Génesis 27:46 - Bible in Tzeltal Bachajón

⁴⁶ Te Rebeca hich la yalbe te Isaac: Wocol cuxulon ta scaj te yantsil-nich'nab Het. Teme Jacob ya yic' yihnamin jtuhl sts'umbal Het, ha te ach'ixetic yu'un te q'uinal li'i, tojol te cuxulon, xchi.

Bible in Tzeltal de Oxchuc y Tenejapa

⁴⁶ Te Rebeca la yalbey te Isaac: —Ma smulan co'tan te antsetic sts'umbal Het te yic'oj te Esaú. Teme ja' nix ya xba yic' yinamin Jacob te sts'umbal Het, jich bit'il te cheb calibtique, ja' me lec te manchuc cuxulucon to abi —xi'.

Génesis 27:46 Referans Kwoze

Génesis 24:3

ya jc'an te yac awal ta jamal ta stojol Jehová, te Dios yu'un te ch'ulchan soc te Dios yu'un te bahlumilal, te ma ba yac alehbon yihnam te jnich'an ta stojol te yantsil-nich'nabic te cananeohetic te ayon ta yohlilique.

Génesis 28:8

Soc la yil te Esaú te ma lecuc yo'tan te stat yu'un te cananea-antsetique.

Job 14:13

¡Ayuc bin ut'il yac anac'on ta stsobojibal te mach'atic chamenic, te yacuc anac'on ha to c'alal ya xlahmaj te awilimba; te yacuc awahtaybon corahil, patil yacuc ana'on xan!

Job 7:16

Ya quihlay te jcuxlejal, ma jc'an ya xcuxajon spisil ora. Ihquitayawon, como tojol ya xc'ax c'ahc'al cu'un.

1 Reyes 19:4

Te Elías baht jun xan c'ahc'al ta jochol taquin q'uinal, la shuhcan sba ta ye'tal enebro-te'. Yo'tanuc ya xchamix, hich la yal: ¡Tic'uquix a, Jehová! Lajimbon te jcuxlejal; ma ho'ucon lecon xan a te bin ut'il te jme'jtate, xchi.

Números 11:15

Teme hich yac apasbone, awocoluc milawon, teme lec awo'tan ta jtojol, scuenta yu'un ma ba ya quil te jwocole, xchi.

Jonás 4:9

Pero hich halbot yu'un Dios: ¿Lec bal te ya x'ilinat yu'un te ch'upac-te'? xchi sc'oblal. Bayel ya x'ilinon, ha to c'alal ya xchamon, xchi te Jonás.

Jonás 4:3

Ha yu'un, Jehová, awocoluc lajimbonix te jcuxlejal, como ha lec te ya xchamon te bin ut'il cuxulone, xchi.