Génesis 3:15 - Bible in Tzeltal Bachajón

¹⁵ Soc ya cac' te contra yac awil aba soc te antse, soc te ats'umbal contra ya yil sba soc te sts'umbale; ha ya yehchentesbat ajol, yan te ha'ate yit nax yoc yac awehchentesbe stuquel, xchi sc'oblal.

Bible in Tzeltal de Oxchuc y Tenejapa

¹⁵ Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

Génesis 3:15 Referans Kwoze

Romanos 16:20

Te Dios yu'un lamal q'uinal nopolix ya ya'beyex ats'o'ic ta teq'uel te Satanás. Ac'a sjoquinex te yutsil yo'tan te Cajwaltic Jesucristo.

1 Juan 3:8

Te mach'a ya'telinej spasel mulil, ha me yu'un pucuj stuquel, como te pucuj stalel la sle mulil ta shahchibal to tal. Ha scuentahil te chicnaj te Snich'an Dios, yu'un ya slajimbe ya'tel te pucuje.

Apocalipsis 12:17

Te dragón bayel ilin yu'un ta stojol te antse, hich baht ya'be guerra te jayeb xan sts'umbal te antse, ha te mach'atic ya sch'uhumbeyic te smandar Dios soc te yich'ojic te testigo-c'op yu'un te Jesucristo.

Isaías 7:14

Ha yu'un, ha nix Jehová ya ya'beyex señahil: Ya me xhahch yal te ach'ix, ya me x'ayin squerem-al, Emanuel sbihil ya xc'oht yu'un.

Gálatas 4:4

Pero te c'alal la sta yorahil, Dios la sticon tal te Snich'an, te alatayot yu'un ants soc cuentahinot yu'un te Ley,

San Juan 8:44

Te ha'exe, ha yu'unex te atatic, ha te pucuje, soc yac apasbeyic te bin ya sc'an yo'tan te atatique. Stalel jmilaw c'alal shahchibal, mayuc bin ora melel te sc'ope, como stalel mayuc smelelil c'op yu'un. C'alal ya ya'iy lot, ha nix sc'op ya yal, como mero jlot stuquel soc ha tatil yu'un lot.

San Mateo 1:23

Ay jtuhl ach'ix te ya xhahch yal soc ya x'ayin squerem-al, Emanuel sbihil ya xc'oht, te xchihe. (Dios sjoquinejotic, xchi te c'asesbile.)

San Mateo 13:38

Te q'uinal, ha te bahlumilal; te lequil ts'unubil, ha te al-nich'anetic yu'un te cuentahinel yu'un te ch'ulchan, soc te ac, ha te yal-snich'nab te mach'a chopol.

1 Juan 3:10

Hich ya xchicnaj mach'atic a te yal-snich'nab Dios soc mach'atic a te yal-snich'nab te pucuje: Spisil mach'a ma ba ya spas te bin toj ta pasel soc te ma c'uxuc ya ya'iy ta yo'tan te yermano, ma yu'unuc Dios stuquel.

San Lucas 10:19

Ho'on ya ca'beyex yac ats'o'ticlanic ta teq'uel jti'awal chanetic soc tsequetic soc stsalel spisil yip acontratac, mayuc bin ya yuts'inex.

Salmos 132:11

Te Jehová la yal ta jamal ta stojol David, jc'axel yaloj, ma ba ya sut sc'op:

Apocalipsis 20:10

Soc te pucuj, te lo'loyotic yu'un, ch'ojot ochel ta banti yac ta tihlel pamal c'ahc' soc azufre, te banti ay te chambahlam te xiweltic sba soc te lotil jalwanej; c'ahc'al ahc'abal ya xc'ax swocolic sbahtel q'uinal tey a.

Colosenses 2:15

La spojbe yu'el te principaletic soc te mach'atic ay ya'telic, la yac'ticlan ta ilel ta comonsitil c'alal la stsalticlan ta cruz.

Hechos 13:10

hich la yalbe: ¡Nojel ta awo'tan lo'loywanej soc spisil bintic chopol, yal-snich'anat pucuj, acontrahinej spisil te bintic stojil ta pasel! ¿Jc'axel bal ma xacom aba ta sjimbeyel te toj be yu'un te Cajwaltique?

Apocalipsis 2:10

Ma me xiwat yu'un teme ya xc'ax awocol. Ay me ya yotsesex ta cárcel te pucuj scuenta atsajelic; lajuneb c'ahc'al ya me xc'ax awocolic. Junuc me awo'tan ha to c'alal ya xlajat, ya me ca'bat te corona scuenta cuxlejal.

Isaías 53:12

Ha yu'un ya cac' te ya sjoquin te mach'atic ich'bilic ta muc', soc pajal ya spucticlan bintic pojbil soc te mach'atic ay yipic, como ha la yac' scuxlejal ta lajel, soc ahtaybil c'oht soc te jmulawiletic, como la scuchbe smul tsobolic, soc c'opoj yu'un te jc'axun-mandaretique.

