Génesis 27:29 - Bible in Tzeltal Bachajón

²⁹ Ac'a yac' sbahic ta a'batinel awu'un tsobol ants-winiquetic, soc ac'a snijan sbahic ta atojol te nacionetique. Ac'a yajwalinat awermanotac, ac'a snijan sbahic ta atojol te yalatac te anane. Bohlubuc me sc'oblal te mach'a ya sbohlobtesbat ac'oblal, soc lecuc me sc'oblal te mach'a ya ya'bat bendición, xchi.

Bible in Tzeltal de Oxchuc y Tenejapa

²⁹ Spisil ants-winiquetic ac'a yac' sbaic ta abatinel awu'un, soc spisil ta jchajp lum ac'a squejan sbaic ta atojol. Pasa ta mandal te awermanotaque, ac'a squejan sbaic ta atojol. Ma'yuc bendición ta stojol te mach'a ya scontroinate, ja' nax me ay bendición ta stojol te mach'a lec yo'tan awu'une, —xi'.

Génesis 27:29 Referans Kwoze

Números 24:9

Ya swuhts'an sba, ya spahcan sba hich te bin ut'il choj, hich te bin ut'il yantsilel choj, ¿mach'a ya stij hahchel? ¡Ayuc bayel bendición yu'un te mach'atic ya sc'ambat bendición, soc bohlobuc me sc'oblal te mach'a ya sbohlobtesbat ac'oblal! xchi.

Génesis 12:3

Ya ca'be bendición te mach'a ya ya'bat bendición, soc ya jbohlobtesbe sc'oblal te mach'a ya sbohlobtesbat ac'oblal. Soc ha'at ta acuenta ya me yich' bendición spisil ants-winiquetic ta bahlumilal, xchi sc'oblal.

Isaías 49:23

Te ajwaliletic hich ya xc'ohtic te bin ut'il atatic, soc te ajwalil-antsetic yu'unic ha jcanan-alal ya xc'oht awu'unic. Ya me spahcan sbahic ta lum ta atojolic, soc ya me sleq'uic te stanul awoquic. Hich yac ana'ic a te ho'on Jehovahon; soc ma ba ya xq'uexawic te mach'atic smuc'ulinejon yo'tanic, xchi te Jehová.

Romanos 9:12

hich halbot te Rebeca: Te banquilal ya me yac' sba ta a'batinel yu'un te ihts'inal, xchi.

Isaías 45:14

Hich ya yal te Jehová: Te stojol ya'tel te Egipto, te jchombajeletic yu'un Etiopía, soc te sabeohetic, ha te nahtil winiquetic, ya xc'axic tal ta atojol, awu'un ya xc'ohtic; ya st'unat bahel, chuculic ta cadena, ya me squejan sbahic ta atojol soc hich me ya yalbat wocol: Melel sjoquinejat te Diose, mayuc yan dios, xchihic.

Isaías 49:7

Hich yaloj te Jehová, te J'ac'aw ta libre, te Ch'ul Dios yu'un Israel, hich ya yalbe te mach'a ihlaybil, te p'ajbil yu'un te nacionetic, te a'bat yu'un te tulan jcuentahinwanejetic: C'alal ya yilex ajwaliletic, ya me xhahchic, ya me squejan sbahic príncipaletic, ta scaj Jehová te stalel jun yo'tan, te Ch'ul Dios yu'un Israel te la stsahate, xchi.

Isaías 9:7

Te ya xmuc'ub te cuentahinel yu'un soc te lamal q'uinal yu'une, mayuc slajibal ta shuctajib David soc ta ban c'alal scuentahinej; ha ya shach soc ya ya'be yip ta scuenta stojil chahpanel soc toj bin ay ta pasel ta ora ini soc ta sbahtel q'uinal. Ha ya sc'ohtes ta pasel ini te xut'et yo'tan te Jehová te scuentahinej spisil.

Salmos 72:8

Ya me scuentahin c'alal ta sti'il mar c'alal ta yan sti'il, soc ta muc'ul-ha' c'alal ta sti'il bahlumilal.

1 Reyes 22:47

Mayuc ajwalil ta Edom a, ha nax gobernador.

