'ubilumon soc tanon.

Daniel 12:2

Tsobol te mach'atic wayalic ta ts'ubil lum ya xhahchic: ay mach'atic ya yich' scuxlejalic scuenta sbahtel q'uinal, te yantic ya xbahtic ta q'uexlal soc ta p'ajel sbahtel q'uinal.

Eclesiastés 1:3

¿Bin ya xloc' yu'un a te winic yu'un spisil te ya'tel ya spas ta ye'tal ch'ulchan?

Salmos 22:15

Taquij quip hich te bin ut'il xeht'elul oxom, soc la slap' sba cac' ta jpa'jaj. ¡La awac'on ta ts'u'lum yu'un lajel!

Génesis 23:4

Ho'on jyanlumon soc jmelmonelon ta awohlilic. A'bon q'uinal yu'un muquenal, yu'un tey ya jmuc a te mach'a chamen cu'un, xchi.

2 Tesalonicenses 3:10

Hich nix la jpasex ta mandar te c'alal joquexcotic to a: Te mach'a ma sc'an ya x'a'tej, ma me xwe', xchihotcotic.

Salmos 103:14

como ya sna' bin ut'il ayotic, ya sna' te ha ts'ubilumotic.

1 Tesalonicenses 2:9

Ana'ojic, quermanotac, te luhbotcotic ta a'tel; bin ut'il a'tejotcotic c'ahc'al ahc'abal scuenta yu'un mayuc mach'a ya ca'becotic swocol te c'alal la jcalbeyexcotic te lec yach'il c'op yu'un te Diose.

Eclesiastés 5:15

Watal a ayintesot yu'un snan, ha nix hich ya xcha'suht bahel; mayuc bin ay yu'un te ya'tel te ya xhu' ya yich' bahele.

Eclesiastés 1:13

La jca'telin yilel soc slehel ta scuenta p'ijil-o'tanil spisil bin ya yich' pasel ta ye'tal ch'ulchan. Ha tulan a'tel a'bot yu'un Dios te yal-snich'nab ants-winiquetic scuenta yu'un ya x'a'tejic a.

Proverbios 21:16

Te winic te ya yihquitay hilel te be yu'un p'ijil-o'tanil ya xc'oht sjoquin te mach'atic chamenic.

Salmos 22:29

Ya me xwe'ic soc ya me sch'uhuntayic spisil mach'atic ay yipic ta bahlumilal; ya me squejan sbahic ta stojol spisil mach'atic ya xcohic bahel ta ts'u'lum, ha te mach'atic ma xhu' yu'unic scanantayel scuxlejalic.

Job 21:26

Pero pajal ya xwayic ta ts'u'lum, soc ya xmucotic ta yal ha.

Job 19:26

soc te c'alal lajemix a te jnuhculel, ta jbaq'uetal ya me quilbe sit te Diose.

Job 1:21

hich la yal: Watalon a la yayinteson jnan, watalon a ya suhton bahel. Jehová la yac', Jehová la sloq'ues. ¡Bayeluc me yutsil sbihil te Jehová! xchi.

1 Corintios 15:47

Te sba winic loq'uem tal ta lum, ha yu'un bahlumilal; te schebal winic, ha te Cajwaltic, talem ta ch'ulchan.

Hebreos 9:27

Jmehl nax ya xchamic ants-winiquetic, patil ay ich'el ta c'op,

Génesis 3:18

Ya xcol bayel ta chahp ch'ixetic, soc yac awe'ic itaj te ya xcol ta q'uinal.

Job 4:19

¡ha'uc to balix a te mach'atic snahinejic ahch'al, te yich'oj hahchel yip ta ts'u'lum, te ya yich'ic p'e'el hich te bin ut'il tut sulup!

Salmos 104:23

Ya xloc' tal ta a'tel te ants-winiquetic, ya x'a'tejic ha to ta tibiltic.

Salmos 127:2

Tojol te sab ya xhahchex soc c'ubix ahc'abal a ya xwayex, te yac awe' pan atahoj scuenta sc'uxul awa'tel, como Dios ya ya'be swayel te mach'atic c'ux ta yo'tan.

Génesis 5:5

Te c'alal ayix lajuneb shucwinic yoxbahc' (930) ya'bilal a te Adán, cham.

Job 10:9

Na'a me te la achahpanon hich te bin ut'il ahch'al; ¿ya bal asutp'inon ta ts'u'lum?