Génesis 23:16 - Bible in Tzeltal Bachajón

¹⁶ Te Abraham la schap soc te Efrón, la sp'is te jayeb taq'uin halbot yu'un ta stojol te snich'nab Het, ha te jbahc' (400) ta sehp plata hich te bin ut'il ay ta tuhunel yu'un te jchombajeletique.

Bible in Tzeltal de Oxchuc y Tenejapa

¹⁶ Te Abraham la xchap soc te Efrón. Jich yu'un, la yajtaybey ta stojol sts'umbal Het te jayeb taq'uin albot yu'une, te jbajc' (400) ta jsejp plata, jich nix te bit'il yalal te jsejp plata tey a.

Génesis 23:16 Referans Kwoze

Zacarías 11:12

Hich la jcalbe: Teme lec yac awa'iyic, tojbonic ca'tel; teme ma'uque, ac'a hiluc, la jcut. Ha yu'un la stojonic lajuneb scha'winic (30) ta sehp plata.

Jeremías 32:9

ha yu'un la jmambe te sq'uinal Hanameel snich'an jtajun te ay ta Anatot, la jp'isbe huclajuneb (17) siclohetic yu'un plata.

1 Tesalonicenses 4:6

soc ma me ayuc mach'a ya spasbe te yermano te bin chopol o te hich ya slo'loy, como te Cajwaltic ha jpac-c'abal yu'un spisil ini, hich te bin ut'il la jcalbeyexcotic soc la jca'beyexcotic ana'ic.

Filipenses 4:8

Ta slajibal, quermanotac, spisil te bin smelelil, te bin lec sc'oblal, te bin stojil, te bin mayuc ya'baquil, te bin t'ujbil, te bin lec sc'oblal; teme ay bin t'ujbil ta pasel, teme ay bin ya xhalbot yutsil sc'oblale, ha me xana'ulanic.

Romanos 13:8

Ma me ayuc mach'a ay abetic yu'un, ha nax me abetic te c'ux yac awa'iy abahique, como te mach'a c'ux ya ya'iy ta yo'tan te spat-xuhc, hich hu'em yu'un spasel te bin ya yal te Ley,

San Mateo 7:12

Ha yu'un spisil te bintic lec yac ac'an ya spasbeyex te yantique, ha nix hich xapasbeyic, yu'un hich ay ta Ley soc te bin yalojic te jalwanejetique.

Ezequiel 45:12

Te siclo ha jtahb gera. Te jun mina ha jtahb (20) siclo soc ho'eb scha'winic siclo (25) soc ho'lajuneb (15) siclo.

Job 28:15

Ma xhu' ta manel ta oro, soc ma xweht stojol ta plata.

Éxodo 30:13

Spisil mach'a ahtaybilix ya me yaq'uic j'ohlil siclo, hich te bin ut'il te siclo yu'un te ch'ul awilal. Te jun siclo ha jtahb gera yalal. Te j'ohlil siclo ha smahtan te Jehová.

Génesis 43:21

pero te c'alal c'ohotcotic te banti wayinajibal-na la jamcotic te jcostalcotic, tey ay a te jtaq'uincotic ta tuhlultuhl ta jcostalcotic, ts'acal ay. La jcha'ich'cotic tal.

Génesis 23:15

Tatic, a'iya me awa'iy: jbahc' (400) ta sehp plata te stojol te q'uinale; pero ¿yu'un bal bayel sc'oblal ta jtojoltic? Muca tey a te mach'a chamen awu'un, xchi.

Hechos 7:16

Ich'bot tal sbaq'uetalic ta Siquem, la yich'ic muquel ta smuquenal Abraham te la smambe te snich'nab Hamor ta Siquem.

Génesis 49:29

Ta patil hich la spasticlan ta mandar: Ya xchamonix. Ya me amuconic ta banti mucul te jme'jtatic ta ch'en te ay ta sq'uinal Efrón te heteo-winic,

Génesis 50:13

la yich'beyic bahel sbaq'uetal ta sq'uinal Canaán, la smuquic hilel ta muquenal ch'en ta sq'uinal Macpela te ay ta stojol banti ya xloc' tal c'ahc'al yu'un Mamre, ha te ch'en soc te q'uinal te Abraham la smambe te Efrón te heteo-winic scuenta muquenal.

2 Samuel 14:26

Te c'alal ya yich' set'el te stsotsel sjol ta jujun slajel ha'bil —yu'un ya x'uts'inot yu'un te al ya ya'iy— ha lajunwinic (200) ciclo yalal te stsotsel sjol, hich te bin ut'il sp'isol yalal biluquetic yu'un ajwalil.

Jeremías 32:10

La jpasbe shunal, la jca'be sello, la jquic' tal testigohetic soc la jlicbe yalal te taq'uin ta balanza.

2 Samuel 24:24

Pero te ajwalil hich la yalbe te Arauna: Ma'uc, ya jtojbat, ha chican jayeb stojol. Ma ba ya ca'be smahtanin Jehová te Dios cu'un te mahtaniletic te ma tojbiluc cu'un, xchi. Hich te David la sman te yawil sq'uiyojibal trigo soc te j'a'tel-wacaxetic ta lajuneb yoxwinic (50) ta sehp plata.