Génesis 24:14 - Bible in Tzeltal Bachajón

¹⁴ Ac'a te mach'a ach'ixil te ya calbe: Awocoluc, cohtesa aq'uib yu'un ya cuch'bat awa'al, teme ya cute, teme ya sjac': Uch'an hiche, soc ya ca'be yuch' ha' te camellohetic awu'un, teme xchihe, ha'uc me te mach'a atsahojix yu'un te awa'bat Isaac. Hich ya jna' a te yac ac'uxultaybon te cajwal, xchi.

Bible in Tzeltal de Oxchuc y Tenejapa

¹⁴ te mach'a ach'ixil te ya calbey: “Wocoluc, cojt'esbon te aq'uibe, yu'un ya jc'anbat cuch' te awa'ale”, teme ya cute, “Uch'a jiche, soc ya cac'bey yuch'ic te acamelloe”, teme xie, ja'uc me te mach'a tsabil awu'un te ja' yinam ya xc'ot te awabat Isaaque. Jich me ya jna' stojol te yu'un nix ya ac'uxtaybon a te cajwale —xi'.

Génesis 24:14 Referans Kwoze

Jueces 6:37

ilawil, ya cac' stsotsel tuminchij ta swuyojibal trigo; teme ha nax ay ts'ujul ta stsotsel, teme taquin te lum ta sjoyobal, tey ya jna' a te yac acoltay te Israel ta jcuenta, hich te bin ut'il la awale, xchi.

Jueces 6:17

Hich la sjac' te Gedeón: Teme lecon ta atojol, awocoluc a'bon seña quil teme melel ha'at te yac ajucbelon ta c'op.

Génesis 15:8

Hich la sjac' te Abram: Cajwal Jehová ¿bin ut'il ya jna' teme ya quich' te q'uinale? xchi.

Isaías 7:11

C'ambeya seña te Jehová te Dios awu'un, chican teme ta sc'ubulil bahlumilal o ta stoyolil ch'ulchan, xchi.

Proverbios 19:14

Te na soc te c'ulejalil ha te bin ya x'a'bot yich' yu'un sme'stat, yan te ants yic'oj te ay sp'ijil yo'tan, ha mahtanil yu'un Jehová.

2 Samuel 5:24

Te c'alal yac awa'iybe sc'op ta sni'il te balsamo-te'etic hich te bin ut'il ay mach'atic yac ta behel, hahchan ta ora, como te Jehová ya xnahilij bahel awu'un ta yehchentesel te campamento yu'un te filisteohetic, xchi sc'oblal.

Jueces 18:5

Ha yu'un la yalbeyic: Joc'obeya Dios scuenta yu'un ya jna'cotic teme lec ya xc'ohotcotic te banti yacotcotic ta bahele, xchihic.

Romanos 1:10

ha ya calbe wocol te ayuc bin ut'il ya xhu' ya xbohon ta banti ayex teme hich ya sc'an yo'tan,

2 Samuel 20:9

Te Joab la sjoc'obe te Amasa: ¿Lec bal ayat hermano? xchi. Hich te Joab la stsacbe ta swa'el-c'ab te yisim yu'un ya yuhts'uy.

1 Samuel 20:7

Teme hich ya yal: Lec ay, teme xchihe, hich jun yo'tan a te awa'bate; yan teme ya x'ilin yu'un, ya me ana' te ay bin chopol ya spasbon.

Génesis 24:44

soc teme hich ya yalbon: Uch'an, soc ya jloq'uesbe tal yuch'ic ha' te camellohetic, teme xchihe, ha'uc me te mach'a tsahbil yu'un Jehová yu'un te snich'an te cajwal, xchihon ta sc'oponel Dios.

Génesis 24:13

Ilawil, ayonix ta pozo, ya xloq'uic tal ta yich'el ya'alic te yantsil-nich'nabic te winiquetic yu'un te pueblo ini.

Génesis 24:15

Ma to xlaj yo'tan ta sc'oponel Dios a, yac ta loq'uel tal te Rebeca te yantsil-nich'an Betuel, ha te yal te Milca te yihnam Nacor, te yihts'in Abraham, sq'uechoj tal ta snehquel te sq'uibe.

Génesis 24:18

La sjac' te ach'ixe: Uch'an, tatic, xchi. Ora la scohtes te sq'uib, la ya'be yuch' te ha'e.

Génesis 24:19

C'alal laj yo'tan ta ya'beyel yuch' ha', la yalbe: Ya jloq'uesbe tal yuch' ha' te camellohetic awu'un, chican ban c'alal ya sc'an ya yuch'ic, xchi.

Génesis 24:43

li' ayonix ta pozo ini, teme ay ach'ix ya xtal ta yich'el ya'al, teme ya calbe: Awocoluc, a'bon cuch' jtebuc ya'lel aq'uib, teme ya cut,