Génesis 3:10 - Bible in Tzeltal Bachajón

¹⁰ La sjac' te winic: La jca'iy yacat ta c'axel ta yohlil te ts'umbil q'uinal, tal xiwel ta co'tan yu'un mayuc jc'u' jpac', ha yu'un la jnac' jba, xchi.

Bible in Tzeltal de Oxchuc y Tenejapa

¹⁰ La sjac' te winique: —La caiy stojol yacat ta beel ta yolil awalts'unubil. Xiwon, yu'un t'analon, jich la jnac' jba —la yut.

Génesis 3:10 Referans Kwoze

Génesis 2:25

Mayuc sc'u' spac' te Adán soc te yihnam, pero ma ba q'uexawic yu'un.

Isaías 57:11

¿Mach'a yac axi', mach'a la xiwtesat, te la alo'loyon, te ma ba la ana'on, ni ma ba tal ta awo'tan? ¿Ma bal ha'uc yu'un te ch'abon ta namey tal, te hich ma ba axi'ojon?

Isaías 47:3

Jamal ya xchicnaj te watalat, ya x'ilot aq'uexlal. Ya ca'be castigo, mayuc mach'a ya xcol,

Salmos 119:120

Te jbaq'uetal ya xnihc yu'un xiwel ta atojol; ya quich' ta muc' te bin chapal awu'une.

1 Juan 3:20

teme ay ya yalbotic te co'tantic te ay bin chopol jpasojtic, ha c'ax muc' te Dios te bin ut'il te co'tantic, soc ha ya sna' spisil stuquel.

Job 23:15

Ha yu'un te bayel ya xiwon ta stojol; te c'alal ya jna', bayel ya jxi' yu'un.

Éxodo 3:6

Soc hich la yal xan: Ho'on Dioson yu'un te atate, ha te Dios yu'un Abraham, te Dios yu'un Isaac, soc te Dios yu'un Jacob, xchi. Ha yu'un te Moisés la smuc yelaw, yu'un la xi' ya yil te Diose.

Isaías 33:14

Te jmulawiletic ta Sión ya xiwic, ya xnihquic te mach'atic ma tojuc yo'tanic, hich ya yalic: ¿Mach'ahotic a te ya xhu' ya xnahinotic soc te c'ahc' te ya xlajinwan? ¿Mach'ahotic a te ya xhu' ya xnahinotic soc te yat c'ahc' te sbahtel q'uinal ay? xchihic.

Apocalipsis 16:15

Ya xtalon hich te bin ut'il j'elec'. Bayel me yutsil te mach'a wiq'uil sit soc te ya scanantay sc'u' spac', scuenta yu'un ma ba watal ya xbehen, te q'uexlaltic sba ya x'ilot, xchi te Cajwaltique.

Éxodo 32:25

Te c'alal la yil Moisés te ma ba ya scom sbahic te pueblo, yu'un ma ba comotic yu'un Aarón, te la yac' sbahic ta q'uexlal yu'un te scontrahic,

Génesis 3:7

Hich jahm sit schebalic soc la sna'ic te mayuc sc'u' spaq'uic. Ha yu'un la sts'isic ya'binal higuera, la smac sbaq'uetalic a.

Génesis 3:11

La yal te Diose: ¿Mach'a la yalbat te mayuc ac'u' apac'? ¿Yu'un bal la alo'be sit te te' la jcalbat te ma me xalo'be te site? xchi.

Éxodo 20:18

Spisil te pueblo yac ya'iybelic st'ohmel te chahwuc soc te tsantsehwaletic, te yoq'uel te xulubil soc te wits yac ta loq'uel sch'ahilel. C'alal hich la yilic nihquic yu'un soc namal la yac' sbahic.

Éxodo 20:19

Ha yu'un hich la yalbeyic te Moisés: Ha'at yac ac'oponotcotic, ya me ca'iycotic; pero ma me ha'uc ya sc'oponotcotic te Diose, scuenta yu'un ma ba ya xlajotcotic a, xchihic.

Deuteronomio 5:25

Ha yu'un, ¿bin yu'un ya xlajotic? como te muc'ul c'ahc' ini ya me slajinotic. Teme ya ca'iybetic xan sc'op te Jehová te Dios cu'untic ya me xchamotic yu'un.

Job 31:33

teme la jmuc jmul hich te bin ut'il yantic winiquetic, teme la jmuc ta co'tan te jmul