Génesis 24:3 - Bible in Tzeltal Bachajón

³ ya jc'an te yac awal ta jamal ta stojol Jehová, te Dios yu'un te ch'ulchan soc te Dios yu'un te bahlumilal, te ma ba yac alehbon yihnam te jnich'an ta stojol te yantsil-nich'nabic te cananeohetic te ayon ta yohlilique.

Bible in Tzeltal de Oxchuc y Tenejapa

³ ya me awalbon ta stojol te Cajwaltic, te Dios yu'un ch'ulchan soc balumilal, te bit'il ma ba tey ya alebon yinam jnich'an te bay yantsil-nich'anic te cananeoetic te ayon ta yolilique.

Génesis 24:3 Referans Kwoze

1 Corintios 7:39

Te ants te nuhpunem, chucbil ta scuenta ley te c'alal cuxul te smamalal; pero teme cham te smamalal, libre ay teme ya xcha'nuhpun xan soc te mach'a ya sc'an ya xnuhpune, ha nax teme ta scuenta te Cajwaltique.

Nehemías 13:25

La jtijticlan ta c'op, la jcalbe chopol sc'oblalic, la jmajticlan, la jbulticlambe stsotsel sjolic, soc la jcaq'uic ta yalel ta jamal ta stojol Dios, soc hich la jcalbe: Ma me xawa'beyic te awantsil-nich'anic te snich'nabic, soc ma me xawic'beyic yantsil-nich'nabic yu'un te aquerem-nich'anic, soc ha nix hichex ma me xawiq'uic.

Génesis 28:8

Soc la yil te Esaú te ma lecuc yo'tan te stat yu'un te cananea-antsetique.

Jeremías 10:11

Hich me xawalbeyic: Te diosetic te ma ba la spasic te ch'ulchan soc te bahlumilal, ya me xch'ayic ta jc'axel ta bahlumilal soc ta ye'tal ch'ulchan, xchihat.

2 Reyes 19:15

Hich la yal ta sc'oponel Jehová te Ezequías: Jehová, Dios yu'un Israel, te huculat ta yohlil te querubinetic, ha'at nax Diosat atuquel ta stojol spisil te ajwaliletic ta bahlumilal, ha'at la apas te ch'ulchan soc te bahlumilal.

Éxodo 34:16

o yac awa'be yic' yihnamin te aquerem-nich'nab te yantsil-nich'nabic, soc te c'alal te yantsil-nich'nabic ya yac' sbahic ta antsinel c'ohem yu'un te diosetic yu'unic, ya me yaq'uic te ha nix ya yantsin sbahic c'ohem te aquerem-nich'anic soc te diosetic yu'unique.

Nehemías 9:6

Ha'at nax atuquel Jehová; ha'at la apas te ch'ulchan soc stoyolil te ch'ulchan, soc spisil te bintic ay tey a, te bahlumilal soc spisil bintic ay tey a, te maretic soc spisil bintic ay tey a. Ha'at yac awa'be scuxlejal spisil ini, soc spisil bintic ay ta ch'ulchan ya sch'uhuntayat.

2 Crónicas 2:12

Soc hich la yal xan: Bayel me yutsil te Jehová, te Dios yu'un Israel, te la spas te ch'ulchan soc te bahlumilal, soc te la ya'be te ajwalil David jtuhl snich'an te ay sp'ijil yo'tan, te ya sna' soc stsahtayel spisil, te ha ya spas na yu'un te Jehová soc muc'ul na yu'un ajwalil.

Josué 2:12

Ha yu'un ya calbeyex wocol yo'tic te yacuc awalbonic ta jamal ta stojol Jehová te hich te bin ut'il la awich'ic c'uxultayel cu'un te ha'exe, ha'uc ni me hich yac ac'uxultaybon te mach'atic ay yu'un te jtate. A'bon quil señahil te hichuc ya xc'oht ta pasel awu'unic,

Deuteronomio 10:20

Ich'a ta muc' te Jehová te Dios awu'un, ha nax me xawac' aba ta a'batinel yu'un. Ha me xat'un bahel stuquel, soc ha ta scuenta sbihil te ay bin jc'axel yac awal ta jamal.

Deuteronomio 6:13

Ich'a ta muc' te Jehová te Dios awu'un, ha nax me xawac' aba ta a'batinel yu'un, soc ha nax ta scuenta sbihil te jc'axel ay bin yac awal ta jamal.

