Génesis 3:1 - Bible in Tzeltal Bachajón

¹ Te chan ha bayel xan sp'ijil yu'un lo'loywanej a te bin ut'il spisil yantic chambahlametic ta q'uinal te pasticlambil yu'un Dios. Hich la yalbe te antse: ¿Hich bal la yalbat te Diose: Ma me xalo'be sit spisil te te'etic ayic ta ts'umbil q'uinal, xchi bal te Diose? xchi.

Bible in Tzeltal de Oxchuc y Tenejapa

¹ Te chane c'ax jich sp'ijil yu'un lo'laywanej a te bit'il spisil yantic ja'mal chambalametic ta q'uinal pasbil yu'un te Diose. La sjojc'obey te antse: —¿Jich bal yalojbat te Diose: “Ma me xalo'bey sit spisil te te'etic ayic ta awalts'unubil”, xi' bal te Diose? —la yut.

Génesis 3:1 Referans Kwoze

2 Corintios 11:3

Pero hich te bin ut'il te chan la smombe yo'tan ta lo'loyel te Eva, ya jxi' te ay wan bin ut'il ya showiytesbeyex te snopojibal awu'unic, te hich ma junuquix awo'tanic ta stojol Cristo.

2 Corintios 11:14

Ma me yanuc yac awa'iyic a, como ha nix hich te Satanás ya sp'is sba ta ch'ul a'bat yu'un sacal q'uinal.

Apocalipsis 12:9

La yich' ch'ojel cohel te muc'ul dragón, ha te antiguo chan, te Pucuj soc Satanás sbihil, ha te ya slo'loy spisil te bahlumilale. Ch'ojot cohel ta bahlumilal soc te a'batetic yu'une.

Apocalipsis 20:2

La stsac te dragón, te antiguo chan, ha te pucuj o Satanás, la schuc lajunwinic yoxbahc' (1,000) ha'bil.

San Mateo 4:3

Tal ta stojol te jlo'loywanej, hich halbot yu'un: Teme ha'at Snich'anat Dios, hala te yacuc xc'atp'uj ta pan te tonetic ini, xchi.

San Mateo 10:16

Ya jticonex bahel hich te bin ut'il tuminchijetic ta yohlil chojetic. Ha yu'un p'ijanic me hich te bin ut'il chan soc lamaluc me awo'tanic hich te bin ut'il stsuhmut.

San Mateo 4:6

hich la yalbe: Teme ha'at Snich'anat Dios, ch'oja cohel aba, como hich ts'ihbabil: Ya spas ta mandar te ch'ul a'batetic yu'un te ya me scanantayat, ya slat'at ta sc'abic, scuenta yu'un ma ba yac alajin awoc ta ton a, xchi.

Isaías 27:1

Ta hich ora te Jehová ya me ya'be castigo ta espada yu'un te ha muc' soc te ay yip, ya me ya'be castigo te Leviatán, te chan te ya x'ahn bahel, te Leviatán, te chan te xotoj sba, ya me smil te dragón te ay ta mar.

Eclesiastés 4:10

Teme ya xyahl te jtuhle, ya xhahchot yu'un te smohlole. Pero ¡obol sba te mach'a stuquel ay! Teme ya xyahl, mayuc mach'a yan ya xhahchot yu'un.

San Mateo 4:9

hich halbot yu'un: Spisil ya ca'bat ini teme yac aquejan aba ta jtojol soc teme yac ach'uhuntayone, xchi.

1 Pedro 3:7

Ha nix hichex, winiquetic, socuc sp'ijil awo'tanic ya x'ayinex soc te awihnamique; ich'ahic ta muc' te ants hich te bin ut'il jun vaso te ora ya xwuy, soc te bin ut'il pajal yac awich'ic te cuxlejal te ay yutsil. Hich me xapas scuenta yu'un mayuc bin ya smaquex a te yac ac'oponic te Diose.

Apocalipsis 12:15

Te chan la smal loq'uel ha' ta ye hich te bin ut'il muc'ul-ha', ta banti baht te ants, yu'un yacuc xbaht ta ehanel ta ha'.