Génesis 28:16 - Bible in Tzeltal Bachajón

¹⁶ C'alal wihc' sit te Jacob, hich la yal: Melel li' ay te Jehová ta lugar ini, ma ba la jna', xchi.

Bible in Tzeltal de Oxchuc y Tenejapa

¹⁶ Wijc' sit te Jacob, la yal: “Li' ay to te Diose, ma ba la jna' stojol”, xi'.

Génesis 28:16 Referans Kwoze

Josué 5:15

Te jtsobaw yu'un te soldadohetic yu'un Jehová hich la sjac'be sc'op te Josué: Loq'uesa atep, yu'un ch'ultesbil te banti ayat, xchi. Hich la spas te Josué.

Éxodo 15:11

¿Mach'a ya spajat, Jehová, ta yohlil te diosetic? ¿Mach'a ya spajat, te c'ax bayel awutsilal te ch'ul Diosat, te xiweltic sba te yutsil awa'tel, te yac apas jchahp a'teliletic?

Éxodo 3:5

Hich halbot yu'un Dios: Ma xnohpojat tal; chola atep, como te banti ayat, ha ch'ultesbil q'uinal, xchi sc'oblal.

Job 33:14

Ay cha'oxchahp bin ut'il ya sc'oponotic te Diose, pero ma ba ya xc'oht ta yo'tan te winique.

Job 9:11

Teme ya xc'ax ta jts'ehl, ma ba ya quil, ya xc'ax pero ma ba ya ca'iy.

Isaías 8:13

Ya me awalic te ha Ch'ul Dios te Jehová te scuentahinej spisil; ha me xaxi'ic, ha me xiwel awu'unic ya xc'oht.

Salmos 68:35

Jchahp ay awutsilal, Dios cu'un, ta ch'ul awilal awu'un; te Dios yu'un Israel ya ya'be yu'el soc yip te pueblo yu'une. ¡Ac'a yich' halbeyel yutsilal te Diose!

Éxodo 3:4

C'alal la yil te Jehová te ya xbaht yile, hich c'oponot yu'un Dios ta yohlil te ch'ix: ¡Moisés! ¡Moisés! xchi. Li' ayoni, xchi te Moisés.

Josué 5:13

Te c'alal nopol ay ta Jericó a te Josué, la shach sit, la yil jtuhl winic teq'uel ta stojol te yich'oj espada ta sc'ab. Te Josué hich baht sjoc'obe: ¿Ayat bal soc ho'otcotic o ayat soc te jcontracotic? la yut.

1 Reyes 3:15

C'alal cux yo'tan te Salomón, la sna' te yac ta wayich. Patil baht ta Jerusalén, la stehc'an sba ta stojol te scaxahul te chapbil-c'op yu'un Jehová soc la yac' scohtol chic'bil mahtaniletic soc mahtaniletic scuenta lamal q'uinal. Soc la spasbe bayel we'elil spisil te a'batetic yu'une.

Salmos 139:7

¿Banti ya xhu' ya xnamijon ta stojol te Espíritu awu'une? ¿Banti ya xhu' ya xloc'on ta ahnel ta atojol?

Jeremías 31:26

Hich ora wihc' jsit soc la jquil ta joyobal; buen lec te jwayiche.

Números 12:6

Hich halbotic yu'un te Jehová: A'iya awa'iyic te jc'ope: Teme ay jalwanej yu'un Jehová ta awohlilic, ya cac' jba ta ilel yu'un ta snahalsit, ya jc'opon ta swayich.