Números 5:21

(te sacerdote ya me yal ta stojol te ants te bohlobtesbeyel c'oblalil ini): Te Jehová ac'a yac' te bohlubuc ac'oblal ya xc'ohat ta yohlil te pueblo awu'un, te Jehová ac'a yac' lewts'ujuc acub soc siht'uc ach'uht;

Éxodo 23:13

Ich'a ta cuenta spisil te bintic la jcalbeyexe. Ma me xawalbeyic sbihil yantic diosetic, ma me xloc' ta awe'ic.

Éxodo 20:7

Ma me xatojoltabe ta halel sbihil te Jehová te Dios awu'un, como te Jehová ma ba ya yal te mayuc smul te mach'a ya stojoltabe ta halel te sbihile.

Génesis 50:25

Te José hich la yac'ticlan ta yalel ta jamal te snich'nab Israel: Dios me ya xtal scoltayex, ha yu'un ya me awich'bonic bahel te jbaquele, xchi.

Génesis 27:46

Te Rebeca hich la yalbe te Isaac: Wocol cuxulon ta scaj te yantsil-nich'nab Het. Teme Jacob ya yic' yihnamin jtuhl sts'umbal Het, ha te ach'ixetic yu'un te q'uinal li'i, tojol te cuxulon, xchi.

Génesis 21:23

Ha yu'un halbon ta jamal ta stojol Dios te mayuc bin ora yac acontrahinon soc jnich'nab soc te jts'umbal ta patil bahel. Hich te bin ut'il la jc'uxultayat te ha'ate, ha nix hich ya me ac'uxultayon soc te q'uinal te banti nahinemat ta ora ini, xchi.

Génesis 14:19

soc la ya'be bendición te Abram, hich la yal: Bayeluc me yutsil sc'oblal te Abram yu'un te Dios te mero toyol ay, ha te mach'a la spas te ch'ulchan soc te bahlumilal:

Génesis 6:4

Ha yorahil a te ay muc'ul nahtil ants-winiquetic ta bahlumilal, soc nix ta patil te c'alal la sta sbahic te snich'nab Dios soc te yantsil-nich'nab ants-winiquetic, te ayin yal-snich'nabic. Ha'ic te mach'atic ich'bilic ta muc' te puhquem sc'oblalic ta namey.

Génesis 6:2

te yal-snich'nab Dios la yilic te buen t'ujbilic te yantsil-nich'nab ants-winiquetic, hich la yic' yihnaminic te banti la smulanique.

Hebreos 6:16

Te ants-winiquetic ay bin ya yalic ta jamal ta scuenta te mach'a toyol xan ay yu'unic, soc te bin la yich' halel ta jamal ya yac' ta na'el te ha melel, hich ya xlaj c'op abi.

Sofonías 1:5

Ya jlajin te mach'atic ya squejan sbahic ta sba sna ta sch'uhuntayel te bayel eq'uetic ta ch'ulchan, te mach'atic ya squejan sbahic yu'un ay bin ya yalic ta jamal ta scuenta Jehová soc yu'un ay bin ya yalic ta scuenta Milcom;

Jeremías 12:16

Teme smelelil ya snopbeyic sbe te pueblo cu'un, soc teme ya yalic ta jamal ta scuenta jbihil: Cuxul Jehová, te xchihique, hich te bin ut'il a'bot snopic te pueblo cu'un te ya yalic ta jamal ta scuenta Baal, ya me yich' yipic ta yohlil te pueblo cu'une.

Jeremías 4:2

soc teme smelelil, stojil soc ta scuenta bintic lec ta pasel hich yac awal ta jamal: Cuxul Jehová, teme xchihexe, hich te nacionetic ya me yich'ic bendición yu'un Dios soc ya me yalbeyic yutsil sc'oblal, xchi.

Isaías 65:16

Mach'ahuc a te ya yac' bendición, ha ya spas ta scuenta te Dios yu'un te bin smelelil; soc mach'ahuc a te ay bin ya yal ta jamal, ha ya spas ta scuenta te Dios yu'un te bin smelelil; como te wocoletic te c'axemiquix ya xch'ay ta o'tanil soc ma ba chicanix ta ilel cu'un.

Isaías 48:1

A'iya awa'iyic ini, ha'ex yu'unex Jacob, te abihilinej Israel, te ha sts'umbalex Judá, te ay bintic yac awalic ta jamal ta scuenta sbihil Jehová, soc te yac ac'oponic te Dios yu'un Israel, pero ma ba smelelil soc ma stojiluc.