Números 23:8

¿Bin yu'un ho'on ya jbohlobtesbe sc'oblal te mach'a ma ba bohlobtesbot sc'oblal yu'un Dios? ¿Bin yu'un ya jbohlc'optay te mach'a ma ba bohlc'optaybil yu'un te Jehová?

Génesis 37:7

Yacotic ta stomticlanel ta chuquel trigo ta yohl q'uinal. Te jtohm trigo cu'un hahch, toj la stehc'an sba. Te jaytohm trigo awu'unic la sjoyobtayic te cu'une soc la snijan sbahic ta stojol, xchi.

Génesis 27:37

Te Isaac la yalbe te Esaú: La jcaq'uix te ha awajwal ya xc'oht, soc la jcaq'uix ya'batin spisil yermanotac; la jca'beyix trigo soc vino; ¿bin xan ya ca'bat ha'at, jnich'an? xchi.

Apocalipsis 19:16

Ay sbihil ts'ihbabil ta smuc'ul-c'u' soc ta scub: Ajwalil yu'un ajwaliletic soc principal yu'un principaletic, xchi.

San Mateo 25:45

Hich me ya xhalbotic: Jamal ya calbeyex, te bin ut'il ma ba la apasbe te mach'a mero peq'uel ay, ho'on ma ba la apasbonic abi, xchi me sc'oblalic.

San Mateo 25:40

Ya me xjac'botic yu'un te Ajwalil: Jamal ya calbeyex, te bin ut'il hich la apasbeyic te jtuhl quermano te peq'uel ay, ho'on me la apasbonic abi, xchi me sc'oblalic.

1 Crónicas 5:2

Ha toyol c'oht te Judá yu'un te yermanotac, ha príncipal c'oht ta stojolic, pero te bin scuenta te ba-alalil c'oht ta scuenta te José.

1 Reyes 4:21

Te Salomón la scuentahin spisil te yantic nacionetic c'alal ta muc'ul-ha' Éufrates ha to ta sq'uinal filisteohetic soc ta sti'il sq'uinal Egipto. La yich'beyic tal mahtaniletic soc la yac' sbahic ta a'batinel yu'un Salomón te jayeb c'ahc'al cuxule.

Génesis 25:33

La yal te Jacob: Halbon ta jamal ha'i c'ahc'al ini, xchi. Ha yu'un la yal ta jamal, hich la schombe te Jacob te sba-alalile.

Génesis 9:27

¡Ac'a tohyuc sc'oblal yu'un Dios te Jafet, ac'a snahimbe snahilpac' Sem, yan te Canaán ha ya'bat ac'a c'ohtuc! xchi sc'oblal.

Génesis 27:30

Lajel to yo'tan te Isaac ta ya'beyel bendición a te Jacob, loq'uel to bahel a te Jacob ta stojol te stat, hul tal ta nutsojel te Esaú te sbanquile.

Génesis 27:40

Ta scuenta te espada awu'un ya xcuxajat, soc yac awac' aba ta a'batinel yu'un te awihts'ine; pero te bin ora awich'ojix awip a, yac aloq'ues ta anuc' te yugo yu'une, xchi.

Génesis 37:10

La smelbe ya'iyic te stat soc te sbanquiltac; te stat utawan yu'un, hich la yalbe: ¿Bin a te wayichil te la awayichtay? ¿Yu'un bal ho'on ya xtal jquejan jba ta atojol soc anan, awihts'in soc abanquiltac? la yut.

Números 24:18

Ya yich' u'untayel Edom, ya yich' u'untayel Seir yu'un te scontra, yan te Israel muc' bintic ya spas.

Isaías 60:12

Como te nación o te ban c'alal cuentahimbil te ma ba ya yac' sba ta a'batinel awu'un ya me xch'ay bahel; spisil ya yich' jinel ta jc'axel.

Isaías 60:14

Te snich'nab te mach'atic la yuts'inex ya me xtal snijan sbahic ta atojol, spisil mach'atic la sp'ajex ya me xtal squejan sbahic ta ye'tal awoc; soc hich me ya ya'beyex abihilic: Pueblo yu'un Jehová, xchihic, soc: Sión yu'un te Ch'ul Dios yu'un Israel, xchihic ta atojol.