Génesis 28:22 - Bible in Tzeltal Bachajón

²² Soc te ton la jtehc'anix scuenta seña, ha sna Dios ya xc'oht; soc spisil bin yac awa'bon, ya ca'bat jun ta slajunebal, xchi.

Bible in Tzeltal de Oxchuc y Tenejapa

²² Soc te ton te la jtejc'anixe, ja' sna Dios ya xc'ot cu'un. Soc spisil te bila ya yac'bon te Diose, ya me cac'bey jun ta slajunebal smajt'anin”, xi'.

Génesis 28:22 Referans Kwoze

Génesis 35:7

Tey c'oht spas scajtajib ta chiq'uel mahtanil a, El-bet-el sbihil c'oht yu'un te lugar, yu'un tey chicnaj Dios ta stojol a te c'alal loc' ta ahnel ta stojol te sbanquile.

Génesis 14:20

soc bayeluc me yutsil sc'oblal te Dios te mero toyol ay, te la ya'batix ta ac'ab te acontratac, xchi. Te Abram la ya'be smahtanin te Melquisedec jun ta slajunebal spisil te sbiluque.

Génesis 35:1

Dios hich la yalbe te Jacob: Hahchan, mohan bahel ta Bet-el, nahinan tey a. Pasbeya scajtajib ta chiq'uel smahtan te Dios te la stehc'an sba ta atojol te c'alal loc'at ta ahnel ta stojol te abanquil Esaú, xchi.

Génesis 33:20

La spasbe scajtajib ta chiq'uel mahtanil tey a, la ya'be sbihilin El-Elohe-Israel.

Génesis 28:17

Xiw yo'tan yu'un, hich la yal: ¡Mero xiweltic sba te lugar ini! Yu'unix ha sna Dios soc ha spuertahul te ch'ulchane, xchi.

Génesis 12:8

C'ax xan bahel tey a te Abram, c'oht ta jun wits ay ta stojol banti ya xloc' tal c'ahc'al yu'un Bet-el, la stehc'an snahilpac' tey a; ay ta stojol smahlib c'ahc'al te Bet-el, ay ta stojol banti ya xloc' tal c'ahc'al te Hai. Tey la spasbe scajtajib ta chiq'uel mahtanil a te Jehová soc la sc'opon te Jehová.

Génesis 21:33

Te Abraham la sts'un jtehc' tamarisco ta Beerseba, tey la sc'opon a te Jehová Dios te stalel cuxul sbahtel q'uinal.

Génesis 47:24

Te jayeb sit ya yac', jun ta yo'ebal ya me awa'be te faraón. Te chaneb xan ha awu'unic yu'un yac awawic ta q'uinal soc yu'un yac amac'lin abahic a soc te mach'atic ay awu'unic ta anahic, scuenta yu'un ya xwe'ic te awal-anich'nabic, xchi sc'oblalic.

Génesis 47:26

Ha yu'un te José la yac' ta mandaril te hich yac ta pasel c'alal ora ta spahmal sq'uinal Egipto te ya ya'be faraón jun ta yo'ebal te bin ya sloq'uesic. Ha nax te sq'uinal sacerdotehetic te ma yu'unuc faraón c'oht.

Malaquías 3:10

Ich'ahic tal spisil te jun ta slajunebal ta yawil, hich me ay we'elil ta jna. Tsajawon awilic a, xchi te Jehová te scuentahinej spisil, ilawil teme ma ba ya jambeyex te ventanahetic ta ch'ulchan soc ya jmal cohel ta atojolic c'ax bayel bendicionetic.