Génesis 26:7 - Bible in Tzeltal Bachajón

⁷ Te winiquetic tey a la sjoc'obeyic sc'oblal te yihname. La sjac' te Isaac: Ha quihts'in, xchi, como la xi' yalel te ha yihnam, yu'un la yal ta yo'tan te ya wan xmilot yu'un te winiquetic ta scaj te Rebeca, yu'un buen t'ujbil ants.

Bible in Tzeltal de Oxchuc y Tenejapa

⁷ Te winiquetic ayic tey a la sjojc'obeyic bi yutoj te ants sjoineje, ja' te yiname. La sjac' te Isaac: —Quijts'in-ach'ix —xi'. Yu'un la xi' te ya yalbey yaiy te bit'il yinam, melel la yal ta yo'tan teme ya xmilot yu'un te winiquetic ta scaj te Rebeca te melel buen t'ujbil ants.

Génesis 26:7 Referans Kwoze

Proverbios 29:25

Te xiwel ta stojol ants-winiquetic, ha yaquil c'ohem, yan te mach'a ha smuc'ulinej yo'tan te Jehová, canantaybil stuquel.

Génesis 20:2

Te Abraham la yal tey a te ha yihts'in te Sara. Ha yu'un te Abimelec ajwalil yu'un Gerar la sticon ta iq'uel te Sara.

Génesis 12:13

Ha yu'un ya me awal te quihts'inat scuenta yu'un lec ya xc'ohon soc cuxul ya xhilon ta acuenta, xchi.

Génesis 24:16

Buen t'ujbil ach'ix, ma to tabiluc ta winic. Co bahel ta sloq'uib ha', la snojes sq'uib, loc' talel.

Colosenses 3:9

Ma me xalotiy abahic, te bin ut'il la acholiquix loq'uel te apoco'-talelic soc te ya'tele,

Efesios 5:25

Winiquetic, c'ux me xawa'iy ta awo'tanic te awihnamic, hich te bin ut'il c'ux ta yo'tan Cristo te iglesia soc te la yac' sba ta lajel ta scuenta,

San Mateo 10:28

Ma xaxi'ic te mach'atic ya smilbeyex abaq'uetalic, te ma xhu' yu'un ya smilbeyex ach'uhlelic; ha me xaxi'ic te Mach'a ya xhu' ya slajin ta infierno te ach'uhlel soc abaq'uetal.

Génesis 20:5

¿Ma bal lajuc yalbon te ha yihts'in te ants, soc te laj yalbon te ants te ha sbanquil? Ha yu'un jun co'tan soc mayuc mulil ta jc'ab a la jpas ini, xchi.

Génesis 12:11

Te c'alal nopol ya xc'oht ta Egipto a, la yalbe te Sarai te yihname: Ya jna' te buen t'ujbil antsat.

Génesis 20:11

La sjac' te Abraham: La jcal ta co'tan: Melel li' ta lugar ini mayuc ta xi'el te Diose, ya me smilonic ta scaj quihnam.

Génesis 26:6

Ha yu'un te Isaac nahin ta Gerar.

Génesis 26:8

Te c'alal ayix bayel c'ahc'al te tey ay a, te Abimelec ajwalil yu'un te filisteohetic la yil ta ventana te Isaac yac ta smech'el te Rebeca te yihnam.

Génesis 29:17

Te Lea mayuc lec yip te site, yan te Raquel mero t'ujbil ta ilel stuquel.

Génesis 12:15

Ha nix hich te príncipaletic yu'un faraón la yilic soc la yalbeyic yutsil sc'oblal ta stojol te faraón. Hich ic'ot bahel ta sna faraón te antse.