Miqueas 5:3

Pero Dios ya yihquitayic hilel ha to c'alal ya x'ayin yal te ants te swoloj yal, soc te ya scha'joquinic te snich'nab Israel te yermanotac te hilemique.

Jeremías 31:22

¿Jayeb xan c'ahc'al te ya xhowiyat ta behel, ach'ix te ma junuc awo'tan? Como te Jehová spasojix te bin yach'il ta bahlumilal: jtuhl ants ya smac jtuhl winic, xchi.

1 Juan 5:5

¿Mach'a a te ya stsal te bahlumilal? Ha te mach'a ya sch'uhun te ha Snich'an Dios te Jesús.

Hebreos 2:18

Te bin ut'il c'ax swocol yu'un te la ya'iy tsajel, hich ya xhu' yu'un scoltaybel mach'atic ayic ta tsajel.

Efesios 4:8

Ha scuentahil te hich ya yal: C'alal mo bahel ta toyol, la yic' bahel jchuqueletic, soc la yac'ticlambe mahtaniletic te winiquetic, te xchihe.

Apocalipsis 13:7

A'bot permiso te ya ya'be guerra te mach'atic ch'uhltesbilic, soc te ya stsalticlan. Soc a'bot ya'tel ta stojol spisil ta chahp ts'umbaliletic, pueblohetic, c'opiletic soc nacionetic.

Hebreos 5:7

Te c'alal ay ta bahlumilal ta scuxlejal a te Cristo, tulan awon soc oc' ta sc'oponel te Mach'a ya xhu' ya x'ac'to ta libre yu'un lajel, soc a'iybot sc'op ta scaj te peq'uel la yac' sba.

San Lucas 22:53

Jujun c'ahc'al la joquinex ta Templo, ma ba la atsaconic tey a; pero la stahix yorahil te ya xhu' awu'unic soc ha yorahil te ay yip te yihc'al q'uinale, la yut.

San Mateo 23:33

¡Chanex, sts'umbalex jti'awal chanetic! ¿bin ut'il c'an coluquex yu'un te ya x'ac'otex ta ch'ayel ta infierno?

San Mateo 12:34

¡Sts'umbalex jti'awal chanetic! ¿Bin ut'il c'an lecuc ac'opic te chopolexe? Como ya xloc' ta ehal te bintic nojel ta o'tanil.

San Mateo 3:7

C'alal la yil te Juan te tal tsobol fariseohetic soc saduceohetic ta banti yac yac'bel ich'-ha', hich la yalbe: ¡Ha'ex sts'umbalex ti'awal chanetic! ¿mach'a la yalbeyex te ya me x'ahnex bahel ta stojol te ilimba talel yac?

Romanos 3:13

Ha jamal muquenal te yoq'uib; ya xlo'loywanic te yaq'uic. Ay svenenohil ti'awal chan ta sti'il yehic;

San Lucas 1:76

Ha'at, alal, jalwanejat yu'un te Mach'a mero toyol ay, ya xc'oht abihil; yu'un ya me xnahilijat ta stojol te Cajwaltic yu'un yac achahpambe te behetic yu'une,

San Marcos 16:18

ya stsaquic jti'awal chanetic; teme ya yuch'ic te bin ya xmilawan, ma ba ya x'uts'inotic yu'un; ya scajambe sc'abic ta sba jchameletic, hich ya xcolic yu'un, xchi.

San Mateo 1:25

Pero ma ba la sta sba soc ha to c'alal ayin te sba-ale, soc la ya'be sbihilin JESÚS.

Génesis 49:17

Ha chan ta ti'be ya xc'oht te Dan, ha ti'awal chan ta ti'be, te ya sti'ticlambe yoc cawu, hich ya yac' yahluc cohel ta spat te mach'a cajal a.

Daniel 9:26

C'alal ya xc'ax te cheb schanwinic (62) semana, ya yich' milel te mach'a malbil ta aceite, mayuc bintic ya xhil yu'un. Te ants-winiquetic yu'un te príncipal te ya xtal ya me sjinic te pueblo soc te ch'ul awilal; hich ya xtal slajibal te bin ut'il snojel ha', ya xhalaj te jinel ha to c'alal ya xlaj te guerrahe.

Amós 9:3

Teme ya snac' sbahic ta ba wits yu'un Carmelo, tey ya jle a soc ya jtsacticlan; aunque ya snac' sbahic ta jtojol c'alal ta sc'ubulil mar, tey ya calbe ta mandar te chan te ya sti'e.

San Lucas 24:27

Hich hahch scholbe ya'iyic c'alal Moisés soc spisil te jalwanejetic te bintic ts'ihbabil ta Shun Dios te ya yalbe sc'oblale.