Génesis 24:27 - Bible in Tzeltal Bachajón

²⁷ hich la yal: Bayel yutsil sc'oblal te Jehová te Dios yu'un te cajwal Abraham, te ma ba la yihquitay te sc'uxul yo'tan soc te smelelil sc'op ta stojol te cajwal, te la stojobteson tal ta sbehlal te sna yermanotac te cajwal, xchi.

Bible in Tzeltal de Oxchuc y Tenejapa

²⁷ jich la yal: —Bin nax awutsil, Cajwal te Diosat yu'un te cajwal Abraham, te jun awo'tan la ac'uxtaybon te cajwale. La atojteson tel ta be, la awic'on tel li'to ta sna te yermanotac te cajwale —xi'.

Génesis 24:27 Referans Kwoze

Génesis 24:48

Soc la jquejan jba ta yalbeyel wocol te Jehová; la jcalbe yutsilal sc'oblal te Jehová te Dios yu'un te cajwal Abraham te bin ut'il la stojobteson ta be ta sc'ambeyel te yantsil-nich'an snich'ajun te cajwal yu'un ya yihnamin te snich'ane.

Salmos 98:3

La sna' te sc'uxul yo'tan soc te stalel jun yo'tan ta stojol te sna Israel; spisil c'alal sti'il bahlumilal yilojic te colel yu'un te Dios cu'untique.

Génesis 32:10

¡peq'uel ayon ya ca'iy yu'un spisil te c'uxultayel awu'un soc te stalel jun awo'tan ta stojol te a'bat awu'une! Ha nax quich'oj jnahbate' te c'alal c'axon bahel ta muc'ul-ha' Jordán, yo'tic cha'tsohb loq'uemonix a.

Génesis 24:12

Hich la yal: Jehová, Diosat yu'un te cajwal Abraham, ya calbat wocol te yacuc acoltayon yo'tic, soc yacuc ac'uxultaybon te cajwal Abraham.

1 Samuel 25:32

Te David hich la yalbe te Abigail: Bayel me yutsil te Jehová te Dios yu'un Israel te la sticonat tal atahbelon ta be yo'tic.

Rut 4:14

Te antsetic hich la yalbeyic te Noemí: Bayel me yutsil te Jehová te la yac' te ay mach'a ma yanuc parte awu'un te ya scoltayat; muc' me sc'oblal sbihil ac'a c'ohtuc ta Israel te alale.

Éxodo 18:10

Hich la yal te Jetro: Bayel me yutsil sc'oblal te Jehová te la scoltayex loq'uel tal ta sc'ab te egipciohetic soc ta sc'ab faraón, te la yac' ta libre te pueblo ta sc'ab te egipciohetique.

San Lucas 1:68

Bayel yutsil te Cajwaltic, te Dios yu'un Israel, yu'un tal swehtesbe scolel te pueblo yu'une.

Proverbios 3:6

Ta spisil te bintic yac apas, na'a me te Jehová, ha ya stojobtesbat te behetic awu'un.

Salmos 100:5

Como lec yo'tan te Jehová, sbahtel q'uinal ay te sc'uxul yo'tan, soc stalel jun yo'tan ta stojol cajalcaj ts'umbalil.

2 Samuel 18:28

Te Ahimaas la yawtay te ajwalil: Lamal me q'uinal, xchi. La squejan sba ta lum ta stojol te ajwalil soc hich la yalbe: Bayel me yutsil te Jehová te Dios awu'un, la yaq'uix ta c'abal te winiquetic te la shach sc'abic ta stojol te ajwalil cu'uncotic, xchi.

1 Timoteo 1:17

Ha yu'un ac'a ich'ec ta muc' soc ayuc me yutsil sc'oblal sbahtel q'uinal te Ajwalil te sbahtel q'uinal ay, te stalel cuxul, te ma chicanuc ta ilel, te ha nax Dios stuquel. Hichuc.

Efesios 1:3

Bayeluc me yutsil sc'oblal Dios te Stat te Cajwaltic Jesucristo, te ha ta scuenta Cristo ya'beyejotic spisil ta chahp bendicionetic te ayic ta ch'ulchan.

San Juan 1:17

como te Ley ha a'bot ta scuenta Moisés, yan te yutsil-o'tanil soc te smelelil c'op talic ta scuenta Jesucristo.

Miqueas 7:20

Stalel junuc me awo'tan ta stojol Jacob, soc ya me ac'uxultay te Abraham, hich te bin ut'il la awal ta jamal ta namey ta stojol te me'iltatiletic cu'uncotique.

Proverbios 8:20

Ya xbehenon ta toj be, ta sbehlal te bin toj ta pasel,

Salmos 68:19

¡Bayel yutsil te Cajwaltic! ¡Jujun c'ahc'al ya yich'botic quihcatstic te Dios te Jcoltaywanej cu'untique! Selah

1 Samuel 25:39

C'alal la ya'iy te David te chamix te Nabal, hich la yal: Bayel yutsil te Jehová te la spacbon jc'abal yu'un te la yac'on ta q'uexlal te Nabal, soc la scom te ya'bat ta spasel te bin chopole. Te Jehová la yac' c'ohtuc ta stojol Nabal te schopolile, xchi. Patil te David la sticon ta halbeyel te Abigail te ya sc'an ya yic' yihnamin.

Éxodo 2:13

Ta yan c'ahc'al cha'loc' bahel, la yil cheb hebreohetic yac smajbel sbahic. La sjoc'obe te mach'a yac ta majaw: ¿Bin yu'un yac amaj aba soc alumal? xchi.

Éxodo 2:11

C'alal muq'uix a te Moisés, ay jun c'ahc'al baht yil te yermanotac. La yil te ayic ta tulan a'tel; soc la yil jtuhl egipcio-winic te yac ta smajel jtuhl hebreo-winic te ha jun sts'umbal soque.

Génesis 24:42

Ha yu'un nax hulon ta pozo, hich la jcal: Jehová, Diosat yu'un te cajwal Abraham, teme yac awac' te lec ya xc'oht te behel cu'une,

Génesis 24:21

Te winic xcham yo'tan yu'un te ach'ixe, ma ba c'opoj, yu'un la sc'an ya yil teme Jehová yac'oj te ay scuentahil te namal behel yu'une.

Génesis 24:4

Ya me xbahat ta jlumal ta banti ay quermanotac, tey ya xc'oht alehbon yihnam a te jnich'an Isaac, xchi.

Génesis 14:20

soc bayeluc me yutsil sc'oblal te Dios te mero toyol ay, te la ya'batix ta ac'ab te acontratac, xchi. Te Abram la ya'be smahtanin te Melquisedec jun ta slajunebal spisil te sbiluque.

Génesis 13:8

Ha yu'un te Abram la yalbe te Lot: Ma me jcontrahin jbahtic ni ha'uc te jcanan-chambahlametic cu'untic, como quermano jbahtic.

Génesis 9:26

Soc la yal xan: ¡Te Jehová te Dios cu'un, ac'a ya'be bendición te Sem, yan te Canaán ha ya'bat ac'a c'ohtuc!

Génesis 32:11

Coltayawon loq'uel ta sc'ab te jbanquil Esaú, yu'un ya jxi' te ya xtal smilon soc te alaletic soc te snanique.

Éxodo 34:6

Te Jehová c'ax bahel ta stojol Moisés soc hich la yal: ¡Jehová! ¡Jehová! te ay bayel sc'uxul yo'tan soc te ay yutsil yo'tan, ma orahuc ya x'ilin, mero muc' sc'uxul yo'tan soc stalel jun yo'tan,