Génesis 27:19 - Bible in Tzeltal Bachajón

¹⁹ Ho'on te Esaú te aba-nich'anon. La jpasix tal te bin la awalbon. Hahchan, huhcana aba, ti'an te ti'bal la jtsacbat talel, scuenta yu'un yac awa'bon a te bendición, xchi.

Bible in Tzeltal de Oxchuc y Tenejapa

¹⁹ —Jo'on Esauon, te sba anich'anon. La jpasix te bi la awalbone. Jajch'an, najc'an aba, ti'a te ti'bal la quich'bat tele, yu'un ya me ac'anbon bendición —la yut.

Génesis 27:19 Referans Kwoze

Isaías 28:15

Hich la awalic: Jchapoj jc'optic soc te lajele, jchapoj jc'optic soc te muquenale. Te c'alal ya xtal tulan wocol ma ba ya stahotic; como ha cac'ojtic ta ahnibal cu'untic te lote, ya jnac' jbahtic ta stojol te bin ma meleluque, xchihex.

1 Reyes 14:2

Te Jeroboam hich la yalbe te yihnam: Bahan, lapa yan c'u'ul te ma xna'ot aba yu'un, scuenta yu'un hich ma ba ya xna'ot a te ha'at yihnamat Jeroboam, bahan ta Silo; como tey ay a te jalwanej Ahías te la yalbon te ho'on ya x'ochon ta ajwalil yu'un te nación.

Génesis 27:21

Te Isaac la yalbe te Jacob: Nohpojan tal ta jts'ehl, ya jpicat ca'iy teme melel te ha'at jnich'anat Esaú, xchi.

Génesis 27:4

Pasbon jwe'el hich te bin ut'il ya jmulan swe'el, ich'bon tal jwe', scuenta yu'un ya ca'bat hilel bendición te ma to xchamon, xchi.

Génesis 25:25

Ha tsajal alal te nahil ayin, soc scohtol ay stsotsel hich te bin ut'il nuhcul te ay stsotsele, Esaú sbihil c'oht yu'unic.

1 Reyes 13:18

Pero la sjac' te yane: Ha nix hichon jalwanejon yu'un Dios, hich te bin ut'il ha'at. Ay ch'ul a'bat te hich la yalbon ta scuenta smandar Jehová: Ic'a bahel ta we'el uch'el ta ana, xchi ta lot.

Génesis 25:28

Te Isaac ha c'ux ta yo'tan te Esaú, yu'un a'bot sti' te bin la stsac ta nutsojel. Yan te Rebeca ha c'ux ta yo'tan stuquel te Jacob.

Génesis 27:18

Hich baht te Jacob ta stojol te stat, hich c'oht yalbe: Talon, jtat, xchi. La' me. ¿Mach'ahat a, jnich'an? xchi te Isaac.

Génesis 27:31

Ha nix hich la spas buhts'an ti'bal, la yich' tal ta stojol te stat, hich la yalbe: Hahchan, jtat, ti'a te ti'bal la stsac tal te anich'an, scuenta yu'un yac awa'bon bendición, xchi.

Génesis 27:35

La yal te stat: Pero xtaluc slo'loyonix awihts'in, ha la yich'batix te abendición, xchi.

Génesis 27:45

Te c'alal lajix a te yilimba te abanquil ta atojol soc te ch'ayix ta yo'tan te bin la apasbe, ya jticonat ta iq'uel tal. ¿Bistuc ya xch'ayex cu'un achebalic ta junax c'ahc'al? xchi.