Génesis 25:8 - Bible in Tzeltal Bachajón

⁸ Quehchaj yich'bel ic', cham te Abraham, mamalubenix ta lec, bayelix ya'bilal a; la sjoquin ta muquenal te sme'state.

Bible in Tzeltal de Oxchuc y Tenejapa

⁸ Mero mamalix a te Abraham te laje. Mamalub ta lec soc ac'bot najt' yorail. Jich ba sjoin te mach'atic neel lajemic yu'une.

Génesis 25:8 Referans Kwoze

Génesis 49:33

Te c'alal laj yo'tan te Jacob ta yalbeyel mandar te snich'nab, la smehtsan sba ta swayib, quehchaj yich'bel ic', cham.

1 Crónicas 29:28

Mero mamalix a cham, bayel sc'ulejal soc yutsilal. Ha la sjelolin ta ajwalil te Salomón te snich'ane.

Génesis 15:15

Yan te ha'ate lamal awo'tan a yac atsob aba soc te chawinic ame'atat, mamalatix a yac awich' muquel.

Job 42:17

Mero mamalix a te cham te Job.

Génesis 25:17

Te Ismael huclajuneb shucwinic (137) ha'bil cuxaj; hich quehchaj yich'bel ic', cham, la sjoquin ta muquenal te sme'state.

Hechos 13:36

Melel te jayeb ha'bil te David la spas te bin lec yo'tan yu'un Dios ta stojol te jcaj ts'umbalil yu'un, cham, mucot ta banti mucul sme'stat, soc c'a' sbaq'uetal stuquel.

Proverbios 20:29

Te yutsilal te queremetic, ha te yipic, te st'ujbilal te mamaletic, ha te sacal sjolic.

Job 5:26

Mamalatix soc ay awip a ya xbahat ta muquenal, hich te bin ut'il tombil trigo te ya xtsobot ta yorahil.

Jueces 8:32

Mamalix a cham te Gedeón snich'an Joás, la yich' muquel ta smuquenal Joás te stat te ay ta Ofra yu'un te abiezeretic.

Génesis 25:7

Ho'lajuneb sbalunwinic (175) ha'bil cuxaj te Abraham.

Hechos 5:10

Ora puch' ta lum ta stojol yoc te Pedro, toj chamel. C'alal ochic talel te jcolel queremetic, chamenix a c'oht stahic; hich la sloq'uesic, baht smuquic ta banti ay te smamalal.

Génesis 49:29

Ta patil hich la spasticlan ta mandar: Ya xchamonix. Ya me amuconic ta banti mucul te jme'jtatic ta ch'en te ay ta sq'uinal Efrón te heteo-winic,

Hechos 12:23

Ora ehchentesot yu'un ch'ul a'bat yu'un Cajwaltic te Herodes ta scaj te ma ba la yalbe yutsilal te Diose; tohc schanul, cham yu'un.

Hechos 5:5

C'alal hich la ya'iy te Ananías, puch' bahel ta lum, toj chamel. Spisil te mach'atic la ya'iyic bayel xiwic yu'un.

Jeremías 6:11

Ha yu'un nojel co'tan ta yilimba Jehová, luhbenonix yu'un scomel jba. La yal te Jehová: Mala bahel ta stojol te alaletic ta calle soc ta stojol te queremetic banti stsoboj sbahic; como ya me yich'ic chuquel te winiquetic soc yihnamic, te mamaletic soc te mach'atic c'ax mamalixe.

Jueces 2:10

Soc ha nix hich chamic spisil te mach'atic pajal scolelic soc; pero te patil al-nich'anetic ma ba la sna'beyic sba te Jehová soc te bintic la spas ta stojol Israel.

Números 27:13

Teme la awilixe, ha nix hichat ya xchamat, hich te bin ut'il te abanquil Aarón.

Números 20:24

Ya xchamix te Aarón. Ma ba ya x'och bahel tey ta q'uinal la jca'be te snich'nab Israel, como ha'ex la atoy abahic ta sc'axuntayel jmandar ta banti sloq'uib ha' Meriba.

Génesis 35:18

C'alal nopol ya xloc' sch'uhlel a te Raquel (como cham stuquel), la ya'be sbihilin Benoni. Yan te stat la ya'be sbihilin Benjamín.

Génesis 37:35

Tal ta muc'ubtesbeyel q'uinal ya'iy yu'un spisil te squerem-nich'nab soc yantsil-nich'nab, pero ma ba la sc'an muc'ubtesbeyel q'uinal ya'iy. Hich la yal: Oq'uel ya ca'iy a ya xbohon ta yawil chamen winiquetic te banti ay te jnich'ane, xchi. Hich bayel oq'uetayot yu'un te state.

Deuteronomio 32:50

Tey ya xchamat a ta wits te banti ya xmohat bahel, yac atsobix aba soc mach'atic ay awu'un, hich nix te bin ut'il cham te abanquil Aarón ta wits Hor, te baht stsob sba soc mach'atic ay yu'un.

Génesis 50:13

la yich'beyic bahel sbaq'uetal ta sq'uinal Canaán, la smuquic hilel ta muquenal ch'en ta sq'uinal Macpela te ay ta stojol banti ya xloc' tal c'ahc'al yu'un Mamre, ha te ch'en soc te q'uinal te Abraham la smambe te Efrón te heteo-winic scuenta muquenal.

1 Crónicas 23:1

C'alal mamalix a te David, la yotses ta ajwalil yu'un Israel te Salomón te snich'ane.

2 Crónicas 24:15

Pero mamalub te Joiada, mero mamalix a cham, ay lajuneb shucwinic (130) ya'bilal a.

Job 41:32

Saclimlim ya xhil yu'un te ha' te banti ya xbaht, hich c'ohem te sac sjol te sc'ubulil mar.