Génesis 23:20 - Bible in Tzeltal Bachajón

²⁰ Hich te q'uinal soc te ch'en tey ay a, te chombot yu'un te snich'nab Het, la yich' te Abraham yu'un muquenal.

Bible in Tzeltal de Oxchuc y Tenejapa

²⁰ Jich te Abraham la yich' te q'uinal soc te nailch'ene, ja' la smuquenalin te q'uinal chonbot yu'un te sts'umbal Het.

Génesis 23:20 Referans Kwoze

2 Reyes 21:18

Cham te Manasés, baht sjoquin ta muquenal te chawinic sme'stat, la yich' muquel ta ts'umbil nichimaltic ta sna, ha te ts'umbil yu'un Uza. Ha och ta sjelol ta ajwalil te Amón te snich'ane.

2 Samuel 24:24

Pero te ajwalil hich la yalbe te Arauna: Ma'uc, ya jtojbat, ha chican jayeb stojol. Ma ba ya ca'be smahtanin Jehová te Dios cu'un te mahtaniletic te ma tojbiluc cu'un, xchi. Hich te David la sman te yawil sq'uiyojibal trigo soc te j'a'tel-wacaxetic ta lajuneb yoxwinic (50) ta sehp plata.

Génesis 50:13

la yich'beyic bahel sbaq'uetal ta sq'uinal Canaán, la smuquic hilel ta muquenal ch'en ta sq'uinal Macpela te ay ta stojol banti ya xloc' tal c'ahc'al yu'un Mamre, ha te ch'en soc te q'uinal te Abraham la smambe te Efrón te heteo-winic scuenta muquenal.

Génesis 50:5

Hich la yac'on ta yalel ta jamal te jtate: Ya xchamonix; te muquenal ch'en te la jchahpan yu'un ho'on cu'un ta sq'uinal Canaán, tey me xamucon a, xchi. Awocoluc, ac'awon bahel yu'un ya jmuc hilel te jtate, patil ya suhton tal, xchihex, xchi.

Génesis 25:9

Te snich'nab Abraham, ha te Isaac soc Ismael, la smuquic ta ch'en yu'un Macpela te ay ta sq'uinal Efrón snich'an Zohar te heteo-winic, te snuhp'usitayej sba soc Mamre;

Génesis 10:15

Ayin snich'nab Canaán, ha te Sidón te sba-nich'an, soc Het,

Génesis 23:4

Ho'on jyanlumon soc jmelmonelon ta awohlilic. A'bon q'uinal yu'un muquenal, yu'un tey ya jmuc a te mach'a chamen cu'un, xchi.

Génesis 23:19

Patil te Abraham la smuc te Sara te yihnam ta ch'en ay ta sq'uinal Macpela te ay ta stojol banti ya xloc' tal c'ahc'al yu'un Mamre, (te Hebrón yan sbihil), te ay ta sq'uinal Canaán.

Génesis 25:10

ha te sq'uinal te snich'nab Het te la sman te Abraham. Tey mucot a te Abraham soc te Sara te yihname.

Génesis 49:29

Ta patil hich la spasticlan ta mandar: Ya xchamonix. Ya me amuconic ta banti mucul te jme'jtatic ta ch'en te ay ta sq'uinal Efrón te heteo-winic,