Génesis 27:4 - Bible in Tzeltal Bachajón

⁴ Pasbon jwe'el hich te bin ut'il ya jmulan swe'el, ich'bon tal jwe', scuenta yu'un ya ca'bat hilel bendición te ma to xchamon, xchi.

Bible in Tzeltal de Oxchuc y Tenejapa

⁴ Pasbon me buen bujts'an ti'bal jti', jich nix bit'il ya smulan co'tan. Ich'bon tel jwe'elin, jich me ya jc'anbat jilel bendición te bit'il ma to xlajone —la yut.

Génesis 27:4 Referans Kwoze

Hebreos 11:20

Ta scuenta sch'uhunel yo'tan te Isaac la ya'be bendición te Jacob soc Esaú te ya xtal ta patil.

Génesis 48:9

Ha te jnich'nab te Dios la ya'bon li'i, xchi te José. Hich la yal te Israel: Ac'a nohpojicuc tal ta jtojol, ya ca'be bendición, xchi.

Génesis 49:28

Ta spisilic ini ha'ic te lahchaychahp israeletic, soc hich ay te bin halbotic yu'un te static te c'alal la yac'ticlambe bendición, ha chican bin bendicionil la ya'be ta tuhlultuhl.

Génesis 27:25

Ha yu'un hich la yalbe: Ich'bon tal te ti'bal, ya jti' te bin la stsac tal te jnich'an, scuenta yu'un ya ca'bat bendición, xchi. Hich te Jacob la yich'be tal, te Isaac la sti' te ti'bal; soc la yich'be tal yuch' vino.

San Lucas 24:51

Te c'alal yac yac'bel bendición a, la yihquitay hilel, hich ic'ot mohel ta ch'ulchan.

San Lucas 2:34

Te Simeón la ya'be bendición ta stojolic, soc hich la yalbe te María te snan te alale: Ha'i alal ini hich chapal yu'un te ya yac' yahluc soc ya yac' hahchuc tsobol ta Israel, soc ha señahil te ya yich' contrahinel ta c'op,

Josué 22:6

Te Josué la yac'ticlambe bendición soc la sticonlan bahel, hich bahtic ta snahilpaq'uic.

Josué 14:13

Ha yu'un te Josué la ya'be bendición soc la ya'be sq'uinalin Hebrón te Caleb snich'an Jefone.

Génesis 27:7

Tsacbon tal ti'bal soc pasbon buen buhts'an we'elil yu'un ya jwe' soc ya ca'bat bendición ta stojol Jehová te ma to xchamon, xchi.

Génesis 28:3

Ac'a ya'bat bendición te Dios te spisil ya xhu' yu'un, soc ac'a p'ohlucat, bayeluc me ats'umbal ya xc'oht ha to c'alal bayel ta chahp pueblohetic ya xc'ohat.

Génesis 27:31

Ha nix hich la spas buhts'an ti'bal, la yich' tal ta stojol te stat, hich la yalbe: Hahchan, jtat, ti'a te ti'bal la stsac tal te anich'an, scuenta yu'un yac awa'bon bendición, xchi.

Génesis 27:27

Hich nohpoj tal te Jacob, la yuhts'uy te state. Te Isaac la ya'iybe yic' te sc'u' spac', la ya'be bendición, hich la yal: A'iya awa'iy, ha yic' te jnich'ane, hich yic' te bin ut'il ha'maltic te a'bibil bendición yu'un Jehová.

Génesis 27:23

Hich ma ba la sna'be sba mach'a a, yu'un bayel stsotsel sc'ab hich te bin ut'il sc'ab te Esaú. Hich la ya'be bendición.

Génesis 24:60

La ya'beyic bendición te Rebeca, hich la yalic: Ha'at quihts'inatcotic, ha'uc me nanil ya xc'ohat yu'un tsobol ta mil, soc te ats'umbal ya yu'untaybeyic spuertahul te scontratac, xchihic.

Génesis 14:19

soc la ya'be bendición te Abram, hich la yal: Bayeluc me yutsil sc'oblal te Abram yu'un te Dios te mero toyol ay, ha te mach'a la spas te ch'ulchan soc te bahlumilal:

Génesis 27:5

Yac ta ya'iyel te Rebeca te bin yac ta yalbeyel Esaú te Isaac. Hich baht ta ha'maltic te Esaú ta snutsel te bin ya stsacbe tale.

Génesis 27:9

Bahan ta banti ay te chambahlametic, tsacbon tal cha'coht lequil tut tentsunetic, ya jpasbe buhts'an ti'bal a te atat, hich te bin ut'il ya smulan.

Génesis 27:14

Hich baht te Jacob, la stsac tal tentsunetic, la ya'be te snane. Hich te snan la spasbe ti'bal te mulambil yu'un te state.

Génesis 27:17

la ya'be bahel te Jacob te buhts'an ti'bal soc pan te la schahpan.

Génesis 27:19

Ho'on te Esaú te aba-nich'anon. La jpasix tal te bin la awalbon. Hahchan, huhcana aba, ti'an te ti'bal la jtsacbat talel, scuenta yu'un yac awa'bon a te bendición, xchi.