Génesis 23:4 - Bible in Tzeltal Bachajón

⁴ Ho'on jyanlumon soc jmelmonelon ta awohlilic. A'bon q'uinal yu'un muquenal, yu'un tey ya jmuc a te mach'a chamen cu'un, xchi.

Bible in Tzeltal de Oxchuc y Tenejapa

⁴ —Te jo'one q'uejel talemon, ma'yucon ta jlumal. Jich yu'un yacuc achonbon jtebuc aq'uinal te banti ya jmuc te mach'a lajem cu'une —xi'.

Génesis 23:4 Referans Kwoze

Hebreos 11:9

Ta scuenta sch'uhunel yo'tan hich nahin te bin ut'il jbehyom ta yan q'uinal te halbot ya x'a'bot yich', la snahin nahilpac' soc Isaac soc Jacob, te ha nix yu'unic ya xc'oht te bin yaloj te Diose,

1 Crónicas 29:15

Como jyanlumotcotic soc jbehyomalotcotic ta atojol hich te bin ut'il spisil te jme'jtatcotique. Te jayeb c'ahc'al cuxulotic ta bahlumilal hich c'ohem te bin ut'il axinal te ma xhalaj.

Génesis 17:8

Ya ca'bat aq'uinalin soc ats'umbal ta patil bahel te q'uinal ta banti ayat ta nahinel, spisil te sq'uinal Canaán, stalel awu'unic ya xc'oht, soc Ho'on Dioson yu'unic ya xc'ohon, xchi.

Salmos 119:19

Jbehyemon ta q'uinal; ma me xanac' ta jtojol te mandariletic awu'une.

Hechos 7:5

Ma ba la ya'be sq'uinal tey a, ni jxeht'uc banti ya xc'oht te yoque; pero halbot yu'un Dios te ha ya x'a'bot sq'uinalin soc sts'umbal ta patil te q'uinal, aunque ma to ayuc snich'an a.

Salmos 39:12

A'iybon jc'op, Jehová, a'iybon awa'iy caw. Ma me xch'abat ta stojol te oq'uel cu'un, como hichon te bin ut'il jyanlum ta atojol, soc jbehyomon, hich te bin ut'il spisil te jme'jtate.

Levítico 25:23

Te q'uinal ma xhu' ta chonel ta jc'axel, como ho'on cu'un te q'uinale; te ha'exe jbehyom soc jyanlum c'ohemex ta jtojol.

Génesis 49:30

ha te ch'en te ay ta sq'uinal Macpela te ay ta stojol banti ya xloc' tal c'ahc'al yu'un Mamre, ta sq'uinal Canaán, te ch'en soc te q'uinal te Abraham la smambe te Efrón te heteo-winic scuenta muquenal.

1 Pedro 2:11

Quermanotac te c'uxex ta co'tan, ya calbeyex wocol, te bin ut'il jyanlumex soc jbehyomex ta bahlumilal ini, te yacuc xhil awu'unic te bin mulambil ta pasel yu'un te abaq'uetalic te ya scontrahin te ach'uhlelique.

Eclesiastés 12:7

o te ya suht xan bahel ta lumq'uinal te ts'ubilum, hich te bin ut'il ay ta nahil to, soc te ch'uhlelal ya suht xan bahel ta stojol Dios te ha nix a'bibil yu'une.

Eclesiastés 12:5

te c'alal ya xiw teme toyol ay, soc ay bin xiweltic sba ta be; te c'alal ya snichin te almendro, soc ayix yihcats ya ya'iy te c'ulub, soc ma sc'anix bintic mulambilixe; como te winic ya xbaht ta banti ya xnahin sbahtel q'uinal, soc ya sbehentayic te callehetic te mach'atic ya x'oq'uic;

Eclesiastés 6:3

Te winic, aunque ya yac' ho'winic (100) ta tuhl snich'nab soc bayel ha'bil ya xcuxaj, bayel ya xmamalub, teme ma ba ya ya'iybe yutsil te bintic lec, soc teme ma ba ya yich' muquele, ho'on ya cal te ha lec xan a te c'axem alale.

Job 30:23

Ya jna' te yac awac'on bahel ta lajel, ta na banti ya xbaht spisil mach'atic cuxajtic.

Génesis 50:13

la yich'beyic bahel sbaq'uetal ta sq'uinal Canaán, la smuquic hilel ta muquenal ch'en ta sq'uinal Macpela te ay ta stojol banti ya xloc' tal c'ahc'al yu'un Mamre, ha te ch'en soc te q'uinal te Abraham la smambe te Efrón te heteo-winic scuenta muquenal.

Génesis 47:9

Te Jacob hich la sjac'be sc'op te faraón: Te jayeb ha'bil behenon ta q'uinal ha lajuneb shucwinic (130) ha'bil. Com soc wocol te jayeb ha'bil cuxulon, ma la jta hich te jayeb ya'bilalic behenic ta q'uinal te jme'jtate, xchi.

Génesis 3:19

Ta scuenta achic' yac ata awe'el, ha to c'alal ya xc'atp'ujat ta lum, como tey chicnajemat talel a; ta ts'ubil lum pasbilat, ta ts'ubil lum ya suhtat, xchi te Diose.

Hechos 7:16

Ich'bot tal sbaq'uetalic ta Siquem, la yich'ic muquel ta smuquenal Abraham te la smambe te snich'nab Hamor ta Siquem.

Génesis 23:5

Ha yu'un te snich'nab Het hich la sjac'beyic sc'op te Abraham:

Éxodo 2:22

Te antse ayin stut querem-al; te Moisés la ya'be sbihil Gersón, como la yal: Jbehyomal ayon ta yan q'uinal, xchi.