Génesis 28:12 - Bible in Tzeltal Bachajón

¹² Ta swayich la yil ay mohibal te' ipajem hahchel ta lum, c'ohem sni'il c'alal ta ch'ulchan. Yacalic ta mohel ta cohel ch'ul a'batetic yu'un Dios tey a.

Bible in Tzeltal de Oxchuc y Tenejapa

¹² Ta swaich la yil ay jun tejc'abal jajch'em ta lum, te sbae c'oem c'alal ta ch'ulchan. Yacal ta moel coel te ch'ul abatetic yu'un Dios tey a.

Génesis 28:12 Referans Kwoze

San Juan 1:51

Soc hich la yal xan te Jesús: Tulan sc'oblal ya calbeyex, ya me awilic jamal te ch'ulchan, soc te ch'ul a'batetic yu'un Dios yacalic ta mohel soc cohel ta stojol te Nich'anil ay ta scuenta winic, xchi.

Números 12:6

Hich halbotic yu'un te Jehová: A'iya awa'iyic te jc'ope: Teme ay jalwanej yu'un Jehová ta awohlilic, ya cac' jba ta ilel yu'un ta snahalsit, ya jc'opon ta swayich.

Génesis 15:1

Ta patil te c'ohtix ta pasel ini, tal te sc'op Jehová ta stojol Abram ta scuenta nahalsitil, hich la yal: Ma xiwat, Abram, ho'on jcanantaywanejon awu'un, mero muc' ya xc'oht amahtan, xchi sc'oblal.

Génesis 15:12

Yac ta mahlel c'ahc'al a c'uhb swayel te Abram, bayel xiw yo'tan yu'un mero ihc' baht te q'uinal ta stojol.

Hebreos 1:14

¿Ma bal meleluc te spisil te ch'ul a'batetic ha espírituhetic te ayic ta a'batinel, te ticombilic ta scoltayel te mach'atic ya yich'ic te colele?

Daniel 7:1

Ta shahchibal ha'bil ay ta ajwalil a te Belsasar ajwalil yu'un Babilonia, la ya'iy wayich te Daniel soc nahalsitiletic te c'ax ta spensar c'alal ay ta swayib; patil la sts'ihbay te swayich soc la yal te bintic tulan sc'oblal tey a.

Hebreos 1:1

Te Dios bayel buelta soc bayel bin ut'il la sc'opon te antiguo jme'jtatic ta namey ta scuenta te jalwanejetic;

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

San Mateo 1:20

Te c'alal hich yac sna'bel a, chicnaj ch'ul a'bat yu'un Cajwaltic ta swayich, hich halbot yu'un: José, sts'umbalat David, ma me xaxi' te yac awic' awihnamin te María, como te bin ut'il ayix yal, ha ta scuenta te Ch'ul Espíritu.

Génesis 20:3

Pero ta ahc'abal c'oponot yu'un Dios ta swayich te Abimelec, hich halbot: Ya me xlajat ta scaj te ants awic'oje, yu'un nuhpunem, ay smamalal, xchi sc'oblal.

San Mateo 2:19

C'alal chamix a te Herodes, te ch'ul a'bat yu'un Cajwaltic la yac' sba ta ilel ta swayich te José ta Egipto,

2 Crónicas 16:9

Como te sit Jehová ya yil spisil te q'uinal, yu'un ya ya'be yip te mach'atic jun yo'tanic ta stojol. Sjel ta shoquem ajol te bin la apasix; ha yu'un yo'tic soc li' bahel ay me guerra ta atojol, xchi.

Génesis 41:1

C'axix cheb ha'bil a, la ya'iy wayich te faraón: Ay ta ti' muc'ul-ha' la ya'iy;

1 Reyes 19:5

La smehtsan sba ta ye'tal te enebro-te', och swayel. Pero c'oht ta tijel yu'un ch'ul a'bat, hich halbot: Hahchan, we'an, xchi sc'oblal.