Génesis 28:5 - Bible in Tzeltal Bachajón

⁵ Hich te Jacob ticonot bahel yu'un Isaac ta Padan-aram ta sna te Labán snich'an Betuel te arameo-winic, ha te sbanquil Rebeca te snan te Jacob soc Esaú.

Bible in Tzeltal de Oxchuc y Tenejapa

⁵ Jich ticunot bael c'alal ta Padan-aram yu'un Isaac te Jacob. Bajt' c'alal ta sna te Labán, ja' te yichane, te snich'an Betuel te arameo-winique. Te Labán ja' xi'lel te Rebeca te sme' Jacob soc Esaú.

Génesis 28:5 Referans Kwoze

Génesis 25:20

Ay cha'winic (40) ya'bilal a te Isaac te la yic' yihnamin te Rebeca te yantsil-nich'an Betuel, te arameo-winic ta Padan-aram, soc te Rebeca ha yihts'in te Labán te arameo-winic.

Génesis 27:43

Ha yu'un, cal, ch'uhuna te bin ya calbat: Hahchan, bahan ta ahnel ta banti ay te jbanquil Labán ta Harán.

Génesis 29:12

La yalbe te Raquel te ha yichan te stat soc te ha yal te Rebeca. Ha yu'un te Raquel ahnimal baht yalbe ya'iy te state.

Oseas 12:12

Te Jacob baht ta ahnel ta sq'uinal Aram; te Israel la yac' sba ta a'batinel yu'un ya sta yihnam a, soc la scanantay tuminchijetic yu'un ya sta yihnam a.

Génesis 22:23

Te Betuel ha stat te Rebeca. Ha'ic ini te waxactuhl snich'nab Nacor, te yihts'in Abraham, te alataybot yu'un Milca.

Génesis 24:54

Patil we' te winic soc te mach'atic sjoquinej tal, bahtic ta wayel. C'alal hahch ta sab hich la yal te winique: Ac'awonic suhtel ta stojol te cajwal, xchi.

Génesis 28:2

Bahan ta Padan-aram ta sna te Betuel te stat te anan, ha xawic' awihnamin te yantsil-nich'an Labán te sbanquil te anane.

Génesis 29:1

Behen xan bahel te Jacob, c'oht ta slumal te mach'atic ayic ta stojol banti ya xloc' tal c'ahc'al.

Génesis 31:24

Ta ahc'abal c'oponot yu'un Dios ta swayich te Labán te arameo-winic, hich halbot yu'un: Tsahtaya me aba, ma me ayuc bin chopol yac awalbe te Jacob, xchi sc'oblal.

Génesis 35:27

Te Jacob baht yil te Isaac te stat te ay ta Mamre, ta Quiriat-Arba, (ha te Hebrón), te banti nahinic te Abraham soc Isaac.

Deuteronomio 26:5

Hich yac awal ta stojol te Jehová te Dios awu'un: Jbehyomal arameo te jtat te co bahel ta Egipto banti c'oht ta nahinel, mayuc tsobolic a. Tey c'atp'uj ta muc'ul nación a te bayel yip soc tsobolic.

Ezequiel 27:16

Te Edom la ya'iy mambajel chombajel ta atojol yu'un te ay bayel bintic ay awu'un, la sjelbat ta perlahetic te paq'uetic bombil ta chi'in-yax, ch'albil paq'uetic, lequil lino, t'ujbil tonetic ta ye'tal mar, soc tsajal tonetic.