Isaías 45:23

Ho'onix hich la jcal ta jamal, loc' tojil-c'op ta que te ma xlajimbot sc'oblal: Ya me squejan sbahic ta jtojol spisilic, spisilic ya me yalic ta jamal ta jcuenta, xchihon.

Salmos 115:15

Ac'a ya'beyex bendición te Jehová, te spasoj ch'ulchan soc bahlumilal.

1 Samuel 20:17

Te Jonatán la ya'be ya yal ta jamal yan buelta te David, yu'un hich c'ux ta yo'tan te bin ut'il c'ux ya ya'iy sba.

Levítico 19:12

Ma me ayuc bin jc'axel yac awalic ta jamal ta lot te yac atahbonic ta halel jbihil a, te hich yac ajimbe sc'oblal a te sbihil te Dios awu'unique. Ho'on, Jehovahon.

Éxodo 22:11

ya me yalic ta jamal ta stojol Jehová schebalic te ma ha'uc la yich'be te sbiluc te spat-xuhque; hich ya xc'oht ta yo'tan te yajwal, soc mayuc bin ya stoj te yane.

Génesis 14:22

Pero te Abram la sjac'be sc'op te ajwalil yu'un Sodoma: Jc'axel calojix ta jamal ta stojol Jehová te Dios te mero toyol ay, te la spas te ch'ulchan soc te bahlumilal,

Génesis 24:7

Te Jehová, te Dios yu'un te ch'ulchan, te la yic'on loq'uel tal ta sna te jtat soc ta slumal te quermanotac, te la sc'oponon soc te hich la yalbon ta jamal: Ya ca'be ats'umbal te q'uinal ini, te xchihe, ya sticon te ch'ul a'bat yu'un te ya xnahilij bahel awu'un, yu'un tey ya xc'oht alehbe yihnam a te jnich'ane.

Génesis 28:1

Ha yu'un te Isaac la sticon ta iq'uel te Jacob, la ya'be bendición soc la spas ta mandar, hich la yalbe: Ma me xawic' awihnamin yantsil-nich'nab te cananeohetique.

Génesis 47:31

Halbon ta jamal, xchi te Israel. Hich la yal ta jamal te José. Hich te Israel la snijan sba ta sjol swayib.

Jueces 14:3

Pero halbot yu'un te sme'state: ¿Yu'un bal mayuc ach'ix yu'un awermanotac o ta spisil te jlumaltic, te ya xbaht awic' awihnamin yantsilel te filisteohetic te ma ba yich'ojic circuncisión? xchi. Te Sansón la sjac'be sc'op te stat: C'ambon te ach'ix, yu'un ya jmulan, xchi.

Salmos 136:26

¡Halbeyahic wocol te Dios yu'un te ch'ulchan, como sbahtel q'uinal ay te sc'uxul yo'tane!

Génesis 34:9

Ha lec te talel c'axel ya yic' sbahic te cal-jnich'antic; yac awa'botcotic awantsil-nich'anic soc yac awiq'uic te cantsil-nich'ancotique.

Génesis 38:2

Te Judá la yil tey a te yantsil-nich'an jtuhl cananeo-winic Súa sbihil; la yic' soc la sta sba soc.

1 Samuel 30:15

¿Ya bal awic'on bahel ta banti ayic te jpoj-biluquetique? xchi te David. Halbon ta jamal ta stojol Dios teme ma ba yac amilon o te yac awac'on ta sc'ab te cajwal, hich ya quic'at bahel ta banti ayic, xchi.

Esdras 5:11

Pero hich la suhtic te jc'opcotic: Ho'otcotic, a'batotcotic yu'un te Dios yu'un te ch'ulchan soc bahlumilal, soc yac jcha'pasbelcotic te Templo te ayix bayel ha'bil la yich' pasel, te hu' yu'un spasel jtuhl ajwalil yu'un Israel.

Jeremías 29:6

Nuhpunanic soc ayuc me aquerem-nich'nabic soc awantsil-nich'nabic; nuhpuntesahic aquerem-nich'nabic soc awantsil-nich'nabic scuenta yu'un ha nix hich ay squerem-nich'nabic soc yantsil-nich'nabic. P'ohla abahic tey a, ma me xpehc'aj awahtalulic.