Génesis 27:41 - Bible in Tzeltal Bachajón

⁴¹ Te Esaú la sp'aj te Jacob yu'un te bendición a'bot yu'un te state, hich la yal ta yo'tan: Nopol sta yorahil mel-o'tan yu'un te ya xcham te jtate, tey ya jmil a te quihts'in Jacob, xchi.

Bible in Tzeltal de Oxchuc y Tenejapa

⁴¹ Jich yu'un te Esaú la slab-o'tantay te Jacob yu'un te bit'il ja' c'anbot bendición yu'un static stuquel. La yal ta yo'tan: “Teme laj te jtate, ya me jmil te quijts'in Jacob”, xi'.

Génesis 27:41 Referans Kwoze

Génesis 37:4

C'alal la yilic te sbanquiltac te c'ax hich c'ux ta o'tanil yu'un stat a te José te bin ut'il c'uxultaybilic stuquelic, la sp'ajic soc ma ba lec yo'tanic la sjuquic ta c'op.

Eclesiastés 7:9

Ma me orahuc ya x'ilinat, como te ilimba ay ta yo'tan te mach'a ma sna' q'uinal.

Proverbios 6:14

chopol bintic ay ta yo'tan, ya snopilan bin chopol, ya shach c'op.

Génesis 37:8

Hich joc'obot yu'un te sbanquiltac: ¿Yu'un bal ya x'ochat ta ajwalil cu'uncotic? ¿Yu'un bal jcuentahinwanej ya xc'ohat ta jtojolcotic? la yutic. Hich bayel xan la sp'ajic yu'un te swayich soc te sc'ope.

Génesis 32:6

Te jal c'opetic suhtic tal ta stojol Jacob, hich hul yalbeyic: Suhtotcotiquix tal ta stojol te abanquil Esaú, ha nix ya xtal stahat ta be, soc joquimbil yu'un jbahc' (400) ta tuhl winiquetic, xchihic hulel.

Tito 3:3

Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

Ezequiel 35:5

Te bin ut'il spisil ora acontrahinej te snich'nab Israel soc la awa'be ta stojol te yip te espada ta yorahil swocolic, ta yorahil te la yich'ic te slajibal castigo yu'un te schopolile,

Proverbios 1:16

como ya x'ahnimajic ta stojol bin chopol, ya suj sbahic ta smalel ch'ich'.

Salmos 142:3

Te c'alal mayuquix yip co'tan a, ha'at la ana' te be cu'une. Ta banti behenon la snac'bon jyacol.

Salmos 37:16

Ha lec xan a te jtebuc bin ay yu'un te mach'a toj yo'tan te bin ut'il te sc'ulejalic tsobol mach'atic chopol yo'tanic;

Salmos 35:14

Soc mel-o'tan behenon hich te bin ut'il ta scuenta camigo o quermano, hich te bin ut'il ya smel yo'tan yu'un snan, la jpehc'an jba yu'un mel-o'tan.

2 Crónicas 35:24

Hich te a'batetic yu'un la sloq'uesic bahel ta carreta yu'un guerra, la yaq'uic ta schebal carreta te ay yu'un, la yiq'uic bahel ta Jerusalén, tey cham a. La smuquic ta smuquenal te sme'state. Spisil Judá soc Jerusalén la yoq'uetayic te Josías.

Deuteronomio 34:8

Te snich'nab Israel lajuneb scha'winic (30) c'ahc'al la yoq'uetayic te Moisés ta spamlej yu'un Moab. Hich ts'acay te jayeb c'ahc'al oq'uel soc mel-o'tan yu'un Moisés.

Génesis 35:29

Hich quehchaj yich'bel ic' te Isaac, cham, la sjoquin ta muquenal te sme'stat, mamalix, bayel c'ahc'al cuxaj. Mucot yu'un Esaú soc Jacob te snich'nabe.

Génesis 32:11

Coltayawon loq'uel ta sc'ab te jbanquil Esaú, yu'un ya jxi' te ya xtal smilon soc te alaletic soc te snanique.

Génesis 27:42

Halbot ya'iy te Rebeca te bin la yal te Esaú te sba-al, ha yu'un la sticon ta iq'uel tal Jacob te ihts'inal, hich la yalbe: A'iya awa'iy, te abanquil Esaú ha smuc'ul yo'tan te snopoj te ya smilat.

Génesis 32:3

Te Jacob nahil la sticon bahel jal c'opetic ta stojol te sbanquil Esaú ta sq'uinal te Seir, ta sq'uinal Edom.

Génesis 50:2

Patil la yalbe mandar te a'batetic yu'un, ha te jpoxtaywanejetic, te ya spoxtaybeyic sbaq'uetal te stat scuenta yu'un hich ma xc'a' a. Hich te jpoxtaywanejetic la spoxtaybeyic sbaq'uetal te Israel;

Génesis 37:18

Namal to ay a la yilic, ma to xc'oht ta banti ayic a hahch schapbeyic sc'oblal ta milel.

Génesis 50:15

C'alal la yilic te sbanquiltac José te chamix te static, hich la yalic: Ya wan xhahch yilintayotic te José, ya wan sutbotic spacol spisil te bin chopol la jpasbetic, xchihic.

Proverbios 18:19

Te mach'a il-o'tantayot yu'un yermano c'ax hich stulanil yo'tan a te bin ut'il jun pueblo te joytaybil ta ts'ahc, soc te c'op ta yohlil mach'atic yermano sbahic hich ay te bin ut'il sc'atal te'etic yu'un muc'ul na.