Génesis 29:2 - Bible in Tzeltal Bachajón

² La yil te ay pozo ta aquiltic soc ay oxchahp tuminchijetic tey pacajtic a, yu'un tey ya yuch'ic ha' a. Macal ta muc'ul ton te sti'ile.

Bible in Tzeltal de Oxchuc y Tenejapa

² Ja'uc me to, la yil te ay pozo tey a, soc ay oxtsojp chijetic tey pacajtic a, melel ya yuch'beyic ya'lel. Macal ta muc'ul ton te sti' pozoe.

Génesis 29:2 Referans Kwoze

San Juan 4:6

Tey ay a te pozo yu'un Jacob. La shuhcan sba ta ti'poso te Jesús yu'un luhbenix ta behel. Ohlil c'ahc'al a.

Isaías 49:10

Ma ba ya ya'iyic wi'nal o taquinti'il, soc ma x'uts'inotic yu'un te c'ahc'al o q'uixin q'uinale, como te mach'a c'uxultayotic yu'un ya me stojobteslan bahel, soc ya me stojobteslan bahel ta sloq'uib-ha'etic.

Apocalipsis 7:17

como te Jcolel Tuminchij te ay ta yohlil te muc'ul-huctajibal ha ya scanantay soc ya me stojobteslan bahel ta banti ay sloq'uib ha'etic scuenta cuxlejal. Soc ya me xcusticlambot ya'lel sitic yu'un te Diose, xchi.

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

Salmos 23:2

Ya ya'bon jcux co'tan ta yaxal aquiltic, ya yic'on bahel ta banti lamal te ha'e,

Génesis 24:13

Ilawil, ayonix ta pozo, ya xloq'uic tal ta yich'el ya'alic te yantsil-nich'nabic te winiquetic yu'un te pueblo ini.

Génesis 24:11

Ta sti'il te pueblo la ya'be spahcan sbahic te camellohetic ta jun pozo, tibilix a, ha yorahil a te ya xloq'uic tal ta yich'el ya'alic te ach'ixetique.

Génesis 24:10

Te a'bat la yic' lajuncoht camello yu'un te yajwal, hich baht, soc yich'oj bahel bayel ta chahp tsahbil mahtaniletic yu'un te yajwale. C'oht ta pueblo yu'un Nacor ta Mesopotamia.

Génesis 29:3

C'alal ya stsob sbahic tey a te jujuchahp tuminchijetic, te jcanan-tuminchijetic ya sloq'uesic te ton macal a, ya ya'beyic yuch' ha' te tuminchijetic, patil ya smaquic xan hilel.

Jueces 5:11

Namal ta banti ay sc'op te j'ac'-t'ihmalte'etic, ta yohlil te yuch'ojibal-ha' chambahlametic, tey ya sc'ayojtayic a te tsalaw yu'un Jehová, te tsalaw yu'un te tut pueblohetic yu'un ta Israel. Hich te pueblo yu'un Jehová ya xbehen bahel ta stojol te yochibal te pueblo.