Génesis 26:31 - Bible in Tzeltal Bachajón

³¹ Ta sab hahchic soc ay bin jamal la yalbe sbahic. Te Isaac la yac'ticlan bahel, hich lamal yo'tanic a suhtic bahel.

Bible in Tzeltal de Oxchuc y Tenejapa

³¹ Sab jajch'ic, la yalic ta stojol Dios te bit'il jc'axel c'ux ya yaiy sbaique. Jich la sc'oponic xan jilel te Isaac, jun yo'tan bajt'ic.

Génesis 26:31 Referans Kwoze

Hebreos 6:16

Te ants-winiquetic ay bin ya yalic ta jamal ta scuenta te mach'a toyol xan ay yu'unic, soc te bin la yich' halel ta jamal ya yac' ta na'el te ha melel, hich ya xlaj c'op abi.

1 Samuel 30:15

¿Ya bal awic'on bahel ta banti ayic te jpoj-biluquetique? xchi te David. Halbon ta jamal ta stojol Dios teme ma ba yac amilon o te yac awac'on ta sc'ab te cajwal, hich ya quic'at bahel ta banti ayic, xchi.

Génesis 31:44

La', ya jchap jc'optic ta jchebaltic te ya xtuhun scuenta seña cu'untic, xchi.

Génesis 25:33

La yal te Jacob: Halbon ta jamal ha'i c'ahc'al ini, xchi. Ha yu'un la yal ta jamal, hich la schombe te Jacob te sba-alalile.

1 Samuel 20:3

Te David la scha'hal xan ta jamal: Te atat sna'oj te lec awo'tan cu'un, hich wan ya yal: Ma me x'a'bot sna' ini te Jonatán scuenta yu'un ma ba ya smel yo'tan a, xchi. ¡Yiloj Jehová, soc cuxulat! jihm xanix ta ocal quiloj jba soc te lajele, xchi.

1 Samuel 14:24

Pero te winiquetic yu'un Israel ay swocolic ta hich ora, como te Saúl la yac' te ay bin ya yalic ta jamal te winiquetic, hich la yal: Bohlobuc me sc'oblal mach'ayuc a te ay bin ya swe' te ma to x'ihc'ub q'uinal a, te c'alal ma to ba ca'beyej spacol a te jcontrahe, xchi. Hich spisil te winiquetic mayuc bin la swe'ic.

Génesis 31:55

Ta sacubel q'uinal, hahch te Labán, la yuhts'uy hilel te smamatac soc te yantsil-nich'nab, la yac'ticlambe bendición, hich suht bahel ta slumal.

Génesis 22:3

Hich te Abraham buen sab hahch, la schahpan sburro, soc la yic' bahel cheb ya'bat soc te Isaac te snich'ane. La sch'uybe si'il te scohtol milbil mahtanil, hahch ta behel, baht ta banti halbot yu'un te Diose.

Génesis 21:23

Ha yu'un halbon ta jamal ta stojol Dios te mayuc bin ora yac acontrahinon soc jnich'nab soc te jts'umbal ta patil bahel. Hich te bin ut'il la jc'uxultayat te ha'ate, ha nix hich ya me ac'uxultayon soc te q'uinal te banti nahinemat ta ora ini, xchi.

Génesis 21:14

Hich buen sab hahch te Abraham, la yich' tal pan soc jun nuhcul yawil ha', la ya'be sq'uech bahel te Agar, soc la ya'be te yal, la sticon bahel soc. Hich loc' bahel, melmonel ta behel ta jochol taquin q'uinal Beerseba.

Génesis 19:2

hich la yal: Jtatiquetic, awocoluc conic ta sna te a'bat awu'un, yu'un yac apoc awoquic soc ya xwayex tey a, ta sab pajel ya xhahchex xan bahel, xchi. La sjaq'uic: Ma'uc, ya xwayotcotic ta calle ha'i ahc'abal ini, xchihic.

Génesis 14:22

Pero te Abram la sjac'be sc'op te ajwalil yu'un Sodoma: Jc'axel calojix ta jamal ta stojol Jehová te Dios te mero toyol ay, te la spas te ch'ulchan soc te bahlumilal,

Génesis 21:27

Hich te Abraham la yic' tal tuminchijetic soc wacaxetic, la ya'be te Abimelec; la schap sc'opic ta schebalic.

Génesis 26:32

Ha nix sc'ahc'alel a te tal te a'batetic yu'un Isaac, la yalbeyic sc'oblal te pozo te la shotic, hich la yalic: La jtahcotiquix ha', xchihic hulel.