Génesis 28:8 - Bible in Tzeltal Bachajón

⁸ Soc la yil te Esaú te ma lecuc yo'tan te stat yu'un te cananea-antsetique.

Bible in Tzeltal de Oxchuc y Tenejapa

⁸ Te Esaú la sna' bit'il ma lecuc yo'tan stat yu'un te cheb cananea-antsetic yic'oje.

Génesis 28:8 Referans Kwoze

Génesis 24:3

ya jc'an te yac awal ta jamal ta stojol Jehová, te Dios yu'un te ch'ulchan soc te Dios yu'un te bahlumilal, te ma ba yac alehbon yihnam te jnich'an ta stojol te yantsil-nich'nabic te cananeohetic te ayon ta yohlilique.

1 Samuel 8:6

Pero ma lecuc la ya'iy te Samuel te hich halbot yu'unic: A'botcotic jtuhl ajwalil te ya scuentahinotcotic, te xchihique, ha yu'un la sc'opon te Jehová.

Génesis 28:1

Ha yu'un te Isaac la sticon ta iq'uel te Jacob, la ya'be bendición soc la spas ta mandar, hich la yalbe: Ma me xawic' awihnamin yantsil-nich'nab te cananeohetique.

Génesis 27:46

Te Rebeca hich la yalbe te Isaac: Wocol cuxulon ta scaj te yantsil-nich'nab Het. Teme Jacob ya yic' yihnamin jtuhl sts'umbal Het, ha te ach'ixetic yu'un te q'uinal li'i, tojol te cuxulon, xchi.

Génesis 28:7

soc te la sch'uhumbe sc'op sme'stat te Jacob, te bahemix ta Padan-aram.