Génesis 22:18 - Bible in Tzeltal Bachajón

¹⁸ Ta scuenta ats'umbal ya x'a'bot bendición spisil nacionetic ta swohlol bahlumilal, yu'un te la ach'uhumbon te jc'ope, xchi.

Bible in Tzeltal de Oxchuc y Tenejapa

¹⁸ Ta swenta ats'umbal ya x'ac'bot bendición bayal ta jtul ta spamal balumilal, yu'un la ach'uunbon jmandal”, te xie —xi' sc'oplal yu'un.

Génesis 22:18 Referans Kwoze

Hechos 3:25

Ha'ex yal-snich'anex te jalwanejetic soc ay ta acuentahic te c'op chapbil yu'un Dios soc te jme'jtatic, te hich la yalbe te Abraham: Ta scuenta ats'umbal ya x'a'bot bendición spisil ta chahp te mach'atic ayic ta bahlumilal, te xchihe.

Génesis 12:3

Ya ca'be bendición te mach'a ya ya'bat bendición, soc ya jbohlobtesbe sc'oblal te mach'a ya sbohlobtesbat ac'oblal. Soc ha'at ta acuenta ya me yich' bendición spisil ants-winiquetic ta bahlumilal, xchi sc'oblal.

Gálatas 3:16

Bueno, ay bintic yaloj Dios ta stojol Abraham soc te sts'umbale. Ma ba ya yal: soc spisil sts'umbal, ma xchihuc, hich te bin ut'il sc'oblal tsobolic ya'iyel, pero jtuhl nax: soc ats'umbal, xchi, ha te Cristo abi.

Jeremías 7:23

Pero la jcalbe te mandar ini: Ch'uhumbonic te jc'ope, hich Dioson awu'unic ya xc'ohon soc ha'ex pueblo cu'un ya xc'ohex. T'unahic bahel spisil te behetic te la jcalbeyexe, scuenta yu'un lec ya xc'ohex a, xchihon.

Génesis 18:18

te bin ut'il muc'ul nación ya xc'oht te ay bayel yip, soc te bin ut'il spisil te nacionetic ta bahlumilal ya x'a'bot bendición ta scuenta?

Efesios 1:3

Bayeluc me yutsil sc'oblal Dios te Stat te Cajwaltic Jesucristo, te ha ta scuenta Cristo ya'beyejotic spisil ta chahp bendicionetic te ayic ta ch'ulchan.

Salmos 72:17

Ac'a ayinuc spisil ora te sbihile; ac'a halajuc te c'alal ay te c'ahc'ale. Spisil te nacionetic ac'a yich'ic bendición ta scuenta, ac'a yalbeyic lec sc'oblal.

Romanos 1:3

ha te lec yach'il c'op la yalbe sc'oblal te Snich'an, ha te Cajwaltic Jesucristo, te ha sts'umbal David ta scuenta ch'ich'-baq'uet,

Gálatas 3:18

como teme ya xtal ta scuenta te Ley te bin ya x'a'bot yich' hilel, ma ha'uquix ta scuenta te bin yaloj Dios te hichuque; pero Dios la ya'be te Abraham ta scuenta te bin halbil ta hamal yu'une.

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.

Génesis 22:10

Te Abraham la stsac te cuchillo yu'un ya slow a te snich'ane.

Génesis 22:3

Hich te Abraham buen sab hahch, la schahpan sburro, soc la yic' bahel cheb ya'bat soc te Isaac te snich'ane. La sch'uybe si'il te scohtol milbil mahtanil, hahch ta behel, baht ta banti halbot yu'un te Diose.

San Mateo 1:1

Ha shunal te cajalcaj me'iltatiletic yu'un Jesucristo, sts'umbal David, sts'umbal Abraham.

Génesis 18:19

Como ya jna' te ya me spas ta mandar te yal-snich'nab soc te mach'atic ay yu'un ta patil te ya me st'unic te be yu'un Jehová, ha te ya spasic te bintic toj soc te bintic lec ta pasel, scuenta yu'un te Jehová ya yac' c'ohtuc ta pasel ta stojol Abraham te bin yalbeyej ta jamal.

Génesis 28:14

Hich yipal ats'umbal ya xc'oht te bin ut'il ts'ubil lum, soc ya jpucat bahel ta stojol smahlib c'ahc'al, ta stojol banti ya xloc' tal c'ahc'al, ta stojol norte, soc ta stojol sur; soc ya x'a'bot bendición spisil ants-winiquetic ta swohlol bahlumilal ta acuenta soc ta scuenta ats'umbal.

Jeremías 4:2

soc teme smelelil, stojil soc ta scuenta bintic lec ta pasel hich yac awal ta jamal: Cuxul Jehová, teme xchihexe, hich te nacionetic ya me yich'ic bendición yu'un Dios soc ya me yalbeyic yutsil sc'oblal, xchi.

Génesis 12:2

Muc'ul nación ya xc'ohat cu'un, soc ya ca'bat bendición ta atojol, muc' ya xc'oht abihil cu'un, soc ha'at bendición ya xc'ohat.

Éxodo 7:6

Te Moisés soc Aarón hich la spasic te bin ut'il pasotic ta mandar yu'un te Jehová.