Génesis 24:26 - Bible in Tzeltal Bachajón

²⁶ Te winic la squejan sba, la yalbe wocol te Jehová,

Bible in Tzeltal de Oxchuc y Tenejapa

²⁶ Te winic la squejan sba ta yalel wocol te Diose,

Génesis 24:26 Referans Kwoze

Génesis 24:48

Soc la jquejan jba ta yalbeyel wocol te Jehová; la jcalbe yutsilal sc'oblal te Jehová te Dios yu'un te cajwal Abraham te bin ut'il la stojobteson ta be ta sc'ambeyel te yantsil-nich'an snich'ajun te cajwal yu'un ya yihnamin te snich'ane.

Éxodo 4:31

La sch'uhun yo'tanic te pueblo, soc c'alal la ya'iyic te Jehová ya sna'be yo'bolil sbahic te snich'nab Israel soc yac yilbel te swocolic, la snijan sbahic soc la sch'uhuntayic.

Génesis 24:52

C'alal la ya'iy te ya'bat Abraham te bin la yalic, la spahcan sba ta lum ta stojol Jehová.

Éxodo 12:27

ya me ajaq'uic: Ha te milbil mahtanil yu'un te Pascua yu'un Jehová te sohl bahel ta sba te nahetic yu'un te snich'nab Israel ta Egipto te c'alal la yehchentes te egipciohetic, pero hil yu'un te jnatique, xchi. Hich te pueblo la snijan sbahic soc la yich'ic ta muc' te Diose.

Filipenses 2:10

scuenta yu'un ta sbihil Jesús ya me squejan sbahic spisil mach'atic ayic ta ch'ulchan, ta bahlumilal soc ta ye'tal bahlumilal,

Miqueas 6:6

¿Bin quich'oj ya xtalon ta stojol Jehová soc ya jch'uhuntay te Dios te mero toyol ay? ¿Ya bal jtehc'an jba ta stojol soc scohtol chic'bil mahtanil, soc wacaxetic te jun ya'bilalique?

Salmos 95:6

La'ic, ya jquejan jbahtic ta stojol, ya jch'uhuntaytic, ac'a jquejan jbahtic ta stojol Jehová, te Jpaswanej cu'untic,

Salmos 72:9

Te mach'atic nahinemic ta jochol taquin q'uinal ya me squejan sbahic ta stojol, soc ya me sleq'uic ts'u'lum te scontratac.

Salmos 66:4

Spisil mach'atic ayic ta bahlumilal ya sch'uhuntayat, ya sc'ayojtayat, ya sc'ayojtaybat abihil, xchihanic me ta stojol. Selah

Salmos 22:29

Ya me xwe'ic soc ya me sch'uhuntayic spisil mach'atic ay yipic ta bahlumilal; ya me squejan sbahic ta stojol spisil mach'atic ya xcohic bahel ta ts'u'lum, ha te mach'atic ma xhu' yu'unic scanantayel scuxlejalic.

Nehemías 8:6

Te Esdras la yalbe yutsilal te Jehová, te muc' Dios. Spisil te pueblo la shach mohel sc'abic, hich la sjaq'uic: ¡Hichuc! ¡Hichuc! xchihic; soc la squejan sbahic, la snijan sbahic c'alal ta lum ta sch'uhuntayel te Jehová.

2 Crónicas 29:30

Te ajwalil Ezequías soc te príncipaletic la yalbeyic te levitahetic te yacuc yalbeyic yutsil sc'oblal Jehová ta c'opetic yu'un David soc te jalwanej Asaf. Bayel yutsil yo'tanic c'ayojinic, la snijan sbahic ta sch'uhuntayel.

2 Crónicas 20:18

Ha yu'un te Josafat la snijan sba c'alal ta lum, ha nix hich spisil Judá soc te mach'atic nahinemic ta Jerusalén la squejan sbahic ta stojol Jehová ta sch'uhuntayel.

1 Crónicas 29:20

Patil te David hich la yalbe spisil te pueblo: Halbeyahic yutsilal te Jehová te Dios awu'unic, xchi. Ha yu'un spisil te pueblo la yalbeyic yutsilal te Jehová te Dios yu'un te sme'static, la squejan sbahic ta stojol te Jehová soc ta stojol te ajwalil.

Éxodo 34:8

Ha yu'un te Moisés ora nax la snijan sba c'alal ta lum soc la sch'uhuntay.

Génesis 22:5

Ha yu'un hich la yalbe te a'batetic yu'une: Mahliyawonic li' soc te burro, lum to ya xbohon soc te quereme, ya xbaht quich'cotic ta muc' te Diose, patil ya suhtotcotic talel, xchi.

Génesis 24:25

Soc la yal xan: Ay ac soc bayel ha'mal, soc ay lugar banti ya xwayat, xchi.

1 Samuel 1:28

Ha yu'un hich nix ya ca'be te Jehová. Te jayeb c'ahc'al cuxul, ha me yu'un stuquel te Jehová, xchi. Tey la squejan sba ta sch'uhuntayel te Jehová.

Jueces 7:15

Te Gedeón c'alal la ya'iybe sc'oblal te wayichil soc te bin scuentahile, la squejan sba ta stojol Dios. Patil suht bahel ta campamento yu'un Israel soc la yal: Hahchanic, como te Jehová la ya'beyexix ta ac'abic te campamento yu'un Madián, xchi.