Génesis 28:11 - Bible in Tzeltal Bachajón

¹¹ C'oht ta jun lugar, tey way a, yu'un mahlix c'ahc'al a. La stsac tal ton, la sts'amjolin, la smehtsan sba ta wayel tey a.

Bible in Tzeltal de Oxchuc y Tenejapa

¹¹ Ay banti c'ot ta comel ta beel te Jacob, jich way tey a te bit'il malix te c'aale. La sle tel ton sts'anjolin, la smejts'an sba ta wayel.

Génesis 28:11 Referans Kwoze

2 Corintios 1:5

Hich te bin ut'il bayel ya xc'ax ta jtojolcotic te swocol te Cristo, ha nix hich ta scuenta Cristo bayel ya xmuc'ub q'uinal ya ca'iycotic.

San Mateo 8:20

Pero la yal te Jesús: Te waxetic ay sch'enic, soc ay spechechic te ha'mal mutetique, yan te Nich'anil ay ta scuenta winic ma xweht ta banti ya smehtsan sba stuquel, xchi.

Génesis 28:18

C'alal sacub q'uinal, hahch te Jacob, la stsac te ton te la sts'amjolin, la stehc'an scuenta seña, soc la smalbe aceite ta sba.

Génesis 31:46

Hich la yalbe te yermanotac: Tsobahic tal tonetic, xchi. Hich la stsobic tal tonetic, la sbusanic. Tey ochic ta we'el ta sba te busul tonetic.

Génesis 15:12

Yac ta mahlel c'ahc'al a c'uhb swayel te Abram, bayel xiw yo'tan yu'un mero ihc' baht te q'uinal ta stojol.

Génesis 28:19

Bet-el sbihil c'oht yu'un te lugar, aunque Luz sbihil ta nahil to te pueblo.