Génesis 26:12 - Bible in Tzeltal Bachajón

¹² Te Isaac la sts'un sts'unub-yawal tey a; ha nix ta ha'bil la sc'ajbe ho'winic (100) buelta te site; a'bot bendición yu'un Jehová.

Bible in Tzeltal de Oxchuc y Tenejapa

¹² Te Isaac la sts'un yawal-sts'unub tey a. Lec a sitin c'ax ja'wil, yu'un bayal ac'bot bendición yu'un te Cajwaltique.

Génesis 26:12 Referans Kwoze

Génesis 26:3

Nahinan hich te bin ut'il jbehyom li' ta q'uinal ini. Ya joquinat soc ya ca'bat bendición, yu'un ya ca'bat aq'uinalin soc ats'umbal spisil te q'uinal ini, soc ya cac' c'ohtuc ta pasel te bin caloj ta jamal ta stojol te atat Abraham.

San Marcos 4:8

Pero ay c'oht ta lequil lum, la yac' sit, ay la yac' lajuneb scha'winic (30), ay la yac' oxwinic (60), ay la yac' ho'winic (100) buelta sit, xchi te Jesús.

Eclesiastés 11:6

Ta sab ts'umbeya sbac' te ats'unube, soc ta tibiltic ma xawa'be scux yo'tan te ac'abe, como ma xana' ban ay lec ya xc'oht, teme ha ini o ha te yane, o teme lec ya xc'oht schebalic.

Salmos 67:6

Ya me yac' sit te bin ya xcol ta q'uinal; ya me ya'botic bendición te Diose, ha te Dios cu'untique.

Génesis 24:35

Bayel bendición a'bibil yu'un Jehová te cajwal, soc muc'ubtesbot sc'oblal yu'un; a'bot tuminchijetic, wacaxetic, plata soc oro, a'bat ants-winiquetic, camellohetic soc burrohetic.

Génesis 24:1

Mamalix te Abraham, ayix bayel ya'bilal a; a'botix bayel bendición yu'un Jehová ta stojol spisil.

1 Corintios 3:6

Ho'on la jts'un, te Apolos la ya'be ya'lel, pero Dios la yac' ch'ihyuc.

Zacarías 8:12

Yu'un ya yich' ts'umbeyel lamal q'uinal: ya me yac' sit te sts'usubilic, ya sitin te awal-ts'unubil ta q'uinal, soc ya yac' sts'ujulel te ch'ulchan; ya ca'be yu'untayic spisil ini te mach'atic hilemic yu'un te pueblo.

Job 42:12

Te Jehová c'ax hich la ya'be bendición a te Job te bin ut'il ay ta nahil to. Ay jpic soc ho'lajunbahc' (14,000) tuminchijetic, ho'lajunbahc' (6,000) camellohetic, lajunwinic yoxbahc' (1,000) ta chahp j'a'tel-wacaxetic, soc lajunwinic yoxbahc' (1,000) me' burrahetic.

Génesis 30:30

Mayuc tsobol awu'un a te c'alal hulon talel, pero bayel p'ohlemiquix; te Jehová la ya'batix bendición ta jcuenta. Ta ora ini ¿bin ora ya x'a'tejon ta scuenta te mach'atic ay cu'un ta jna? xchi.

San Mateo 13:8

Pero ay c'oht ta lequil lum, la yac' sit, ay la yac' ho'winic (100), ay la yac' oxwinic (60), ay la yac' lajuneb scha'winic (30) ta p'ij te site.

Salmos 72:16

Ayuc me bayel trigo ta lumq'uinal, ta baba witsetic; ac'a yac' sit hich te bin ut'il ta Líbano; te mach'atic ayic ta pueblo hich ac'a nichinuc te bin ut'il ha'maletic ta lumq'uinal.

San Mateo 13:23

Yan te ts'unubil te c'oht ta lequil lum, ha sc'oblal te mach'a ya ya'iy soc ya xc'oht ta yo'tan te c'ope; ya yac' sit ta ho'winic (100), ta oxwinic (60) o ta lajuneb scha'winic (30), xchi te Jesús.

Génesis 26:29

ha te ma ba yac apasbotcotic bin chopol, hich te bin ut'il mayuc bin chopol la jpasbatcotic, te ha nax la jpasbatcotic te bin lec soc lamal q'uinal la jticonatcotic bahel. Ta ora ini a'botat bendición yu'un Jehová, xchihic.

Proverbios 10:22

Te bendición yu'un Jehová ya yac' c'ulejalil, soc ma ba ya yac' mel-o'tan.

Génesis 25:11

C'alal chamenix a te Abraham, Dios la ya'be bendición te Isaac te snich'an. Tey nahin ta pozo ‘Te mach'a cuxul te ya yilon’ te xchi sbihile.