Génesis 27:35 - Bible in Tzeltal Bachajón

³⁵ La yal te stat: Pero xtaluc slo'loyonix awihts'in, ha la yich'batix te abendición, xchi.

Bible in Tzeltal de Oxchuc y Tenejapa

³⁵ Ja'uc me to, la yal te state: —Pero xtaluquix te awijts'ine, la slo'layon, la spojbatix te bendición te sc'oplal ya awich'e —la yut.

Génesis 27:35 Referans Kwoze

1 Tesalonicenses 4:6

soc ma me ayuc mach'a ya spasbe te yermano te bin chopol o te hich ya slo'loy, como te Cajwaltic ha jpac-c'abal yu'un spisil ini, hich te bin ut'il la jcalbeyexcotic soc la jca'beyexcotic ana'ic.

2 Corintios 4:7

Pero quich'ojcotic te c'uhlejalil ini ta vaso pasbil ta ahch'al, scuenta yu'un ya xchicnaj te ha nix yu'un Dios te yutsil yu'el, te ma cu'uncoticuc.

Malaquías 2:10

¿Yu'un bal ma junuc nax Jtatic ta jpisiltic? ¿Ma bal junuc nax te Dios te la spasotique? ¿Bin yu'un nix a hiche te talel c'axel ya jlo'loy jbahtic, te hich ya jbohlobtesbe sc'oblal te chapbil-c'op la spas Dios soc te jme'jtatique?

2 Reyes 10:19

Ha yu'un ic'bonic tal spisil te jalwanejetic yu'un Baal, spisil te a'batetic soc te sacerdotehetic yu'un, ma me ayuc mach'a ya xhil, como ya ca'be muc'ul milbil mahtanil te Baal. Te mach'a ma ba ya xtal, ya me xlaj, xchi. Pero te Jehú hich la spas yu'un ya slo'loy a, scuenta yu'un hich ya slajin spisil te mach'atic yich'ojic ta muc' te Baal.

Job 13:7

¿Ya bal awalic bin chopol ta scuenta scoltayel te Diose? ¿Ya bal awa'iyic lot ta scuenta?

Génesis 27:33

Te Isaac bayel nihc yu'un, hich la yalbe: ¿Mach'a a hiche te xtaluquix, te la yich' tal te nutsbil ti'bal, la ya'bon soc la jti' spisil te c'alal ma to xtalat a? La jca'beyix bendición, ya me xc'oht ta stojol te bendición, xchi.

Jeremías 9:4

Tuhlutuhl ac'a stsahtay sba ta stojol te mach'a sjoquinej sba soc, ma me ha'uc ya smuc'ulin yo'tan te yermano, como spisil yermano ya xlo'loywan, soc spisil mach'a sjoquinej sba soc ya xlehawan ta c'op.

Génesis 29:25

Sacub q'uinal, te Jacob la yil te ha Lea, hich la yalbe te Labán: ¿Bin a te la apasbon? ¿Ma bal ha'uc la jcac' jba ta a'batinel awu'un ta scuenta Raquel? ¿Bin yu'un la alo'loyon? xchi.