Génesis 27:43 - Bible in Tzeltal Bachajón

⁴³ Ha yu'un, cal, ch'uhuna te bin ya calbat: Hahchan, bahan ta ahnel ta banti ay te jbanquil Labán ta Harán.

Bible in Tzeltal de Oxchuc y Tenejapa

⁴³ Jich yu'un cal, ch'uuna te bila ya calbate: Jajch'an, anan bael ta bay awichan Labán ta lum Harán.

Génesis 27:43 Referans Kwoze

Génesis 27:8

Ha yu'un ta ora ini, cal, ch'uhumbon te bin ya calbat.

Génesis 11:31

Te Taré la yic' bahel te snich'an, ha te Abram, soc te smam, ha te Lot te snich'an Harán, soc te yalib, ha te Sarai te yihnam Abram. Loq'uic bahel ta Ur ay ta sq'uinal te caldeohetic yu'un ya xbahtic ta sq'uinal Canaán, pero c'alal c'ohtic ta Harán tey hilic ta nahinel a.

Génesis 27:13

Hich la sjac' te snan: Cal, ho'on ac'a c'ohtuc ta jcuenta te chopol c'oblalil. Te ha'ate ch'uhuna te jc'ope, bahan ic'bon tal te bin la jcalbat, xchi.

Hechos 5:29

Hich la sjac' te Pedro soc te yantic jpuc-c'opetic: Ha bayel xan sc'oblal te ya jch'uhumbetic smandar Dios te bin ut'il te smandar winiquetique.

Jeremías 35:14

Ch'uhumbil te sc'op Jonadab snich'an Recab, te la spas ta mandar te snich'nab te ma me xyuch'ic vino, hich c'alal ora mayuc yuch'ojic vino, yu'un sch'uhumbeyejic smandar te state. Yan te ho'one, bayel buelta la jc'oponex, pero ma ba la awich'onic ta cuenta.

Proverbios 30:17

Te sit te ma lecuc ya yil te stat soc te ma sc'an ya sch'uhumbe smandar te snan, ya xloq'uesot yu'un te jojetic yu'un sjuclej soc ya xti'ot yu'un hosetic.

Génesis 28:7

soc te la sch'uhumbe sc'op sme'stat te Jacob, te bahemix ta Padan-aram.

Génesis 24:29

Ay jtuhl sbanquil te Rebeca, Labán sbihil, ahnimal loc' bahel ta banti ay te winic te ay ta sloq'uib ha'.

Génesis 28:10

Te Jacob loc' ta Beerseba, behen bahel ta sbehlal Harán.

Génesis 27:42

Halbot ya'iy te Rebeca te bin la yal te Esaú te sba-al, ha yu'un la sticon ta iq'uel tal Jacob te ihts'inal, hich la yalbe: A'iya awa'iy, te abanquil Esaú ha smuc'ul yo'tan te snopoj te ya smilat.

Génesis 28:5

Hich te Jacob ticonot bahel yu'un Isaac ta Padan-aram ta sna te Labán snich'an Betuel te arameo-winic, ha te sbanquil Rebeca te snan te Jacob soc Esaú.

Génesis 35:1

Dios hich la yalbe te Jacob: Hahchan, mohan bahel ta Bet-el, nahinan tey a. Pasbeya scajtajib ta chiq'uel smahtan te Dios te la stehc'an sba ta atojol te c'alal loc'at ta ahnel ta stojol te abanquil Esaú, xchi.

Génesis 25:20

Ay cha'winic (40) ya'bilal a te Isaac te la yic' yihnamin te Rebeca te yantsil-nich'an Betuel, te arameo-winic ta Padan-aram, soc te Rebeca ha yihts'in te Labán te arameo-winic.