Génesis 23:6 - Bible in Tzeltal Bachajón

⁶ Tatic, a'iya awa'iy te bin ya calbatcotic. Ha'at ich'bilat ta muc' cu'uncotic; muca te mach'a chamen awu'un ta banti mero lequil muquenal cu'uncotic. Mayuc mach'a ya yal te ma ba ya ca'batcotic amuquenal, ma ba ya jcomatcotic te yac amuc te mach'a chamen awu'un, xchihic.

Bible in Tzeltal de Oxchuc y Tenejapa

⁶ —Tatic, aiybon awaiy te bila ya calbat: Bayal ayat ta ich'el ta muc' cu'untic, chican banti ya amulan ya amuc ta muquenal cu'untic te mach'a lajem awu'une. Ma'yuc mach'a bi ya yalbat yu'un —xiic.

Génesis 23:6 Referans Kwoze

Génesis 24:35

Bayel bendición a'bibil yu'un Jehová te cajwal, soc muc'ubtesbot sc'oblal yu'un; a'bot tuminchijetic, wacaxetic, plata soc oro, a'bat ants-winiquetic, camellohetic soc burrohetic.

Génesis 14:14

C'alal la ya'iy te Abram te ic'ot bahel ta chuquel te snich'ajun, la schahpambe ya'tejib yu'un guerra waxaclajuneb swaclajunwinic (318) ta tuhl a'batetic yu'un te ayinemic ta sna, la scholic bahel c'alal ta Dan.

Isaías 45:14

Hich ya yal te Jehová: Te stojol ya'tel te Egipto, te jchombajeletic yu'un Etiopía, soc te sabeohetic, ha te nahtil winiquetic, ya xc'axic tal ta atojol, awu'un ya xc'ohtic; ya st'unat bahel, chuculic ta cadena, ya me squejan sbahic ta atojol soc hich me ya yalbat wocol: Melel sjoquinejat te Diose, mayuc yan dios, xchihic.

Éxodo 32:22

La sjac' te Aarón: Ma x'ilinat, cajwal. Yac ana'be sba te pueblo te hich yo'tanic te ya spasic te bin chopol.

Génesis 44:8

Te taq'uin la jta ta jcostalcotic la jquich'cotic suhtel tal ta sq'uinal Canaán. ¿Bin ut'il c'an quelc'ancotiquix bahel ta sna awajwal te plata o te oro?

Génesis 44:5

¿Ma bal ha'uc te yuch'ib te cajwal, soc te ay bin ya xhu' sna'bel a? Ma lecuc te bin la apasic, xchihat me ta stojolic, xchi.

Génesis 42:10

Ma hichuc, cajwal. Te a'batotcotic awu'un ha nax talemotcotic ta smanel we'elil.

Génesis 32:18

hich me xawalbe: Ha mahtanil te ticombil tal yu'un te awa'bat Jacob ta stojol te cajwal Esaú; soc yac ta talel ta jpatcotic, xchihat me, xchi te Jacob.

Génesis 31:35

Te Raquel la yalbe te stat: Jtat, ma x'ilinat yu'un te ma xhu' ya xhahchon, como hich ayon te bin ut'il stalel antsetic te ya yil schamel ta jujun u, xchi. Hich te Labán la sle xan te yahcanan pero ma ba la sta.

Génesis 24:18

La sjac' te ach'ixe: Uch'an, tatic, xchi. Ora la scohtes te sq'uib, la ya'be yuch' te ha'e.

Génesis 21:22

Te Abraham ta hich ora tal ta c'oponel yu'un Abimelec soc Ficol, te jtsobaw yu'un soldadohetic yu'un, hich la yalbeyic: Dios sjoquinejat ta spisil te bintic yac apas.

Génesis 18:12

Ha yu'un tse'ejin ta yo'tan te Sara, hich la yal: C'alal me'elonix a soc mamalix a te cajwal ¿ya to bal ca'iybe xan yutsil? xchi.

Génesis 13:2

Te Abram ay bayel chambahlametic soc oro soc plata yu'un.

Rut 2:13

La sjac' te Rut: Cajwal, bayel yutsil awo'tan ta jtojol soc la amuc'ubtesbon q'uinal ca'iy; la awutsil c'opon te a'bat awu'un aunque ma criadahucon awu'un, xchi.

Génesis 20:7

Ha yu'un ticona bahel te ants ta stojol te smamalal, como ha jalwanej, ya xc'opoj awu'un ta jtojol scuenta yu'un cuxul ya xhilat. Yan teme ma ba yac aticon bahel, na'a me te ya xlajat soc spisil mach'atic ay awu'un, xchi.

Génesis 23:5

Ha yu'un te snich'nab Het hich la sjac'beyic sc'op te Abraham:

Génesis 23:7

Ha yu'un te Abraham la stehc'an hahchel sba soc la snijan sba ta stojol te yajwal te q'uinal, ha te snich'nab Het.